Yohanes 11:1 - Jaji ma Su-sungi

¹ 'Age rema ngowa'a matengo 'ai lomanga Lazarus ga'a 'o tegoro toma gamu Betania ma wala ḏu moi re 'ai biḏanga nga muḏiḏi, ngo Maria re ngo Marta.

Yohanes 11:1 Iomraidhean Croise

Matias 21:17

Gena ḏua, Yesus 'o supu sisoi'i tala ananga toma limau Yerusalem re 'O tagi toma gamu Betania re 'O otu toma gamu gena-ge.

Markus 11:1

Wakutu ananga 'aḏi co-cori toma limau Yerusalem, ananga 'aḏi osama toma limau Betfage re limau Betania sie toma Polono Zaitun ma gagoro. Gena ḏua, Yesus 'o soma'a 'Ai me-mete'e nga muḏiḏi 'aḏi siḏa re 'O kanau, “Ni siḏa i'a re ni osama toma gamu da'a re ni oḏi'i keledai ma ngowa rimoi gena-ge ya palene soi moi i'a mai nyangu, ngowa'a ya piri'u. Re ngini ni pasala ma gumi re na gasa ino 'ane.

Yohanes 11:11

Togumu i'a Yesus 'o kanau so'o gena-ge, Unanga dadunu 'o kanau moju, “Ngene nanga ḏagilomu 'a Lazarus, unanga 'o otu. Mada'a maha Ngoi to tagi i'a Tu simomi'i.”

Yohanes 11:18

Gamu Betania co-cori limau Yerusalem, ḏa ma giḏanga kilo ro'ange.

Yohanes 11:19

Ngowa'a Yahudi manga repe 'aḏi sapolo di'a 'aḏi sihiburu ngo Marta re ngo Maria, sababu Lazarus ananga manga iḏanga ro sengene.

Yohanes 11:3

Dadi ngo Maria re ngo Marta, ananga 'aḏi soma'a ngowa'a matengo 'o tagi re 'o sihabari ra Yesus, “Ma Jou, 'Ani ḏagilomu ga'a no dadalara, unanga 'o siḏi.”

Yohanes 12:17

Ngowa-ngowa'a repe ga'a ya sisakisi tala mangale Yesus 'o dadunu si'ahu moju 'a Lazarus toma kubu ma dara ie, ananga ya sijarita kama togumu ua.

Yohanes 12:9

Ngowa'a Yahudi manga repe 'aḏi 'isene habari mangale Yesus da'a toma gamu Betania. Dadi ananga matai sapolo pa'i manga maksudu mau oḏi'i Yesus ḇato ua, mada'a 'aḏi mau oḏi'i 'a Lazarus ḏi'i ga'a Yesus dadunu 'u si'ahu moju tai sengene.

Yesus 'ai so-soma'a 9:37

Toma 'orasa gena-ge, munanga mo siḏi singadolo mo sengene. 'Ami maiyeti, ngowa'a ya 'ori'i re ya sigare toma kamara da'u re'u.