Yohanes 1:42 - Jaji ma Su-sungi

⁴² Dadi Andreas 'o gasa i'a 'a Simon ra Yesus. Yesus 'o lakodoto 'a Simon re 'O kanau, “Ngana Simon 'a Yohanes 'ai ngowa'a nau'u. Ngana ḏuanga i'a ngowa'a 'aḏi si'aro'o 'a Kefas” (Kefas toma demo Yahudi ma tero sa'olo Petrus toma demo Yunani. Gena-ge ma ngale: maḏi).

Yohanes 1:42 Iomraidhean Croise

Matias 10:2

So-soma'a nga nyagi moi re nga muḏiḏi manga lomanga: mulaingi, 'a Simon, ga'a si'aro'o ḏi'i 'a Petrus re 'a Andreas: ananga gia nongoḏu; kara 'a Yakobus re 'a Yohanes; ananga gena-ge gia nongoḏu ga'a manga ḇaḇa Zebedeus.

Markus 3:16

Ananga nga nyagi moi re nga muḏiḏi manga loma-lomanga: 'A Simon, Yesus 'o silomanga unanga Petrus,

Lukas 5:8

Wakutu Simon 'a oḏi'i so'o gena, unanga 'o mapagara 'ai biono tala ra Yesus re 'o kanau, “Ma Jou, sisoi'i tala ḇato ngoi; sababu ngoi ngowa'a baraḏosa!”

Lukas 6:14

'A Simon, ga'a Yesus 'o si'aro'o 'a Petrus, 'a Andreas, ananga gena-ge gia nongoḏu, Yakobus re 'a Yohanes, Filipus re 'a Bartolomeus,

Yohanes 13:18

Barakati gena-ge ga'a Ngoi reto siajele ra ngini, gena-ge di'a ngini mo-moini ua. Ngoi ta waro 'a guna rana ga'a Ngoi reto cumutu. Mada'a 'oru ga'a 'i silefo toma Boku 'Ofi-'Ofi balasu 'i dadi: ‘Matengo ga'a oromo mamete'e ra Ngoi, unanga gena-ge ḏuanga i'a 'o dadi 'Ari lawana.’

Yohanes 21:2

Toma 'orasa gena-ge, Simon Petrus, Tomas (ga'a si'aro'o Ngowa'a Sa-salanga), Natanael toma limau Kana ino daeraha Galilea, 'a Zebedeus 'ai ngowa'a nau'u nga muḏiḏi re Yesus 'ai me-mete'e ma lelegu nga muḏiḏi, ananga mo-moini gena-ge 'aḏi malomu.

Yohanes 4:16

Yesus 'o kanau ra munanga, “No maḏibo re no gasa 'ani nau'u ino 'ane.”

1 Korintus 1:12

'Ari maksudu nena-ne: 'Age mamuni'a taninga sigolona ga'a 'aḏi kanau, “Ngoi 'ari guru 'a Apolos,” mamuni'a ḏi'i 'aḏi kanau, “Ngoi 'ari guru 'a Paulus,” re mamuni'a ḏi'i 'aḏi kanau, “Ngoi 'ari guru 'a Petrus” re 'age ḏi'i mamuni'a 'aḏi kanau, “Ngoi 'ari guru 'a Kristus.”

1 Korintus 15:5

Wakutu Unanga dadunu 'o 'ahu moju, Ro masijumu 'Ai diri ra Petrus, kara Tai me-mete'e ma lelegu.

1 Korintus 3:22

bae Paulus, bae Apolos, bae Petrus, bae dungia ne, bae 'ahu bae sengene, bae 'orasa nena-ne bolo toma biono i'a; mo-moini gena-ge di'a ngini ninga la-la.

1 Korintus 9:5

Na'o ngomi mi gasa minga were'a ga'a ngowa'a ngaku Yesus taminga ḏo-ḏagi ma dara ma tero sa'olo Ma Jou Yesus 'ai no-nongoḏu, re Petrus re Yesus 'ai so-soma'a ma lelegu ḏi'i, enanga gena-ge sala bolo ua?!

Galatia 1:18

Musungu ro'ange togumu i'a, kara ngoi to tagi toma limau Yerusalem di'a ma'u sanga ra Petrus. Ma di'ara wange nyagi moi re romotoa ngoi to tegoro ra Petrus 'ai wala.

Galatia 2:11

Wakutu 'a Petrus 'o sapolo toma limau Antiokhia, ngoi to kanau sitaḇela'a i'a ra unanga, mangale 'ai de'oso re ḏegoro 'i rapu.

Galatia 2:9

Yakobus, Petrus re Yohanes, ananga gena-ge ga'a 'aḏi dadi jama'ata manga bi-biri'i 'aḏi ngaku mangale Ma Jou'ongu Madutu ro pula'a ra ngoi munara gena-ge. Dadi ananga 'aḏi ma'u cako'o giama ra Barnabas re ngoi, sa'olo nana'o rimoi mangale gia ḏagilomu munara. Ngomi mo-moini mi mafakati ma tero: Ngomi mi munara toma ngowa'a Yahudi ua, ananga 'aḏi munara toma ngowa'a Yahudi.