Yohanes 1:4 - Jaji ma Su-sungi

⁴ Unanga gena-ge 'ahu ma cimi, re Unanga Ma Jou'ongu Madutu 'ai tarangi toma manusia.

Yohanes 1:4 Iomraidhean Croise

Matias 4:16

Ngowa'a toma daeraha-daeraha gena-ge 'aḏi tegoro toma hafu-hafu sababu 'aḏi nana'o ua Ma Jou'ongu Madutu, ananga gena-ge raḏi oḏi'i tarangi ma lamo'o. Re ngowa'a gena-ge ḏi'i ga'a 'aḏi mojongo sengene sababu manga ḏosa, nange-ne tarangi 'i pilata ḏua ra ananga!”

Lukas 2:32

Salamata ma Cimi gena-ge sa'olo tarangi rimoi ga'a sitarangi ngo'omo di'a ngowa'a Yahudi ua, la ananga nga'unu 'aḏi sapolo ra Ma Jou'ongu Madutu. Tarangi gena-ge 'i gasa lomanga gau'u toma ngowa'a Israel, 'Ani ngowa-ngowa'a.”

Yohanes 11:25

Yesus 'o kanau i'a ra munanga, “Ngoi nena-ne dadunu to si'ahu ngowa-ngowa'a sengene, re To pula'a 'ahu ḏi'i. Kalaha ngowa-ngowa'a raḏi sengene, ananga gena-ge ga'a 'aḏi ngaku Ngoi, dadunu 'aḏi 'ahu moju.

Yohanes 12:35

Yesus 'a sangoro, “Tarangi gena-ge 'i tegoro ra ngini ti'ara ua. Dadi ngini balasu ni mete'e tarangi gena-ge, sababu awa-awa ngini ni osama toma hafu-hafu. Ngowa'a ga'a tagi toma hafu-hafu 'aḏi waro ngo'omo ua.

Yohanes 12:46

Ngoi to sapolo toma dungia nena-ne to gasa tarangi, la ngowa'a ga'a 'aḏi ngaku Ngoi, ananga gena-ge 'aḏi 'ahu toma hafu-hafu ma dara riwara.

Yohanes 14:6

Yesus 'o sangoro, “Ngoi nena-ne ngo'omo di'a ni sapolo ra Tari Ḇaḇa. Ngoi nena-ne to sijumu 'oru ga'a 'i banari mangale 'Ari Ḇaḇa. Re ḏi'i Ngoi nena-ne to pula'a 'ahu kasingado-ngadolo i'a. Pa'i Ngoi nena-ne ḇato to dadi ngo'omo ga'a sigasa ngowa'a Tari Ḇaḇa.

Yohanes 3:19

Yesus ro sapolo 'o gasa tarangi toma dungia nena-ne, mada'a manusia lebe sanangi hafu-hafu reo tarangi, sababu ananga manga ga'a ma jira. Sababu gena-ge, Ma Jou'ongu Madutu 'o sijuruhakimi manusia

Yohanes 5:21

'Ari Ḇaḇa dadunu 'o si'ahu moju ngowa'a senge-sengene, re 'O pula'a 'ahu kasingado-ngadolo i'a ra ananga. So'o gena ḏi'i Ngoi, 'Ai Ngowa'a Nau'u, To pula'a 'ahu kasingado-ngadolo i'a ra guna ḇato mete'e 'Ari mau.

Yohanes 5:26

Ma tero sa'olo 'Ari Ḇaḇa masiretene 'o dadi 'ahu ma cimi, so'o gena ḏi'i, Ngoi, 'Ai Ngowa'a Nau'u masiretene, To dadi 'ahu ma cimi ḏi'i, sababu Unanga ro pula'a 'Ai kuasa ra Ngoi.

Yohanes 8:12

Ḏua Yesus 'o kanau moju toma ngowa'a repe so'o ne: “Ngoi nena-ne dungia ma tarangi, ngowa'a ga'a mete'e Ngoi ananga 'aḏi 'ahu toma hafu-hafu ma dara ua, mada'a ananga gena-ge 'aḏi sanga tarangi, la ananga nyengara 'aḏi 'ahu toma tarangi ma dara.”

Yohanes 9:5

Wakutu Ngoi to 'ahu moju toma dungia nena-ne, Ngoi nena-ne dungia ma tarangi.”

Yesus 'ai so-soma'a 26:23

'O Kristus ga'a Ma Jou'ongu Madutu 'a sijaji pasala ḏua, Unanga balasu 'a basono sangisara. Ḏua Unanga gena-ge 'O dadi ngowa'a ma mulaingi ga'a dadunu 'O 'ahu moju toma ngowa'a senge-sengene manga sigolona, la Unanga gena-ge 'o singadolo habari ma tero sa'olo tarangi toma ngowa'a mo-moini: bae ngowa'a Yahudi bae ngowa'a Yahudi ua.”

1 Korintus 15:45

Ma tero toma Boku 'Ofi-'Ofi ma dara 'i silefo: “Manusia ma mulaingi 'a Adam, unanga gena-ge Ma Jou'ongu Madutu 'o sidadi unanga 'o 'ahu.” Mada'a Adam ma sidu-duu'u gena-ge 'a Kristus, dadunu 'O 'ahu moju, la 'O pula'a 'ahu kasingado-ngadolo i'a ra ngene.

Efesus 5:14

kara ngowa'a gena-ge 'aḏi 'ahu toma tarangi sababu 'o tarangi. Ma sababu gena-ge, ngowa'a 'aḏi kanau, “Momi'i, ngana ga'a no otu re dadunu no 'ahu moju toma ngowa'a senge-sengene ma sigolona. Ḏua Kristus 'ai cahaya ḏuanga i'a 'age ra ngana.”

Kolose 3:4

sababu ninga 'ahu su-sungi ma cimi gena-ge Kristus. Wakutu Unanga dadunu 'o sapolo Rai kabasarana, ngini ni mamete'e ra Unanga, re Unanga 'O sibalangu 'Ai mulia ra ngini ḏi'i.

1 Yohanes 1:1

Surata nena-ne, ngomi ma lefo re masiḏingoto ra ngini. Toma dara 'i silefo mangale Unanga ga'a silomanga Ma Jou'ongu Madutu 'ai 'Idini. 'Ua re 'au wali moju wakutu dungia nena-ne 'i sidadi nyangu, Unanga rema enanga ḏua re Unanga gena-ge 'o pula'a 'ahu. Ngomi masiretene ma 'isene reminga ngau'u, ngomi masiretene ma oḏi'i reminga la'o, ngomi masiretene ma siteru reminga giama ra Unanga.

1 Yohanes 1:2

Wakutu Unanga, ga'a 'o pula'a 'ahu gena-ge, 'o masijumu ra ngomi masiretene ma sisakisi tala. Sababu gena-ge, nange-ne ngomi ma singadolo ra ngini. Ngomi mi singadolo ra ngini mangale Unanga gena-ge 'o pula'a 'ahu kasingado-ngadolo i'a. Unanga ro masijumu ra ngomi, re wakutu dungia 'i sidadi nyangu, Unanga gena-ge 'o marimoi ra Ma Jou'ongu Madutu 'ai Ḇaḇa.

1 Yohanes 5:11

Ma Jou'ongu Madutu 'a sisakisi ra ngene nena-ne: Unanga 'o pula'a 'ahu kasingado-ngadolo i'a ra ngene, re 'Ai Ngowa'a Nau'u, 'ahu gena-ge ma cimi.

Tingoýi 22:1

Mala'ekata gena-ge 'o sijumu ra ngoi ḇanyo ma lese ga'a ma ḇanyo 'i pula'a 'ahu. Ḇanyo gena-ge 'i ciḏo-ciḏoto sa'olo kristal re 'i waloro re 'i 'uisi ra Ma Jou'ongu Madutu re ra Doba ma Ngowa manga ḏe-ḏegoro ino.

Tingoýi 22:16

“Ngoi, Yesus, reto 'utusu 'Ari mala'ekata di'a 'a singadolo 'Ari habari nena-ne ra ngini, la jama'ata mo-moini nyengara 'aḏi dawongo habari nena-ne. Ngoi nena-ne 'Olana Daud 'ai ju'uda, Ngoi nena-ne mumuḏungu toma wangere ma la'o ino.”