Yohanes 1:26 - Jaji ma Su-sungi

²⁶ Yohanes 'a sangoro, “Ngoi pa'i to baptis ngowa'a reo ḇanyo, mada'a toma ngowa'a Yahudi manga sigolona, 'age rema ngowa'a matengo ga'a ngini nena-ne ni waro 'ai ḏe-ḏegoro ua.

Yohanes 1:26 Iomraidhean Croise

Matias 3:11

Ngoi to baptis ngini reo ḇanyo sa'olo nana'o rimoi mangale ngini reni maḏibo toma ngo'omo boloto. Mada'a togumu i'a Unanga ga'a ḏuanga i'a 'O sapolo di'a baptis ngini rema Ngagara 'Ofi-'Ofi re u'u. Unanga lebe la-lamo'o ra ngoi, ta gasa 'Ai tarupa mai patasa ua.

Matias 3:6

Ananga 'aḏi mangaku manga ḏosa-ḏosa, kara 'a Yohanes ya'u baptis ananga toma Ḇanyo Yordan.

Markus 1:8

Ngoi pa'i to baptis ngini reo ḇanyo, mada'a Unanga 'o baptis ngini rema Ngagara 'Ofi-'Ofi.”

Lukas 3:16

Sababu gena 'a Yohanes 'o kanau ra ananga mo-moini, “Ngoi pa'i to baptis ngini reo ḇanyo, mada'a ḏuanga i'a 'age rema ngowa'a matengo lebe la-lamo'o ra ngoi, ta gasa 'Ai tarupa mai patasa ua. Unanga gena-ge ḏuanga i'a 'O sapolo re 'O baptis ngini rema Ngagara 'Ofi-'Ofi re u'u.

Yohanes 16:3

Mada'a ananga 'aḏi 'a'a so'o gena-ge, sababu ananga 'aḏi nana'o ua 'Ari Ḇaḇa bolo Ngoi.

Yohanes 17:25

Baba ga'a no 'adili, kalaha ngowa'a toma dungia nena-ne 'aḏi nana'o Baba ua, mada'a Ngoi to nana'o Baba. Re 'Ari me-mete'e 'aḏi waro mangale Baba reno 'utusu Ngoi.

Yohanes 17:3

'Ahu kasingado-ngadolo i'a ma ngale so'o ne: Ngowa'a 'aḏi nana'o 'Ari Ḇaḇa, 'aḏi nana'o Ngoi ḏi'i. 'Ari Ḇaḇa pa'i matengo ḇato ga'a Ma Jou'ongu Madutu mode-mode'e; re Ngoi, Yesus Kristus ga'a 'Ari Ḇaḇa Ri 'utusu.

Yohanes 8:19

Ḏua ngowa'a Farisi 'aḏi sano ra Unanga, “ 'Ani Ḇaḇa gena-ge Unanga le'a?” Yesus 'a sangoro, “Ngini ni nana'o Ngoi ua re ni nana'o ua ḏi'i 'Ari Ḇaḇa. Na'o ngini nana'o Ngoi, tantu ḏi'i ni nana'o 'Ari Ḇaḇa.”

Yesus 'ai so-soma'a 1:5

Sababu 'a Yohanes 'o baptis ngowa'a reo ḇanyo mada'a toma bio-biono i'a, Ma Jou'ongu Madutu 'o baptis ngini rema Ngagara 'Ofi-'Ofi.”

Yesus 'ai so-soma'a 11:16

Ḏua ngoi ta si'elingi ie, Ma Jou 'o siajele ḏua, ‘ 'A Yohanes 'o baptis ngowa'a reo ḇanyo, mada'a Ma Jou'ongu Madutu 'o baptis ngini rema Ngagara 'Ofi-'Ofi.’

Yesus 'ai so-soma'a 19:4

Ḏua Paulus 'o kanau, “Yohanes 'o baptis ngowa'a reo ḇanyo ga'a ngowa'a 'aḏi maḏibo toma ngo'omo boloto. So'o gena ḏi'i, 'a Yohanes 'o siajele toma ngowa'a Yahudi, ngoi togumu i'a 'age rema ngowa'a matengo 'o sapolo ngini balasu ni ngaku unanga, Unanga gena-ge 'a Yesus.”

1 Yohanes 3:1

Ngene mode-mode'e wo heranga ma duhu sa'olo Ma Jou'ongu Madutu na dadalara ngene: Ngene nena-ne, Unanga 'o si'aro'o 'Ai ngowa-ngowa'a! Re mode-mode'e ngene Ma Jou'ongu Madutu 'ai ngowa-ngowa'a! Ngowa'a ga'a ngaku Yesus ua 'aḏi mangaku ua ngene sa'olo Ma Jou'ongu Madutu 'ai ngowa-ngowa'a, sababu ananga gena-ge 'aḏi nana'o Ma Jou'ongu Madutu ua.