Yohanes 1:3 - Jaji ma Su-sungi

³ Ma Jou'ongu Madutu 'o pake Unanga gena-ge di'a 'O sidadi 'oru ḇato mo-moini. 'Ori i'a rimoi mai ua nga'unu 'i dadi, na'o Unanga ua.

Yohanes 1:3 Iomraidhean Croise

Yohanes 1:10

Unanga gena-ge ro sapolo re tegoro toma dungia nena-ne ga'a Unanga 'a sidadi. Mada'a ngowa'a 'aḏi tegoro toma dungia nena-ne 'aḏi oḏu'u dawongo Unanga.

Yohanes 1:2

'Ua re 'au wali ma mulaingi 'Idini gena-ge 'i mamete'e ra Ma Jou'ongu Madutu.

1 Korintus 8:6

Mada'a ra ngene, Ma Jou'ongu Madutu pa'i matengo ḇato, Unanga ngene nanga Ḇaḇa, ga'a 'O sidadi ḏua 'ori i'a mo-moini re ngene wo 'ahu di'a Unanga. 'Age Ma Jou pa'i matengo ḇato, Unanga gena-ge Yesus Kristus. Ma Jou'ongu Madutu 'o pula'a kuasa ra Unanga gena-ge, la 'O sidadi 'ori i'a mo-moini re ngene ḏi'i wo 'ahu sababu Unanga gena-ge.

Efesus 3:9

Re Unanga ḏi'i 'o siwatasa munara ra ngoi di'a to sitarangi rahasia gena-ge. Dadi ngowa'a mo-moini ya waro ma duhu sa'olo Ma Jou'ongu Madutu 'a siḏagi 'Ai maksudu ma rahasia gena-ge ga'a 'ua re 'au wali moju matengo i'a mai ua 'a waro. Unanga gena-ge 'O sidadi diwanga re dungia re ma dara mo-moini.

'Ibrani 11:3

Sababu nanga ngo-ngaku, ngene wa waro mangale dungia nena-ne Ma Jou'ongu Madutu 'o sidadi 'o pake 'Ai 'Idini ḇato. Dadi 'oru ga'a ngene wa oḏi'i, 'i dadi toma 'oru ga'a ngene wa oḏi'i ua.

1 Yohanes 5:1

'A guna ḇato 'aḏi ngaku mangale Yesus gena-ge 'O Kristus ga'a Ma Jou'ongu Madutu 'o sijaji pasala ḏua, ananga gena-ge Ma Jou'ongu Madutu 'ai ngowa-ngowa'a. 'A guna ḇato 'aḏi dadalara Ma Jou'ongu Madutu manga Ḇaḇa, 'aḏi dadalara ḏi'i 'Ai ngowa-ngowa'a.

Tingoýi 3:14

Yesus gena-ge 'o kanau ra ngoi ḏi'i, “Toma jama'ata Laodikia ma mala'ekata, na lefo so'o ne: Nena-ne habari ra Ngoi ga'a si'aro'o 'a 'Amin. Ngoi gena-ge Sakisi ma cufala ga'a Ta sijumu tau-taunu 'ori i'a ba-banari ra Ma Jou'ongu Madutu ino, re Ngoi Unanga 'Ai do-dadi ma cimi.

Tingoýi 4:11

“Ya Ma Jou'ongu Madutu, minga Jou. Pa'i Ma Jou'ongu Madutu ḇato 'o patasa di'a ngowa'a 'U simulia re 'U silamo'o sababu 'Ani kuasa ma pari cua. Sababu Ma Jou'ongu Madutu 'o sidadi dungia re diwanga re ma dara mo-moini, re sababu mete'e 'Ani 'akala ma mau 'ori i'a i'a mo-moini 'i dadi re 'i 'ahu.”