Yohanes 10:21 - Jaji ma Su-sungi

²¹ Mada'a 'age ḏi'i ngowa'a lelegu ga'a 'aḏi kanau, “Ngowa'a matengo ga'a 'o roh ma jira 'U dungosama 'o kanau so'o gena ua. Nyengara 'o roh ma jira 'i si-la ngowa'a hafu, dadi nyengara 'o oḏi'i?!”

Yohanes 10:21 Iomraidhean Croise

Matias 11:5

Ngowa'a hafu 'aḏi oḏi'i, ngowa'a ḇolo 'aḏi tagi, ngowa'a si-siḏi 'eno'o 'aḏi la, ngowa'a popongolo 'aḏi 'isene, ngowa'a raḏi sengene, dadunu 'aḏi 'ahu moju, re Habari Roanga ra Ma Jou'ongu Madutu ino Ngoi ta singadolo toma ngowa-ngowa'a ma dinga'unu ua.

Matias 4:24

Habari mangale Yesus, 'i rera re walata toma nagara Siria manga gamu, singadolo ngowa'a manga repe 'aḏi sapolo ra Unanga. Ananga 'aḏi gasa ngowa-ngowa'a siḏi, remanga si-siḏi ma rupa lai repe. Ngowa-ngowa'a ga'a roh ma jira ya'u dungosama, ngowa-ngowa'a sarasone, ngowa-ngowa'a ḇolo. Ananga mo-moini Yesus ya'u si-la.

Yohanes 10:22

Toma limau Yerusalem ngowa'a 'aḏi 'a'a laya di'a wangere lamo'o wakutu ananga 'aḏi 'elingi tabisi Ma Jou'ongu Madutu 'ai Wala. 'Orasa gena-ge 'orasa 'alo-'alo.

Yohanes 9:6

Wakutu Yesus 'o kanau so'o gena togumu i'a, Unanga 'o obi'i toma tana'a re 'ai obi'i 'a sicapuru reo tana'a, kara 'a siḇiasa toma ngowa hafu 'ai la'o.