Yohanes 1:47 - Jaji ma Su-sungi

⁴⁷ Wakutu Yesus 'o oḏi'i 'a Natanael ro sapolo, Unanga 'o kanau mangale 'a Natanael, “Oḏi'i unanga gena-ge ngowa'a Israel madutu kai sa-sakala ua.”

Yohanes 1:47 Iomraidhean Croise

Yohanes 2:25

Unanga 'o paralu ua duga re domolo mangale manusia manga de'oso re ḏegoro, sababu Unanga masiretene ra waro 'oru ga'a 'age toma manusia manga 'akala re sinyingara ma dara.

Yohanes 4:16

Yesus 'o kanau ra munanga, “No maḏibo re no gasa 'ani nau'u ino 'ane.”

Yohanes 8:31

Gena-ge ḏua Yesus 'o kanau toma ngowa-ngowa'a Yahudi ga'a raḏi ngaku Unanga, “Na'o ngini ni 'ahu mete'e Ngoi 'ari do-doto'o, ngini mode-mode'e 'Ari me-mete'e.

Yohanes 8:39

Ananga ya sangoro, “Ngomi minga ḇaḇa 'a Abraham.” Yesus 'o kanau, “Na'o ngini mode-mode'e 'a Abraham 'ai ngowa'a, tantu ḏua ngini ni 'a'a 'oru ga'a 'a Abraham 'a 'a'a.

Roma 9:4

Ananga gena-ge 'a Israel 'ai ju'uda. Ma Jou'ongu Madutu ya'u cumutu ḏua ananga 'aḏi dadi Unanga 'ai ngowa-ngowa'a, re ya'u sijumu 'Ai kuasa ra ananga. Unanga 'o si'a'a 'Ai jaji ra ananga re Musa 'ai hukumu Unanga ya'u pula'a ḏi'i. Ma Jou'ongu Madutu ya'u sidoto'o ma duhu sa'olo mangale silamo'o re siḏubuso Unanga, re ya'u sijaji 'ori i'a ma repe.

Roma 9:6

Ngoi 'ari maksudu ua so'o ne: Ma Jou'ongu Madutu 'o sitotomo 'ai jaji ua toma ngowa'a Yahudi! Mada'a Ma Jou'ongu Madutu 'o cumutu ua ngowa'a Israel mo-moini di'a dadi 'Ai 'umata mode-mode'e, ananga gena-ge ga'a dawongo 'oru ga'a Unanga ro sijaji.

Filipi 3:3

Momongolo ua, ngene nena-ne ga'a sanga ḏua suna 'i banari ga'a rewo dadi mode-mode'e Ma Jou'ongu Madutu 'ai ngowa-ngowa'a sababu rewo ngaku Kristus Yesus. Ngene nena-ne ga'a Ma Ngagara 'Ofi-'Ofi na sinyanyasele wakutu wo silamo'o re siḏubuso Ma Jou'ongu Madutu. Re ḏi'i ngene sibere ie nanga murasa ma la sababu ngene nanga 'ahu marimoi ra Kristus Yesus. Ngene nena-ne ga'a wo sigare ua nanga ngo-nganono mete'e 'agama ma 'atoranga di'a sisalamata ngene.

1 Petrus 2:1

Sababu gena-ge, awa ni madaga'a 'ori i'a mo-moini ga'a 'i cira; awa ni sihaga ngowa'a, awa ngini ni dadi ngowa'a munafiki, awa ni kaleḏa ngowa'a re awa ni leleje ngowa'a lelegu manga lomanga, bolo awa ni sije-jengere ngowa'a.

1 Petrus 2:22

Unanga kama 'a'a ḏosa ua re matengo i'a mai ua 'aḏi 'isene Unanga 'o kanau 'Ai demo ma sa-sakala.

Tingoýi 14:5

Soi moi i'a mai nyangu ananga raḏi sa-sakala ngowa'a re ananga kamanga faja ceka'a i'a mai ua.