Yohanes 1:9 - Jaji ma Su-sungi

⁹ Tarangi mode-mode'e ga'a sitarangi ngowa'a mo-moini manga 'akala re sinyingara, tarangi gena-ge ri sapolo toma dungia.

Yohanes 1:9 Iomraidhean Croise

Matias 6:23

Mada'a na'o ninga la'o 'i siḏi re karasa, ninga lese rimoi mo-moini 'i dadi hafu. Dadi na'o lapuru taninga lese 'i hafu, marai ḏua ninga lese 'i hafu masala!”

Lukas 11:36

Na'o ninga lese rimoi mo-moini 'i tarangi re ceka'a i'a mai ua 'i hafu-hafu, ḏua ninga lese rimoi mo-moini 'i romanga reo tarangi, ma tero sa'olo lapuru ma tarangi ya 'erese.”

Yohanes 1:4

Unanga gena-ge 'ahu ma cimi, re Unanga Ma Jou'ongu Madutu 'ai tarangi toma manusia.

Yohanes 1:7

Unanga 'o sapolo sa'olo sakisi di'a sihabari tarangi gena-ge, la ngowa'a mo-moini 'aḏi ngaku Unanga gena-ge.

Yohanes 12:46

Ngoi to sapolo toma dungia nena-ne to gasa tarangi, la ngowa'a ga'a 'aḏi ngaku Ngoi, ananga gena-ge 'aḏi 'ahu toma hafu-hafu ma dara riwara.

Yohanes 14:6

Yesus 'o sangoro, “Ngoi nena-ne ngo'omo di'a ni sapolo ra Tari Ḇaḇa. Ngoi nena-ne to sijumu 'oru ga'a 'i banari mangale 'Ari Ḇaḇa. Re ḏi'i Ngoi nena-ne to pula'a 'ahu kasingado-ngadolo i'a. Pa'i Ngoi nena-ne ḇato to dadi ngo'omo ga'a sigasa ngowa'a Tari Ḇaḇa.

Yohanes 15:1

Yesus 'o kanau, “Ngoi nena-ne 'anggur ma lese lamo'o mode-mode'e, re 'Ari Ḇaḇa Unanga guḏa ma dutu.

Yohanes 6:32

Ḏua Yesus 'o kanau ra ananga, “Ni ngaku mode-mode'e 'Ari demo-demo nena-ne: Roti gena-ge 'a Musa ua 'a pula'a, mada'a 'Ari Ḇaḇa. Re Unanga gena-ge ḏi'i 'O pula'a ra ngini roti mode-mode'e da'u soroga tala.

Yohanes 7:12

Toma laya gena-ge ma dara, ngowa'a repe 'aḏi ma'u jujuḏu mangale Unanga. Mamuni'a 'aḏi kanau, “Unanga ngowa'a la-la.” Mada'a mamuni'a ḏi'i 'aḏi kanau, “Ua, Unanga 'o sihaga ngowa'a repe.”

1 Yohanes 1:8

Na'o ngene wo kanau mangale ngene nanga ḏosa 'i cua, gena-ge wa sihaga nanga diri masiretene, re nanga de'oso re ḏegoro wa mete'e riwara Ma Jou'ongu Madutu 'ai do-doto'o banari.

1 Yohanes 2:8

Kalaha so'o gena, Ma Jou'ongu Madutu 'ai parenta ga'a ngoi ta lefo ḏua, gena-ge parenta ma su-sungi ḏi'i. Parenta ma su-sungi gena-ge 'i banari sababu ri waiti ra Kristus 'ai 'ahu re ḏi'i ngini ninga 'ahu, sababu ninga 'ahu toma hafu-hafu enanga mulaingi sa'i 'i iranga, re ninga 'ahu toma tarangi banari enanga mulaingi 'i waiti.

1 Yohanes 5:20

Ngene rewo waro ḏi'i mangale Ma Jou'ongu Madutu 'ai Ngowa'a Nau'u ro sapolo re Ro pula'a wo-waro ra ngene, la ngene wu nana'o Ma Jou'ongu Madutu ga'a banari. Ngene wo 'ahu marimoi ra Ma Jou'ongu Madutu ga'a banari re wo 'ahu marimoi Rai Ngowa'a Nau'u, Yesus Kristus. Unanga gena-ge mode-mode'e ma tero Ma Jou'ongu Madutu re Unanga masiretene 'ahu kasingado-ngadolo i'a ma cimi.