Yohanes 10:4 - Jaji ma Su-sungi

⁴ Wakutu unanga 'o gasa doba-doba mo-moini gena-ge sisupu, unanga 'o tagi sisiḏa toma doba ma biono re doba-doba 'i mete'e unanga, sababu enanga ya nana'o unanga 'ai iḏingi.

Yohanes 10:4 Iomraidhean Croise

Matias 16:24

Gena ḏua, Yesus 'o kanau Tai me-mete'e, “ 'A guna ḇato mau 'o mete'e Ngoi, balasu 'a mete'e 'ai mau masiretene riwara re balasu 'o doiti 'ai salib kara 'o mete'e Ngoi tau-taunu.

Yohanes 10:16

'Age doba-doba ma lelegu ḏi'i ga'a enanga 'i osama toma karunga gena-ge nyangu. Enanga ḏi'i balasu Ta gasa ino, re enanga ya 'isene Ngoi 'ari iḏingi. Dadi enanga mo-moini 'i dadi toropo moi, re pa'i Ngoi matengo ḇato To dadi sowohi di'a mo-moini.

Yohanes 10:27

'Ari doba-doba ya 'isene 'Ari iḏingi. Ngoi ta nana'o enanga re enanga 'i mete'e Ngoi.

Yohanes 10:3

Ngalana ma ja-jaga 'a welanga ngalana di'a unanga re doba-doba 'i mete'e unanga 'ai iḏingi sababu enanga ya nana'o. Unanga gena-ge 'a 'aro'o enanga ma lomanga rimoi-rimoi re 'a gasa enanga sisupu.

Yohanes 10:5

Mada'a enanga 'i mete'e yoḏu'u ngowa'a lelegu, enanga 'i wiḏi toma ngowa'a gena-ge, sababu 'i nana'o ua ngowa'a lelegu 'ai iḏingi.”

Yohanes 10:8

Ngowa'a mo-moini raḏi sapolo siḏa ra Ngoi, ananga gena-ge ngowa'a to-tori'i re ngowa'a ra-rabasa, mada'a doba-doba ya 'isene ua ananga manga iḏingi.

Yohanes 12:26

'A guna ḇato mau dadi 'Ari falalomu, ngowa'a gena-ge balasu 'o mete'e Ngoi, la 'Ari falalomu gena-ge 'o mamete'e ra Ngoi toma ngi'i le'a ḇato Ngoi to tagi. Re 'Ari Ḇaḇa 'o silamo'o falalomu gena-ge.”

Yohanes 13:15

Ngoi reta sijumu nana'o rimoi gena-ge ra ngini, la ngini ḏi'i ni si'a'a sa'olo Ngoi ta si'a'a ra ngini.

Yohanes 18:37

Ḏua Pilatus dadunu sano moju, “Na'o so'o gena, Ngana nena-ne 'olana?” Yesus 'o sangoro, “Ngana masiretene no aje, Ngoi nena-ne 'Olana, re 'ani demo 'i banari. 'Ari ngina sibuoro Ngoi re ngoi to sapolo toma dungia nena-ne, di'a maksudu rimoi ḇato: di'a To pula'a sakisi mangale 'ori i'a ga'a ba-banari. Ngowa'a mo-moini ga'a 'aḏi disa ba-banari, ananga gena-ge 'aḏi mete'e Ngoi 'ari do-doto'o.”

Yohanes 3:29

Geri molo'ara we-were'a gena-ge di'a geri molo'ara na-nau'u. Geri molo'ara na-nau'u 'ai ḏagilomu pa'i totoma re 'o 'isene di'a unanga 'ai sapolo. Unanga gena-ge 'o maroanga na'o 'o 'isene geri molo'ara na-nau'u 'ai iḏingi. Ngoi nena-ne ma tero sa'olo geri molo'ara na-nau'u 'ai ḏagilomu. Sababu gena-ge, ngoi 'ari roanga 'i ti-tiai sababu 'oru ga'a ngini reni siajele ra ngoi.

1 Korintus 11:1

Ngini balasu ni cuḏuḏu'u 'ari de'oso re ḏegoro; ma tero sa'olo ngoi masiretene to cuḏuḏu'u 'a Kristus 'ai de'oso re ḏegoro.

Efesus 5:1

Ngini Ma Jou'ongu Madutu 'ai ngowa-ngowa'a ga'a 'a dadalara. Sababu gena-ge, ngini balasu ni cuḏuḏu'u 'Ai de'oso re ḏegoro.

'Ibrani 12:2

Ino ngene wo tatamo tau-taunu pa'i ra Yesus ḇato. Sababu Unanga nena-ne 'o welanga salamata ma ngo'omo di'a ngene sababu 'Ai ngo-ngaku ra Ma Jou'ongu Madutu. Re ḏi'i sababu Unanga si'a'a nanga salamata 'i ti-tiai sababu nanga ngo-ngaku ra Unanga. Unanga 'o tahana wakutu sanga sangisara toma ngowa'a ga'a 'U salib. Re kalaha Unanga 'o sengene toma salib, gena-ge ga'a 'i sipula'a mara'a ngowa'a, Unanga 'a kalesanga ua sababu Unanga pa'i 'o 'elingi tau-taunu nena-ne: Togumu i'a 'O sanga roanga. Nange-ne Unanga 'o tegoro ra Ma Jou'ongu Madutu 'ai giama ma kuwiḏa, re 'O parenta mamete'e ra Unanga.

'Ibrani 6:20

Yesus ro osama siḏa toma ngi'i gena-ge, la ngene nyengara wo osama ḏi'i. Unanga gena-ge 'o dadi 'Imam 'Agung singado-ngadolo i'a, ma tero sa'olo 'imam Melkisedek.

1 Petrus 2:21

Ma Jou'ongu Madutu 'o 'aro'o ngini di'a ni matahana sangisara gena-ge. So'o gena 'a Kristus ḏi'i 'o sanga sangisara di'a ngini. Duhu so'o gena-ge, Unanga 'o sijumu ngo'omo, la ngini ni 'a'a ma tero sa'olo Unanga:

1 Petrus 4:1

Dadi sababu Kristus 'ai lese basono sangisara, ngini ḏi'i balasu ni ḏu-ḏuanga ḏua di'a basono sangisara. Ḏua ngini ni jaga ninga ngo-ngaku. Sababu 'a guna ḇato ga'a tamanga lese basono sangisara gena-ge, ananga 'aḏi 'a'a ḏosa riwara.

1 Petrus 5:3

So'o gena ḏi'i, awa ngini ni parenta ma tero sa'olo 'olana 'o parenta toma ngowa-ngowa'a, ga'a Ma Jou'ongu Madutu 'o siwatasa ra ngini. Siḏibo ḏi'i ngini balasu ninga 'ahu ma duhu la-la sa'olo nana'o rimoi di'a ananga ya cuḏuḏu'u.