Yohanes 1:19 - Jaji ma Su-sungi

¹⁹ Yohanes 'o pula'a sakisi mangale unanga masiretene so'o ne: Toma wangere rimoi, Yahudi manga bi-biri'i toma limau Yerusalem 'aḏi soma'a 'imam-'imam re ngowa'a Lewi mamuni'a 'aḏi tagi ra Yohanes. Ananga gena-ge 'aḏi sano ra unanga: “Ngana ne 'a guna?”

Yohanes 1:19 Iomraidhean Croise

Yohanes 1:7

Unanga 'o sapolo sa'olo sakisi di'a sihabari tarangi gena-ge, la ngowa'a mo-moini 'aḏi ngaku Unanga gena-ge.

Yohanes 10:24

Wakutu ngowa'a Yahudi 'aḏi sapolo malomu ananga 'aḏi sigoloḏi Unanga re 'aḏi kanau, “Singadolo ngau ngana no sieanga i'a ngomi minga 'akala re sinyingara 'i ogoro ua? Nange-ne no sitarangi ra ngomi: Ngana nena-ne, mode-mode'e 'O Kristus, bolo ua?”

Yohanes 10:31

Ḏua ngowa'a Yahudi dadunu 'aḏi 'oro maḏi-maḏi moju di'a 'aḏi poini 'a Yesus.

Yohanes 11:19

Ngowa'a Yahudi manga repe 'aḏi sapolo di'a 'aḏi sihiburu ngo Marta re ngo Maria, sababu Lazarus ananga manga iḏanga ro sengene.

Yohanes 2:18

Mada'a Yahudi manga bi-biri'i 'aḏi tuntutu ra Unanga 'aḏi kanau, “Sijumu ga'a hera-heranga rimoi ra ngomi, la ngomi ma waro mangale Ngana rani kuasa di'a no 'a'a mo-moini gena-ge.”

Yohanes 2:20

Ḏua ananga gena-ge 'aḏi kanau, “Sanga ua! Ngomi mi 'a'a wala nena-ne 'i oromo 'orasa ma di'ara musungu nyagi rata re rarama, re Ngana nga'unu na simomi'i pa'i toma wangere ro'ange ma dara ḇato?!”

Yohanes 5:10

Sababu gena-ge, ngowa'a Yahudi manga bi-biri'i 'aḏi kanau i'a toma ngowa'a ga'a ro la gena-ge, “Wangere nange-ne Sabata ma wangere re Musa 'ai hukumu 'i wosono ngana na gasa 'ani jungutu toma wangere nena-ne!”

Yohanes 5:15

Gena ḏua, ngowa'a gena-ge 'o tagi re 'o masiajele toma Yahudi manga bi-biri'i mangale Yesus 'o si-la unanga.

Yohanes 5:16

Sababu gena-ge, Yahudi manga bi-biri'i mulaingi 'U sikangela Yesus, sababu Unanga 'o si-la ngowa'a toma Sabata ma wangere.

Yohanes 5:18

Yesus 'ai demo-demo gena-ge si'a'a ngowa'a Yahudi manga bi-biri'i ganapu disa ngo'omo di'a mau sisengene Unanga. Sababu pa'i Yesus 'a mete'e ua ḇato ananga manga 'agama ma 'atoranga mangale Sabata ma wangere, mada'a Unanga masiretene ḏi'i ro kanau, Ma Jou'ongu Madutu Unanga 'ai Ḇaḇa re dadi Unanga 'a site-tero 'ai diri ma tero sa'olo Ma Jou'ongu Madutu.

Yohanes 6:41

Ḏua ngowa-ngowa'a Yahudi mulaingi 'aḏi kuḏubungu mangale Yesus, sababu Unanga 'o kanau, “Ngoi nena-ne roti ga'a 'uci da'u soroga tala.”

Yohanes 6:52

Wakutu ngowa'a Yahudi ya 'isene i'a Yesus 'ai demo-demo gena-ge, ananga 'aḏi ma'u rubutu matengo re matengo. Ananga 'aḏi kanau, “Ma duhu sa'olo ngowa'a nena-ne 'o pula'a 'ai lese di'a ngene wa oromo?!”

Yohanes 7:1

Palisi i'a Yesus 'o tagi le'a ḇato toma daeraha Galilea. Unanga 'o oḏu'u tagi toma daeraha Yudea, sababu Yahudi manga bi-biri'i da'a 'aḏi mau sisengene Unanga.

Yohanes 7:11

Toma laya gena-ge, Yahudi manga bi-biri'i 'aḏi disa Unanga re 'aḏi sano-sano, “Unanga le'a?”

Yohanes 7:15

Dadi Yahudi manga bi-biri'i 'aḏi heranga masala re 'aḏi kanau, “Unanga ne kama sokola ua, mada'a 'Ai wo-waro ma repe mangale Boku 'Ofi-'Ofi!”

Yohanes 8:22

Ḏua Yahudi manga bi-biri'i 'aḏi ma'u kanau matengo re matengo: “Unanga 'ai maksudu 'oru: ‘Toma ngi'i ga'a Ngoi to tagi ngini ni sapolo yoḏu'u?’ Ḏa Unanga 'o masisengene!”

Yohanes 8:48

Ngowa'a Yahudi 'aḏi sangoro i'a ra Unanga, “Tero mode'e 'oru ga'a ngomi kanau: ‘Ngana ngowa'a Samaria re roh ma jira Ni dungosama’!”

Yohanes 8:52

Ḏua ngowa'a Yahudi 'aḏi kanau ra Yesus, “Nange-ne ngomi ma waro ngana ne roh ma jira ni dungosama. Abraham masiretene ro sengene so'o gena-ge ḏi'i nabi-nabi mo-moini raḏi sengene. Dadi i'a sa'olo No kanau, ‘Na'o 'a guna ḇato 'o mete'e 'Ani demo, unanga kama sengene ua?’

Yohanes 8:57

Ḏua ngowa'a Yahudi 'aḏi kanau ra Unanga, “ 'Ani 'umuru ngadolo nyagi romotoa nyangu. I'a sa'olo no kanau reno oḏi'i 'a Abraham?!”

Yesus 'ai so-soma'a 13:25

Sa'i Yohanes 'a siḏo-ḏogumu 'ai munara, unanga 'o sano i'a ra ananga, ‘Ngoi nena-ne 'a guna? Ngoi ne, Unanga ua ga'a ngini ni totoma. Na 'elingi, ngoi togumu i'a kara Unanga 'o sapolo, ta gasa 'Ai tarupa mai patasa ua.’

Yesus 'ai so-soma'a 19:4

Ḏua Paulus 'o kanau, “Yohanes 'o baptis ngowa'a reo ḇanyo ga'a ngowa'a 'aḏi maḏibo toma ngo'omo boloto. So'o gena ḏi'i, 'a Yohanes 'o siajele toma ngowa'a Yahudi, ngoi togumu i'a 'age rema ngowa'a matengo 'o sapolo ngini balasu ni ngaku unanga, Unanga gena-ge 'a Yesus.”

1 Yohanes 1:5

Habari ga'a ngomi masiretene ma 'isene Tai Ngowa'a Nau'u re ngomi ma singadolo ra ngini: Ma Jou'ongu Madutu tarangi ma cimi. Sababu gena-ge, 'ori i'a hafu-hafu 'i marimoi yoḏu'u.