Yohanes 1:34 - Jaji ma Su-sungi

³⁴ Dadi ngoi reto oḏi'i masiretene re to pula'a sakisi mangale Yesus gena-ge Ma Jou'ongu Madutu 'ai Ngowa'a Nau'u.”

Yohanes 1:34 Iomraidhean Croise

Matias 11:27

Ḏua Yesus 'o kanau, “ 'Ori i'a mo-moini, 'Ari Ḇaḇa ra sidoa'a ra Ngoi. Matengo i'a mai ua 'o nana'o Ngoi ḏuga-ḏuga pa'i 'Ari Ḇaḇa ḇato. Matengo i'a mai ua 'o nana'o 'ari Ḇaḇa ḏuga-ḏuga pa'i Ngoi, 'Ai Ngowa'a Nau'u, re ra guna ḇato ga'a Ngoi to sinana'o 'Ari Ḇaḇa.

Matias 16:16

Simon Petrus 'a sangoro, “Jou 'O Kristus, Ma Jou'ongu Madutu 'o 'ahu-'ahu, Unanga gena-ge 'Ai Ngowa'a Nau'u.”

Matias 17:5

Wakutu 'a Petrus 'o ka-kanau moju, kakamo lai tarangi ya'u sao ananga re toma kakamo gena-ge ma dara 'aḏi 'isene iḏingi ma betongo so'o ne: “Unanga nena-ne 'Ari Ngowa'a Nau'u ga'a Tu dadalara, Ngoi 'ari 'akala re sinyingara ma sanangi Ta sipa'ala ra Unanga. Ni 'isene Unanga!”

Matias 26:63

Mada'a Yesus pa'i 'o masiogoro ḇato. Soi moi moju 'imam 'agung 'o sano ra Yesus, “Ra Ma Jou'ongu Madutu ga'a 'ahu-'ahu, sikanau ino ra ngomi mode-mode'e Ngana nena-ne 'O Kristus, Ma Jou'ongu Madutu 'ai Ngowa'a Nau'u, bolo ua?”

Matias 27:40

'aḏi kanau, “Ngana nena-ne ga'a no mau siruba Ma Jou'ongu Madutu 'ai Wala re Na simomi'i moju pa'i ma di'ara wangere ro'ange, No sisalamata 'Ani diri! Na'o Ngana Ma Jou'ongu Madutu 'ai Ngowa'a Nau'u, No 'uci toma salib gena-ge!”

Matias 27:43

Unanga 'o ngaku Ma Jou'ongu Madutu re Ro kanau, Unanga Ma Jou'ongu Madutu 'ai Ngowa'a Nau'u. Nah ino ngene wo oḏi'i wangere nange-ne na'o Ma Jou'ongu Madutu mau 'U sisalamata Unanga bolo ua.”

Matias 27:54

Sordado ma sae'e remanga sordado-sordado ga'a dadanu Yesus, ananga 'aḏi matai mojongo sababu 'aḏi basono wusu re raḏi oḏi'i 'ori i'a i'a 'i dadi. Ḏua ananga 'aḏi kanau, “Unanga nena-ne mode-mode'e Ma Jou'ongu Madutu 'ai Ngowa'a Nau'u!”

Matias 3:17

Gena ḏua, ananga 'aḏi 'isene Ma Jou'ongu Madutu 'ai iḏingi ma betongo so'o ne: “Unanga nena-ne, 'Ari Ngowa'a Nau'u Ta dadalara, Ngoi 'ari 'akala re sinyingara ma sanangi Ta sipa'ala ra Unanga.”

Matias 4:3

'Iblisi 'i sapolo re 'i kanau ra Unanga, “Ngana nena-ne Ma Jou'ongu Madutu 'ai Ngowa'a Nau'u. Dadi no soma'a maḏi nena-ne 'i dadi roti.”

Matias 4:6

Gena ḏua, 'Iblisi gena-ge 'i kanau ra Unanga, “Ngana nena-ne Ma Jou'ongu Madutu 'ai Ngowa'a Nau'u. Dadi No masipoini tala. Sababu toma Boku 'Ofi-'Ofi 'i silefo so'o ne: ‘Ma Jou'ongu Madutu ḏuanga i'a 'o soma'a 'Ai mala'ekata-mala'ekata 'aḏi jaga Ngana la-la. Re ḏi'i ananga 'aḏi 'alo Ngana, la 'Ani rou 'i nga'unu toma maḏi awa.’ ”

Matias 8:29

Ananga 'aḏi maboa-boa'a, “Ma Jou'ongu Madutu 'ai Ngowa'a Nau'u, 'Ani maksudu 'oru ra ngomi? Kalaha ma 'orasa ngadolo nyangu, Ngana no mau sisikisa ngomi?”

Markus 1:1

Nena-ne Habari Roanga ma mulaingi mangale Yesus Kristus, Ma Jou'ongu Madutu 'ai Ngowa'a Nau'u.

Markus 1:11

Gena ḏua, ananga 'aḏi 'isene Ma Jou'ongu Madutu 'ai iḏingi ma betongo so'o ne: “Ngana nena-ne, 'Ari ngowa'a Ta dadalara, Ngoi 'ari 'akala re sinyingara ma sanangi Ta sipa'ala ra Ngana.”

Lukas 1:35

Mala'ekata gena-ge 'o sangoro, “Ma Jou'ongu Madutu 'ai Ngagara 'Ofi-'Ofi ḏuanga i'a 'i sapolo ra ngana, re Ma Jou'ongu Madutu toma Gau'u rai kuasa ḏuanga i'a 'o saolo ngana. Sababu gena-ge Unanga, ga'a ḏuanga i'a ngana nu sibuoro, si'aro'o Ma Jou'ongu Madutu 'Ai Ngowa'a ga'a 'Ofi-'Ofi.

Lukas 3:22

kara Ma Ngagara 'Ofi-'Ofi 'i matuhu sa'olo namo dara, 'i 'uci ra Unanga. Ḏua Unanga 'o 'isene Ma Jou'ongu Madutu 'ai iḏingi ma betongo so'o ne, “Ngana nena-ne 'Ari ngowa'a Ta dadalara, Ngoi 'ari 'akala re sinyingara ma sanangi Ta sipa'ala ra Ngana.”

Yohanes 1:18

Matengo i'a mai nyangu ro oḏi'i Ma Jou'ongu Madutu, mada'a pa'i 'Ai Ngowa'a Nau'u matengo, ga'a 'O marimoi rai Ḇaḇa. Unanga gena-ge ra sibaiti re Ra sitarangi mangale Ma Jou'ongu Madutu ra ngene.

Yohanes 1:49

Natanael 'o kanau, “Rabi, Jou mode-mode'e Ma Jou'ongu Madutu 'ai Ngowa'a Nau'u re mode-mode'e ngowa'a Israel manga 'Olana!”

Yohanes 10:30

Ngoi re 'Ari Ḇaḇa, ngomi gena-ge rimoi.”

Yohanes 10:36

Momongolo ua, Ngoi nena-ne, Ma Jou'ongu Madutu masiretene 'o siwola i'a Ngoi re Unanga 'o 'utusu Ngoi di'a to sapolo toma dungia nena-ne. Dadi, i'a sa'olo ngini kanau Ngoi to si'u'u ua Ma Jou'ongu Madutu, sababu Ngoi to kanau, ‘Ngoi Ma Jou'ongu Madutu 'ai Ngowa'a Nau'u’?!

Yohanes 11:27

Marta ma sangoro, “Ya Ma Jou, ngoi to ngaku Ma Jou 'O Kristus, Ma Jou'ongu Madutu 'ai Ngowa'a Nau'u, ga'a Unanga ro sijaji di'a 'O 'utusu toma dungia nena-ne.”

Yohanes 19:7

Ngowa'a Yahudi ya sangoro, “Mete'e minga hukumu, Unanga balasu sihukumu sengene sababu Unanga masiretene 'o kanau Unanga Ma Jou'ongu Madutu 'ai Ngowa'a Nau'u.”

Yohanes 20:28

Tomas 'o kanau i'a ra Yesus, “ 'Ari Jou re 'Ari Jou'ongu Madutu!”

Yohanes 20:31

Mada'a mo-moini gena-ge ri silefo toma boku nena-ne, la nyengara ngini ni ngaku mangale Yesus gena-ge 'O Kristus, Ma Jou'ongu Madutu 'ai Ngowa'a Nau'u re na'o ni ngaku Unanga, ngini sanga 'ahu kasingado-ngadolo i'a.

Yohanes 6:69

re ngomi remi ngaku re waro mode-mode'e Ma Jou Ngowa'a 'Ofi-'Ofi ga'a Ma Jou'ongu Madutu 'U 'utusu.”

Roma 1:4

Mada'a mete'e Ma Ngagara 'Ofi-'Ofi, Unanga gena-ge Ma Jou'ongu Madutu 'ai Ngowa'a Nau'u. Ma Jou'ongu Madutu 'o sijumu rai kuasa rema pari cua mangale Yesus Unanga 'Ai Ngowa'a Nau'u wakutu Ma Jou'ongu Madutu dadunu 'o si'ahu nanga Jou Yesus Kristus toma ngowa'a senge-sengene manga sigolona.

2 Korintus 1:19

Ngoi, 'a Timotius re 'a Silas, ngomi mi singadolo habari mangale Yesus Kristus, Ma Jou'ongu Madutu 'ai Ngowa'a Nau'u, taninga sigolona. Ngomi mi siajele ra ngini mangale, 'oru ḇato Yesus Kristus 'o siajele; Unanga 'a si'a'a! Soi moi nyangu Unanga 'o siajele, “Ya, ngoi ḏuanga i'a ta si'a'a 'ori i'a,” mada'a Unanga 'a si'a'a ua gena-ge.

'Ibrani 7:3

Matengo i'a mai ua ya waro 'a Melkisedek 'ai ḇaḇa re ngina, bolo 'ai ete re dotumu, bolo 'ai buoro re sengene ma 'orasa. Unanga ma tero sa'olo Ma Jou'ongu Madutu 'ai Ngowa'a Nau'u sababu Melkisedek 'o dadi 'imam kasingado-ngadolo i'a.

1 Yohanes 2:23

Ngowa'a matengo ga'a dawongo ua, Ma Jou'ongu Madutu 'ai Ngowa'a Nau'u, unanga 'o marimoi ua ḏi'i ra Ma Jou'ongu Madutu. Mada'a 'a guna ḇato 'o mangaku Yesus, Ma Jou'ongu Madutu 'ai Ngowa'a Nau'u, unanga gena-ge 'o marimoi ḏi'i ra Ma Jou'ongu Madutu.

1 Yohanes 3:8

Mada'a ngowa'a ga'a 'a'a ḏosa tau-taunu, ananga gena-ge 'Iblisi ma ngowa-ngowa'a. Sababu ma mulaingi i'a, 'Iblisi 'i baraḏosa ḏua. Ma sababu gena-ge, Ma Jou'ongu Madutu 'ai Ngowa'a Nau'u 'o sapolo toma dungia nena-ne di'a 'a siwejere 'Iblisi ma munara.

1 Yohanes 4:9

Ma Jou'ongu Madutu ro sijumu 'ai dadalara ra ngene so'o ne: Unanga gena-ge 'o 'utusu 'Ai Ngowa'a Nau'u pa'i matengo ḇato toma dungia nena-ne, la ngene nga'unu wo sanga 'ahu ra Unanga

1 Yohanes 5:20

Ngene rewo waro ḏi'i mangale Ma Jou'ongu Madutu 'ai Ngowa'a Nau'u ro sapolo re Ro pula'a wo-waro ra ngene, la ngene wu nana'o Ma Jou'ongu Madutu ga'a banari. Ngene wo 'ahu marimoi ra Ma Jou'ongu Madutu ga'a banari re wo 'ahu marimoi Rai Ngowa'a Nau'u, Yesus Kristus. Unanga gena-ge mode-mode'e ma tero Ma Jou'ongu Madutu re Unanga masiretene 'ahu kasingado-ngadolo i'a ma cimi.

2 Yohanes 1:9

'A guna ḇato 'o mete'e 'a Kristus 'ai do-doto'o ua, re 'o maki-kiḏanga 'oru ga'a Unanga ro doto'o, Ma Jou'ongu Madutu 'o marimoi ua ra unanga. Mada'a, 'a guna ḇato 'o mete'e tau-taunu Kristus 'ai do-doto'o, Ma Jou'ongu Madutu, re 'Ai Ngowa'a Nau'u ḏi'i 'aḏi marimoi ra unanga.

Tingoýi 2:18

Yesus gena-ge 'o kanau ra ngoi ḏi'i, “Toma jama'ata Tiatira ma mala'ekata, na lefo so'o ne: Nena-ne habari ra Ngoi, Ma Jou'ongu Madutu 'ai Ngowa'a Nau'u, ga'a 'Ari la'o 'i leja-lejanga sa'olo u'u, 'Ari rou 'i ciḏo-ciḏoto ma tero sa'olo tau'u tamḇaga kara ya 'ese singadolo ma ja-jamanga 'i supu.