Yohanes 1:51 - Jaji ma Su-sungi

⁵¹ Ḏua Yesus 'o kanau ḏi'i, “Ni ngaku mode-mode'e 'Ari demo-demo nena-ne: Ngini ḏuanga i'a ni oḏi'i diwanga 'i welanga re Ma Jou'ongu Madutu 'ai mala'ekata-mala'ekata 'aḏi 'uci pere toma Manusia ma Ngowa'a Nau'u.”

Yohanes 1:51 Iomraidhean Croise

Matias 25:31

“Wakutu Ngoi, Manusia ma Ngowa'a Nau'u To sapolo moju sa'olo 'Olana rari kabasarana lamo'o, mala'ekata mo-moini 'aḏi mete'e Ngoi, re Ngoi ḏuanga i'a to tegoro tari ḏe-ḏegoro ga'a 'i mulia.

Matias 26:24

Mode'e Ngoi, Manusia ma Ngowa'a Nau'u, balasu To sengene, ma tero sa'olo 'i silefo ḏua toma Boku 'Ofi-'Ofi ma dara. Mada'a ngowa'a ga'a sipula'a Ngoi, Manusia ma Ngowa'a Nau'u, unanga gena-ge 'o sanga bahala lamo'o. Jobilaha unanga gena-ge ma ngina mo sibuoro awa ḇato!”

Matias 3:16

Sanga baptis togumu i'a, Yesus 'o baolo toma ḇanyo, kage-kage diwanga 'i talanga re Yesus 'o oḏi'i Ma Ngagara 'Ofi-'Ofi 'i matuhu ma tero sa'olo namo dara 'i 'uci ra Unanga.

Matias 4:11

Togumu i'a, 'Iblisi 'i sisoi'i tala 'a Yesus, re mala'ekata-mala'ekata 'aḏi sapolo di'a de-de'oso Unanga.

Matias 8:20

Yesus 'a sangoro ra unanga, “Serigala rema aḏu'u, re namo diwanga rema ngi'i, mada'a Ngoi, Manusia ma Ngowa'a Nau'u kari ngi'i ua di'a to masibatongo.”

Matias 9:6

Mada'a nange-ne Ngoi ta sibukiti ra ngini mangale Ngoi, Manusia ma Ngowa'a Nau'u masiretene rari kuasa nga'unu ta singi-ngiranga ngowa-ngowa'a manga ḏosa toma dungia nena-ne.” Gena ḏua, Yesus 'o kanau i'a toma ngowa'a ḇolo gena-ge, “Momi'i ie, na tede 'ani 'usungana re no maḏibo!”

Markus 1:10

Wakutu, Yesus 'o baolo toma ḇanyo, jau-jau 'O oḏi'i ie diwanga 'i talanga, Ma Ngagara 'Ofi-'Ofi 'i matuhu ma tero sa'olo namo dara 'i 'uci ra Unanga.

Markus 14:62

Yesus 'a sangoro, “Ngoi nena-ne Unanga. Ngini ḏuanga i'a ni oḏi'i Ngoi, Manusia ma Ngowa'a Nau'u, to tegoro ra Ma Jou'ongu Madutu 'ai giama ma kuwiḏa i'a, Unanga gena-ge 'Ai kuasa ma pari cua. Re to sapolo da'u ra Ma Jou'ongu Madutu tala toma ngawa-ngawa da'u diwanga tala!”

Lukas 2:13

Kage-kage mala'ekata matengo 'o mamete'e reo mala'ekata lelegu ma repe, ananga 'aḏi puji re silamo'o Ma Jou'ongu Madutu, 'aḏi kanau,

Lukas 2:9

Kage-kage, Ma Jou'ongu Madutu 'ai mala'ekata matengo 'i masibaiti ra ananga re cahaya ra Ma Jou'ongu Madutu ino 'i 'erese ananga singadolo ananga matai mojongo.

Lukas 22:43

Toma 'orasa gena-ge, mala'ekata matengo 'i sapolo da'u toma soroga tala ya site'e Yesus 'ai 'akala re sinyingara.]

Lukas 22:69

Mada'a ti'ara riwara, Ngoi, Manusia ma Ngowa'a Nau'u ḏuanga i'a to tegoro ra Ma Jou'ongu Madutu 'ai giama ma kuwiḏa i'a, Unanga gena-ge 'Ai kuasa ma pari cua.”

Lukas 24:4

Ananga 'aḏi made-de'oso toma ngi'i gena-ge re ya waro manga gogare riwara, kage-kage ngowa'a nga muḏiḏi raḏi made-de'oso toma we-were'a manga gumuḏu re ananga manga pakeanga 'i ciḏo-ciḏoto.

Lukas 3:21

Wakutu Yohanes 'o baptis ngowa'a mo-moini unanga 'o baptis Yesus ḏi'i, re wakutu Yesus 'o manyiata, diwanga 'i talanga,

Yohanes 1:50

Yesus 'o kanau, “Ngana no ngaku pa'i sababu Ngoi to kanau Ngoi reto oḏi'i ngana toma ate 'ara ma 'aḏu ḇato?! 'Ori i'a lebe la-lamo'o i'a reo gena-ge, ḏuanga i'a ngana na oḏi'i!”

Yohanes 10:1

“Ni ngaku mode-mode'e 'Ari demo-demo nena-ne: Ngowa'a matengo ga'a 'o osama toma doba ma karunga 'a mete'e ma ngalana ua, mada'a 'o pere mete'e ngo'omo lelegu; unanga gena-ge ngowa'a to-tori'i re ngowa'a ra-rabasa.

Yohanes 10:7

Sababu gena-ge, Yesus 'o kanau soi moi moju, “Ni ngaku mode-mode'e 'Ari demo-demo nena-ne: Ngoi nena-ne karunga ma ngalana di'a doba-doba.

Yohanes 13:16

Ni ngaku mode-mode'e 'Ari demo-demo nena-ne: Budaka matengo 'o lebe la-lamo'o i'a ua reo tuanga. Re so-soma'a matengo lebe la-lamo'o i'a ua reo matengo ga'a 'u 'utusu unanga.

Yohanes 13:38

Yesus 'a sangoro, “Mode-mode'e ngana no ḏu-ḏuanga ḏua no sengene di'a Ngoi?! No ngaku mode-mode'e 'Ari demo-demo nena-ne: namo 'i solene nyangu, ngana no soloto Ngoi soi ro'ange ḏua!”

Yohanes 14:12

Ni ngaku mode-mode'e 'Ari demo-demo nena-ne: 'A guna ḇato 'o ngaku Ngoi, ḏuanga i'a nyengara 'o 'a'a ma tero Ngoi reta 'a'a. Ma nyonyata, unanga nyengara 'o 'a'a lebe lamo'o i'a reo Ngoi, sababu Ngoi to tagi Tari Ḇaḇa.

Yohanes 16:20

Ni ngaku mode-mode'e 'Ari demo-demo nena-ne: Ngini ḏuanga i'a ni rerese ma gaḏi, mada'a ngowa'a toma dungia nena-ne 'aḏi maroanga. Toma 'orasa gena-ge, ngini ni garura mada'a ḏuanga i'a garura gena-ge singali reo roanga.

Yohanes 16:23

Toma 'orasa gena-ge, ngini ni sano riwara ra Ngoi mangale 'oru ḇato. Ni ngaku mode-mode'e 'Ari demo-demo nena-ne: 'Oru ḇato ngini golo'o Tari Ḇaḇa ni pake Ngoi 'ari lomanga, Unanga 'a pula'a ra ngini.

Yohanes 21:18

Yesus mau 'a sijumu ra Petrus mangale ḏuanga i'a Petrus 'ai se-sengene ma ngo'omo ga'a 'i silamo'o Ma Jou'ongu Madutu. Dadi Yesus 'o kanau, “No ngaku mode-mode'e 'Ari demo-demo nena-ne: Wakutu ngana no ra-ramasa ie moju, ngana no 'a'a bolo no mau 'oru ḇato mete'e 'ani 'akala re sinyingara ma mau. Mada'a na'o ngana reno piri'i, na sipula'a 'ani giama di'a ngowa'a lelegu ya piri'u, kara 'aḏi gasa ngana toma ngi'i ga'a na nyanyaḏi ua. Kalaha no sanga sangisara 'oru ḇato, ngana balasu mete'e Ngoi.”

Yohanes 3:3

Yesus 'a sangoro, “No ngaku mode-mode'e 'Ari demo-demo nena-ne: Na'o ngowa'a matengo i'a dadunu sibuoro ua, unanga 'o osama nyo-nyoimi yoḏu'u ra Ma Jou'ongu Madutu 'ai Pareta.”

Yohanes 3:5

Yesus 'a sangoro: “No ngaku mode-mode'e 'Ari demo-demo nena-ne: Na'o matengo i'a mau 'o osama nyo-nyoimi ra Ma Jou'ongu Madutu 'ai Pareta, unanga gena-ge balasu dadunu sibuoro moju. Enanga gena-ge 'i dadi sababu Ma Ngagara 'Ofi-'Ofi ma kuasa re 'i sijumu wakutu ananga 'aḏi sanga baptis.

Yohanes 5:19

Yesus 'a sangoro ra ananga so'o ne: “Ni ngaku mode-mode'e 'Ari demo-demo nena-ne: Ngoi, Ma Jou'ongu Madutu 'ai Ngowa'a Nau'u, to 'a'a 'oru ḇato Rari kuasa masiretene yoḏu'u. Ngoi nyengara to 'a'a 'ori i'a pa'i mete'e 'oru ga'a Ngoi reto oḏi'i 'Ari Ḇaḇa ro si'a'a ḏua. Sababu 'oru ḇato 'Ari Ḇaḇa 'a si'a'a, gena-ge ḏi'i Ngoi, 'Ai Ngowa'a Nau'u, ta si'a'a.

Yohanes 5:27

Re ḏi'i, Unanga ro pula'a ḏua 'Ai kuasa ra Ngoi, 'Ai Ngowa'a Nau'u, di'a sijuruhakimi manusia, sababu Ngoi Manusia Ma Ngowa'a Nau'u.

Yohanes 6:26

Yesus 'a sangoro, “Ni ngaku mode-mode'e 'Ari demo-demo nena-ne: I'a sa'olo ngini ni disa Ngoi? Sababu ni oḏi'i Ngoi to 'a'a ga'a hera-heranga re ni sahe ga'a gena-ge ma ngale 'oru?! Ua! Ngini ni disa Ngoi sababu ngini reni oromo singadolo reni wunusu!

Yohanes 6:32

Ḏua Yesus 'o kanau ra ananga, “Ni ngaku mode-mode'e 'Ari demo-demo nena-ne: Roti gena-ge 'a Musa ua 'a pula'a, mada'a 'Ari Ḇaḇa. Re Unanga gena-ge ḏi'i 'O pula'a ra ngini roti mode-mode'e da'u soroga tala.

Yohanes 6:47

Ni ngaku mode-mode'e 'Ari demo-demo nena-ne: 'A guna ga'a ngaku Ngoi, unanga gena-ge ro sanga 'ahu kasingado-ngadolo i'a.

Yohanes 6:53

Ḏua Yesus 'o kanau ra ananga, “Ni ngaku mode-mode'e 'Ari demo-demo nena-ne: Na'o ngini ni oromo ua Ngoi 'ari lese, Ngoi Manusia ma Ngowa'a Nau'u, re ni ka'e ua Ngoi 'ari ngaunu, ngini sanga ua 'ahu kasingado-ngadolo i'a

Yohanes 8:34

Yesus 'o kanau ra ananga, “Ni ngaku mode-mode'e 'Ari demo-demo nena-ne: Ngowa'a ga'a 'a'a ḏosa, ananga gena-ge 'aḏi dadi ḏosa ma budaka.

Yohanes 8:51

Ni ngaku mode-mode'e 'Ari demo-demo nena-ne: 'A guna ḇato ga'a 'o mete'e 'Ari demo, unanga kama sengene ua mada'a 'o 'ahu kasingado-ngadolo i'a.”

Yohanes 8:58

Yesus 'o sangoro, “Ni ngaku mode-mode'e 'Ari demo-demo nena-ne: Ngoi to kanau ra ngini, sibuoro 'a Abraham nyangu, Ngoi 'age ḏua.”

Yesus 'ai so-soma'a 10:11

Tai tingoḏi'i ma dara gena-ge, unanga 'o oḏi'i diwanga 'i talanga re 'ori i'a rimoi sa'olo ḇa'a ro-roata ga'i moi 'i siala da'u tala ma dere rata ge 'i piri'u.

Yesus 'ai so-soma'a 7:56

Stefanus 'o kanau, “Oḏi'i! Ngoi to oḏi'i soroga ma ngalana 'i welanga re Manusia ma Ngowa'a Nau'u 'o made-de'oso ra Ma Jou'ongu Madutu 'ai giama ma kuwiḏa i'a.”

2 Tesalonika 1:7

'A guna ḇato reni sanga sangisara sababu reni mete'e Unanga, ngini gena-ge ni ma'u mete'e ra ngomi, ni sanga sangisara riwara. Gena-ge 'i dadi wakutu Ma Jou Yesus ḏuanga i'a 'o 'uci da'u soroga tala re 'O masijumu mamete'e Rai mala'ekata-mala'ekata ma kabasarana.

2 Tesalonika 1:9

Ananga gena-ge 'aḏi sanga hukumu kasingado-ngadolo i'a: ananga sanga upa'a toma giḏanga ra Ma Jou, dadi 'aḏi oḏi'i yoḏu'u 'Ai mulia re 'Ai kuasa lai lamo'o.

1 Timotius 3:16

Matengo i'a mai ua 'aḏi soloto mangale nanga 'agama ma do-doto'o 'i banari re 'i ti-tiai. 'Au wali, ma do-doto'o gena-ge mangale Kristus Yesus 'i sirahasia, sababu Ma Jou'ongu Madutu 'o masijumu nyangu. Mada'a nange-ne Unanga 'o masijumu ḏua ra ngene, dadi ngene wo ngaku nena-ne: Ma Jou'ongu Madutu 'ai Ngowa'a Nau'u matengo 'O matuhu sa'olo manusia, Ma Ngagara 'Ofi-'Ofi 'i siajele Unanga gena-ge Ma Jou'ongu Madutu 'ai Ngowa'a Nau'u, Unanga 'o masijumu toma mala'ekata, 'Ai lomanga sihabari toma bangsa mo-moini, Ngowa'a toma bangsa mo-moini toma dungia 'aḏi ngaku Unanga sibere re sijingi'i toma soroga.

'Ibrani 1:14

Na'o so'o gena-ge, mala'ekata-mala'ekata gena-ge 'o 'oru?! Ananga gena-ge roh-roh ga'a 'i de-de'oso Ma Jou'ongu Madutu re 'i riono ngowa-ngowa'a ga'a ḏuanga i'a 'aḏi dawongo salamata.

Yudas 1:14

'Ua re 'au wali, Henokh, a Adam 'ai ju'uda nani tumudingi tala, unanga ra sinubuata mangale ngowa-ngowa'a gena-ge. Unanga 'o kanau, “Oḏi'i, Ma Jou ḏuanga i'a 'o sapolo Rai mala'ekata 'ofi-'ofi rema cala-cala,

Tingoýi 19:11

Gena ḏua, ngoi to oḏi'i soroga enanga 'i welanga, kara to oḏi'i ḏi'i jarana bu-buḏo rimoi. Ma Ga-gasa toma jarana gena-ge 'ai lomanga: 'A Setia re Banari. Unanga gena-ge 'o parangi re 'o sijuruhakimi ngowa-ngowa'a mete'e 'Ai 'adili.

Tingoýi 4:1

Palisi i'a, ngoi, Yohanes tari tingoḏi'i ma dara to oḏi'i ḏi'i soroga ma ngalana rimoi 'i welanga, re to 'isene iḏingi ga'a to isene nange-ge. Iḏingi gena-ge ma tero sa'olo terompet 'i supu mete'e ngalana rema betongo so'o ne: “Ino, pere 'ane. Ngoi to sijumu ra ngana mangale ḏuanga i'a 'i dadi 'ori i'a i'a rimoi.”