Yohanes 10:11 - Jaji ma Su-sungi

¹¹ Ngoi nena-ne Sowohi ma La-La. Sowohi ma La-La sidoa'a 'ai 'ahu di'a sisalamata doba-doba.

Yohanes 10:11 Iomraidhean Croise

Matias 20:28

So'o gena-ge ḏi'i ma tero sa'olo Ngoi, Manusia ma Ngowa'a Nau'u. Ngoi to sapolo di'a ngowa-ngowa'a 'aḏi de-de'oso Ngoi ua. Mada'a Ngoi to sapolo di'a To de-de'oso ngowa-ngowa'a, re Ta sidoa'a 'Ari 'ahu di'a To tuusu ngowa'a repe tamanga ḏosa.”

Yohanes 10:2

Mada'a ngowa'a ga'a 'aḏi osama mete'e karunga ma ngalana, unanga gena-ge 'o doba ma sowohi.

Yohanes 15:13

Dadalara ga'a lai lamo'o so'o ne: Matengo i'a ga'a 'o dadalara 'ai ḏagilomu, singadolo 'o sipula'a 'ai 'ahu, la 'ai ḏagilomu 'o 'ahu.

Efesus 5:2

Taninga 'ahu ma dara balasu romanga reo dadalara, ma tero sa'olo Kristus ḏi'i 'O dadalara ngene. Unanga 'ai lese 'a sidoa'a sa'olo jou-jou di'a ngene sa'olo jou-jou rimoi ga'a ma bounu lai sa'i re sisanangi Ma Jou'ongu Madutu 'ai 'akala re sinyingara.

Titus 2:14

Yesus Kristus 'a sipula'a 'ai 'ahu 'i dadi jou-jou di'a ngene, la 'O siwoi'i ngene toma kuasa ma jira re 'O si'ofi tananga ḏosa-ḏosa, la sidadi ngene wo dadi Unanga 'ai 'umata ga'a wo cufala madaga'a 'ori i'a ma la-la.

'Ibrani 13:20

Ngoi to manyiata ra Ma Jou'ongu Madutu, Unanga 'o dame ma cimi ga'a dadunu 'o si'ahu moju Ma Jou Yesus. Unanga gena-ge ro dadi ngene nanga Sowohi La-lamo'o re ngene wo dadi 'Ai doba-doba sababu Tai se-sengene. Re ḏi'i Tai se-sengene gena-ge si'aku sah Ma Jou'ongu Madutu 'ai jaji ga'a kasingado-ngadolo i'a di'a ngene.

1 Petrus 5:4

Wakutu ḏuanga i'a Sowohi ma Sae'e Unanga 'o sapolo, Unanga 'o pula'a lastari ra ngini. Lastari gena-ge 'i jama-jamanga kama iranga ua, nange-ne re si'a.

1 Yohanes 3:16

Gena-ge 'i sijumu ra ngene mangale ma'u dadalara ma ngo'omo: Yesus Kristus nyengara ra sipula'a 'ai 'ahu, la ngene wo sanga salamata. Sababu gena-ge, ngene ḏi'i balasu wo nyengara wa sipula'a nanga 'ahu di'a nanga ioronongoḏu ngo-ngaku rimoi!

Tingoýi 7:17

Sababu Doba ma Ngowa gena-ge ga'a 'o tegoro sebanga ra Ma 'Olana 'ai ḏe-ḏegoro 'o dadi ananga manga sowohi. Unanga ḏuanga i'a ya'u sigasa toma ḇanyo 'ahu ma utu'u. Re Ma Jou'ongu Madutu 'a singi-ngiranga manga la'o ma 'ongoro mo-moini.”