Yohanes 10:3 - Jaji ma Su-sungi

³ Ngalana ma ja-jaga 'a welanga ngalana di'a unanga re doba-doba 'i mete'e unanga 'ai iḏingi sababu enanga ya nana'o. Unanga gena-ge 'a 'aro'o enanga ma lomanga rimoi-rimoi re 'a gasa enanga sisupu.

Yohanes 10:3 Iomraidhean Croise

Yohanes 10:14

Ngoi nena-ne Sowohi ma La-La. Ngoi to nana'o 'Ari doba-doba re enanga ri nana'o Ngoi,

Yohanes 10:16

'Age doba-doba ma lelegu ḏi'i ga'a enanga 'i osama toma karunga gena-ge nyangu. Enanga ḏi'i balasu Ta gasa ino, re enanga ya 'isene Ngoi 'ari iḏingi. Dadi enanga mo-moini 'i dadi toropo moi, re pa'i Ngoi matengo ḇato To dadi sowohi di'a mo-moini.

Yohanes 10:4

Wakutu unanga 'o gasa doba-doba mo-moini gena-ge sisupu, unanga 'o tagi sisiḏa toma doba ma biono re doba-doba 'i mete'e unanga, sababu enanga ya nana'o unanga 'ai iḏingi.

Yohanes 10:9

Ngoi nena-ne karunga ma ngalana. 'A guna ḇato 'o osama sababu 'o ngaku Ngoi, unanga ḏuanga i'a 'o sanga salamata. Unanga gena-ge ma tero sa'olo doba ga'a supu re osama re 'i sanga ngo-ngoromo.

Yohanes 6:37

Mada'a ngowa'a mo-moini 'Ari Ḇaḇa 'o sidoa'a ra Ngoi, ananga gena-ge ḏuanga i'a 'aḏi sapolo ra Ngoi. Re 'a guna ḇato ga'a sapolo ra Ngoi, Ngoi ta'u itomo ua.

Yohanes 6:45

Toma nabi-nabi manga boku ma dara ri silefo so'o ne: ‘Ananga mo-moini ḏuanga i'a 'aḏi madoto'o ra Ma Jou'ongu Madutu tala.’ Dadi ngowa'a mo-moini 'aḏi 'isene re madoto'o Tari Ḇaḇa, ananga gena-ge 'aḏi sapolo ra Ngoi.

Roma 8:30

Ananga ga'a Ma Jou'ongu Madutu ya'u sitantukanga ḏua di'a dadi ma tero sa'olo 'Ai Ngowa'a Nau'u toma 'ua re 'au wali, Unanga 'o 'aro'o ananga gena-ge di'a 'aḏi dadi 'Ai ngowa-ngowa'a. Ananga ga'a Unanga ya'u 'aro'o ḏua, Unanga ya'u sidadi ngowa'a kamanga sala ua Tai momina. Re ananga ga'a ngowa'a kamanga sala ua Tai momina, Unanga ḏuanga i'a ya'u sidadi manga tabeata ma tero sa'olo 'Ai Ngowa'a Nau'u 'Ai tabeata ga'a mulia.

1 Korintus 16:9

Sababu kalaha 'age tamanga sigolona rema ngowa'a ga'a 'aḏi dola'aku ngoi, 'age ḏi'i donga ma repe rema faeda lai lamo'o toma ngi'i gena-ge di'a ngoi ta singadolo Habari Roanga ra Ma Jou'ongu Madutu tala.

Filipi 4:3

Ngoi to golo'o toma ḏagilomu munara matengo ga'a cufala munara no riono ananga we-were'a nga muḏiḏi gena-ge. Ananga raḏi munara mode-mode'e mamete'e ra ngoi, la Habari Roanga 'i rera re walata. Ananga gena-ge ma tero sa'olo 'a Klemen, re ngowa-ngowa'a lelegu raḏi munara mamete'e ra ngoi ga'a manga lomanga 'i silefo ḏua toma ngowa'a 'ahu-'ahu manga boku.

Kolose 4:3

Ngini ni manyiata di'a ngomi ḏi'i mangale Ma Jou'ongu Madutu 'a welanga ngalana di'a mi singadolo habari rahasia mangale Kristus. Sababu habari gena-ge ngowa'a 'aḏi singosama ngoi toma bui.

2 Timotius 2:19

Mada'a do-doto'o banari ma tero sa'olo bangini ga'a Ma Jou'ongu Madutu 'a side'oso pasala ḏua; 'i elala yoḏu'u. Toma bangini ma re'u 'i silefo so'o ne: “Ma Jou'ongu Madutu 'a nana'o ngowa-ngowa'a ga'a Unanga 'o cumutu ḏua” re “ 'A guna ḇato raḏi mangaku, ‘Ananga ga'a Ma Jou'ongu Madutu ya'u cumutu ḏua’, ngowa'a gena-ge balasu 'aḏi matogumu madaga'a 'ori i'a ma jira.”

1 Petrus 1:12

Ma Jou'ongu Madutu ro sijumu toma nabi-nabi mangale salamata ra Kristus gena-ge di'a ananga toma 'orasa gena-ge ua, mada'a di'a ngini 'orasa nange-ne. Sababu gena-ge Ma Jou'ongu Madutu 'o siḏingoto Ma Ngagara 'Ofi-'Ofi da'u soroga tala di'a sinyanyasele ngowa-ngowa'a ga'a singadolo Habari Roanga ra ngini mangale salamata ra Kristus, la ngini ni sanga salamata. Mala'ekata-mala'ekata mai ya nyafusu ḏi'i mau ya sahe mangale salamata ra Kristus gena-ge.

1 Yohanes 4:6

Mada'a ngene Ma Jou'ongu Madutu 'ai ngowa-ngowa'a. Ngowa-ngowa'a ga'a 'aḏi nana'o Ma Jou'ongu Madutu, ananga ya 'isene ngene nanga demo. Ngowa'a ga'a Ma Jou'ongu Madutu 'ai ngowa-ngowa'a ua, ananga 'aḏi 'isene ngene nanga demo ua. Gena-ge 'i dadi didina'o rimoi mangale ma duhu sa'olo ngene wa waro 'a guna Ma Ngagara 'Ofi-'Ofi, ga'a doto'o ba-banari, ya'u ḏegoro, re 'a guna 'Iblisi ya'u ḏegoro re ya'u sihaga.

3 Yohanes 1:14

Na'o nyengara gari'a, tiara riwara ngoi to ma'u sanga ra ngana, kara wo makanau talaḏi biono re biono.

Tingoýi 20:15

Ngowa'a mo-moini ga'a manga lomanga 'i silefo ua toma ngowa'a 'ahu-'ahu manga boku, ananga gena-ge 'aḏi siupa'a toma ngoloto u'u ma dara.

Tingoýi 3:20

Oḏi'i! Ngoi toma de-de'oso taninga ngalana, re to tolo'o. Na'o 'a guna ḇato 'o 'isene 'Ari iḏingi, re 'a welanga ma ngalana, Ngoi ḏuanga i'a to osama ma'u sanga ra unanga, kara ngomi mi oromo mamete'e.

Tingoýi 7:17

Sababu Doba ma Ngowa gena-ge ga'a 'o tegoro sebanga ra Ma 'Olana 'ai ḏe-ḏegoro 'o dadi ananga manga sowohi. Unanga ḏuanga i'a ya'u sigasa toma ḇanyo 'ahu ma utu'u. Re Ma Jou'ongu Madutu 'a singi-ngiranga manga la'o ma 'ongoro mo-moini.”