Yohanes 1:14 - Jaji ma Su-sungi

¹⁴ 'Idini gena-ge ri dadi manusia, re Unanga 'o tegoro tananga sigolona re wa oḏi'i ḏua 'Ai kabasarana. Kabasarana gena-ge ma 'asala ra Ma Jou'ongu Madutu sababu Unanga 'Ai Ngowa'a Nau'u pa'i matengo. Sababu Unanga, ngene wa basono tala Ma Jou'ongu Madutu 'ai mura re dadalara masala ra ngene, re Unanga 'o sijumu ma ba-banari mangale Ma Jou'ongu Madutu ra ngene.

Yohanes 1:14 Iomraidhean Croise

Lukas 2:11

Wangere nange-ne toma limau ga'a 'Olana Daud 'ai dola'a ututu ma ngi'i, sibuoro ḏua ninga Salamata ma Cimi, Unanga gena-ge 'O Kristus, Ma Jou.

Lukas 2:7

Munanga mo sibuoro ngowa'a nau'u matengo ngowa ma jomolo, 'u sao reo ḇa'a kara 'u sigare toma haiwani ma ngo-ngoromo ma ngi'i, sababu 'aḏi sanga ngi'i riwara di'a 'aḏi masiḏingoto.

Lukas 9:32

Toma 'orasa gena-ge Petrus re 'ai ḏagilomu ananga 'aḏi otu, mada'a kage-kage raḏi wangolo, re 'aḏi oḏi'i i'a Yesus rai cahaya 'o made-de'oso sebanga ra Elia re 'a Musa.

Yohanes 1:1

'Ua re 'au wali wakutu dungia 'i dadi nyangu, 'Idini rema enanga ḏua. 'Idini gena-ge 'i mamete'e ra Ma Jou'ongu Madutu, re 'Idini gena-ge ḏi'i Ma Jou'ongu Madutu.

Yohanes 11:40

Yesus 'o kanau ra ngo Marta, “Ngoi reto kanau ra ngana, na'o no ngaku, ngana ḏuanga i'a no oḏi'i kuasa lamo'o ra Ma Jou'ongu Madutu tala.”

Yohanes 14:6

Yesus 'o sangoro, “Ngoi nena-ne ngo'omo di'a ni sapolo ra Tari Ḇaḇa. Ngoi nena-ne to sijumu 'oru ga'a 'i banari mangale 'Ari Ḇaḇa. Re ḏi'i Ngoi nena-ne to pula'a 'ahu kasingado-ngadolo i'a. Pa'i Ngoi nena-ne ḇato to dadi ngo'omo ga'a sigasa ngowa'a Tari Ḇaḇa.

Yohanes 14:9

Yesus 'o sangoro, “Filipus, ma di'ara ḏua Ngoi 'age taninga sigolona, i'a sa'olo nange-ne ngana no nana'o Ngoi ua?! Ngowa'a ga'a raḏi oḏi'i Ngoi, raḏi oḏi'i 'Ari Ḇaḇa ḏi'i. Dadi i'a sa'olo ngana no kanau, ‘Sijumu Ḇaḇa gena-ge ra ngomi’?

Yohanes 17:22

Ngoi nena-ne Ta'u pula'a ḏua 'Ani mulia ra ananga ga'a Baba reno pula'a ra Ngoi, la ananga 'aḏi marimoi, ma tero Ngene wo marimoi.

Yohanes 17:24

Baba, Ngoi to mau ngowa'a ga'a Baba reno pula'a ra Ngoi, ananga 'aḏi mamete'e ra Ngoi toma ngi'i ga'a Ngoi 'age, la ananga ya oḏi'i 'Ari mulia. Mulia gena-ge ga'a Baba reno pula'a ḏua ra Ngoi, sababu Baba no dadalara Ngoi wakutu dungia 'i dadi nyangu.

Yohanes 18:37

Ḏua Pilatus dadunu sano moju, “Na'o so'o gena, Ngana nena-ne 'olana?” Yesus 'o sangoro, “Ngana masiretene no aje, Ngoi nena-ne 'Olana, re 'ani demo 'i banari. 'Ari ngina sibuoro Ngoi re ngoi to sapolo toma dungia nena-ne, di'a maksudu rimoi ḇato: di'a To pula'a sakisi mangale 'ori i'a ga'a ba-banari. Ngowa'a mo-moini ga'a 'aḏi disa ba-banari, ananga gena-ge 'aḏi mete'e Ngoi 'ari do-doto'o.”

Yohanes 2:11

Gena-ge Yesus 'ai didina'o heranga ma mulaingi re 'O 'a'a toma limau Kana, daeraha Galilea. Tai didina'o heranga gena-ge Unanga 'a sijumu 'Ai kuasa, dadi Unanga 'ai me-mete'e ananga 'aḏi ngaku Unanga.

Yohanes 3:16

Ma Jou'ongu Madutu 'o dadalara manusia toma dungia ma tero so'o ne: Unanga ro 'utusu 'Ai Ngowa'a Nau'u pa'i matengo, la 'a guna ḇato 'o ngaku 'Ai Ngowa'a Nau'u gena-ge, 'o iranga ua kasingado-ngadolo i'a, mada'a 'o sanga 'ahu kasingado-ngadolo i'a.

Yohanes 3:18

'A guna ḇato 'o ngaku Ma Jou'ongu Madutu 'ai Ngowa'a Nau'u, Ma Jou'ongu Madutu ḏuanga i'a 'u sihukumu ua. Mada'a 'a guna ḇato 'o ngaku ua Ma Jou'ongu Madutu 'ai Ngowa'a Nau'u, unanga pa'i totoma ḇato di'a Ma Jou'ongu Madutu 'u sihukumu, sababu unanga gena-ge 'o ngaku ua Ma Jou'ongu Madutu 'ai Ngowa'a Nau'u, pa'i matengo.

Yohanes 6:51

Ngoi nena-ne roti 'ahu ga'a 'i 'uci da'u soroga tala. Na'o 'a guna ḇato oromo roti gena-ge, ḏuanga i'a 'o 'ahu kasingado-ngadolo i'a. Roti gena-ge 'Ari lese ga'a ḏuanga i'a ta sidoa'a, la manusia nyengara sanga 'ahu.”

Yohanes 8:32

Ḏua ngini ḏuanga i'a ni waro mode-mode'e Ma Jou'ongu Madutu 'ai ba-banari re ngini ni bebasa toma ḏosa ma kuasa.”

Yesus 'ai so-soma'a 13:33

Unanga 'a si'a'a pasala ḏua di'a ngene, nanga ete re dotumu manga ju'uda, wakutu Unanga dadunu 'u si'ahu moju Yesus toma ngowa'a senge-sengene manga sigolona. Sa'olo toma boku Mazmur ma soi romoḏiḏi 'age 'i silefo so'o ne: ‘Ngana nena-ne 'Ari Ngowa'a Nau'u; toma wangere nange-ne Ngoi to dadi 'Ani Ḇaḇa.’

Roma 8:3

Musa 'ai hukumu 'i sibebasa ngene yoḏu'u toma ḏosa ma kuasa; sababu manusia wo lamahana woḏi di'a mete'e ti-tiai hukumu gena-ge. Mada'a Ma Jou'ongu Madutu nyengara 'o sibebasa ngene toma ḏosa ma kuasa gena-ge: Unanga 'o 'utusu 'Ai Ngowa'a Nau'u di'a dadi jou-jou rimoi, la 'O tuusu ngene tananga ḏosa. Unanga gena-ge 'o sapolo toma dungia nena-ne ma tero sa'olo manusia, mada'a Unanga 'o 'a'a ḏosa ua.

Roma 9:5

Ananga gena-ge Abraham, Ishak re Yakub manga ju'uda. Mete'e manusia ma 'asala, Kristus ḏi'i 'ai ju'uda ra ananga ino. Kristus gena-ge ga'a 'Ai kuasa ma pari cua re Unanga ḏi'i Ma Jou'ongu Madutu. Dadi ngowa'a mo-moini balasu 'aḏi puji re silamo'o Kristus nena re si'a. 'Amin.

1 Korintus 15:47

Adam ma mulaingi sidadi reo tana'a. Mada'a Adam ma soi ḏiḏi, Kristus, unanga gena-ge 'ai 'asala toma soroga tala.

2 Korintus 12:9

Mada'a Unanga gena-ge 'a sangoro, “Ngoi tini singi-ngiranga ua 'ani sangisara gena-ge mada'a Ngoi tini riono Rari mura re dadalara. Enanga gena-ge ngana na paralu! Sababu wakutu ngana no basono tala lamahana, 'Ari kuasa nga'unu 'i si'a'a lebe ganapu tani 'ahu.” Sababu gena-ge ngoi to mahie 'ari diri sababu 'ari lamahana, sababu wakutu ngoi to lamahana, Kristus 'ai kuasa 'i sioḏi'i tari 'ahu.

Galatia 4:4

Mada'a wakutu ma 'orasa ri ngadolo, ga'a Ma Jou'ongu Madutu ro sitantukanga pasala ḏua, Unanga 'o siḏingoto 'ai Ngowa'a Nau'u sapolo toma dungia. Re we-were'a matengo mu sibuoro Unanga. Sababu gena-ge sa'olo ngowa'a Yahudi, Unanga balasu 'o ta'aloko ra Musa 'ai hukumu.

Efesus 3:8

Pa'i ngoi ḇato kari ijana ua ra Ma Jou'ongu Madutu 'ai 'umata mo-moini. Mada'a sababu Ma Jou'ongu Madutu 'ai mura re dadalara Unanga 'a siwatasa munara ra ngoi di'a to singadolo toma ngowa-ngowa'a Yahudi ua mangale 'Ai barakati ga'a kama moini ua sababu 'a Kristus.

Kolose 1:19

sababu Ma Jou'ongu Madutu 'o sitantukanga pasala ḏua 'Ai duhu re 'Ai kuasa mo-moini kama kuranga ua 'a sipa'ala Tai Ngowa'a Nau'u, Kristus.

Kolose 2:3

Pa'i ra Kristus gena-ge ḇato, toma ngowa'a lelegu 'i cua, 'akala soro'unu re wo-waro mo-moini mangale Ma Jou'ongu Madutu. Enanga gena-ge 'i ma tero sa'olo harata ga'a 'ua re 'au wali moju 'i go-gogono.

Kolose 2:9

Dadi ngini ni mete'e awa manga do-doto'o ma faeda 'i cua gena-ge, sababu Ma Jou'ongu Madutu 'ai duhu ri waiti ra pa'i Kristus 'ai lese ḇato.

1 Timotius 3:16

Matengo i'a mai ua 'aḏi soloto mangale nanga 'agama ma do-doto'o 'i banari re 'i ti-tiai. 'Au wali, ma do-doto'o gena-ge mangale Kristus Yesus 'i sirahasia, sababu Ma Jou'ongu Madutu 'o masijumu nyangu. Mada'a nange-ne Unanga 'o masijumu ḏua ra ngene, dadi ngene wo ngaku nena-ne: Ma Jou'ongu Madutu 'ai Ngowa'a Nau'u matengo 'O matuhu sa'olo manusia, Ma Ngagara 'Ofi-'Ofi 'i siajele Unanga gena-ge Ma Jou'ongu Madutu 'ai Ngowa'a Nau'u, Unanga 'o masijumu toma mala'ekata, 'Ai lomanga sihabari toma bangsa mo-moini, Ngowa'a toma bangsa mo-moini toma dungia 'aḏi ngaku Unanga sibere re sijingi'i toma soroga.

'Ibrani 1:3

'Ai Ngowa'a Nau'u gena-ge 'A sijumu Ma Jou'ongu Madutu 'ai kuasa re 'Ai kabasarana. Unanga gena-ge 'ai duhu re ngari mo-moini ma tero Ma Jou'ongu Madutu. Unanga 'a pake 'ai demo ma kuasa di'a 'O jaga re 'O parenta mo-moini. Unanga 'o sigofi ngowa'a manga ḏosa togumu i'a, kara 'O tegoro ra Ma Jou'ongu Madutu 'ai giama ma kuwiḏa i'a da'u toma soroga.

'Ibrani 1:5

Soi moi nyangu Ma Jou'ongu Madutu 'o kanau Tai mala'ekata matengo so'o ne: “Ngana nena-ne Ngoi 'ari Ngowa'a Nau'u; toma wangere nange-ne, Ngoi to dadi Ngana 'ani Ḇaḇa.” Re soi moi nyangu ḏi'i Ma Jou'ongu Madutu 'o kanau Tai mala'ekata ma lelegu so'o ne: “Ngoi ḏuanga i'a to dadi Unanga 'ai Ḇaḇa, re Unanga ḏuanga i'a 'o dadi Ngoi 'ari Ngowa'a Nau'u.”

'Ibrani 10:5

Sababu gena-ge, wakutu Kristus 'o osama toma dungia, Unanga 'o kanau ra Ma Jou'ongu Madutu so'o ne: “Baba 'o mau ua jou-jou bolo bu-bula'a. Siḏibo ḏi'i, Baba ro sidodahe Ngoi 'ari lese 'i dadi jou-jou ga'a Ngoi ḏuanga i'a to sidoa'a ra Baba.

'Ibrani 2:11

Yesus ga'a 'o sigofi manusia tamanga ḏosa-ḏosa re ananga ga'a sanga sigofi ḏua, ananga gena-ge Ḇaḇa moi. Sababu gena-ge Yesus 'o mara'a ua 'o kanau mangale ananga gena-ge 'Ai ioronongoḏu.

'Ibrani 5:5

So'o gena ḏi'i Kristus, wakutu Unanga 'o dadi 'Imam 'Agung, Unanga 'a sitede 'ai diri masiretene ua, mada'a Ma Jou'ongu Madutu 'U tede Unanga. Re Ma Jou'ongu Madutu 'o kanau ra Unanga, “Ngana nena-ne 'Ari Ngowa'a Nau'u, toma wangere nange-ne Ngoi to dadi Ngana 'Ani Ḇaḇa.”

1 Yohanes 4:14

Ngomi masiretene mi oḏi'i ḏua Ma Jou'ongu Madutu 'ai Ngowa'a Nau'u, re ngomi ma sisakisi mangale Unanga gena-ge 'O sanga 'utusu Tai Ḇaḇa di'a sapolo toma dungia nena-ne, la 'O dadi dungia ma Salamata ma Cimi.

1 Yohanes 4:9

Ma Jou'ongu Madutu ro sijumu 'ai dadalara ra ngene so'o ne: Unanga gena-ge 'o 'utusu 'Ai Ngowa'a Nau'u pa'i matengo ḇato toma dungia nena-ne, la ngene nga'unu wo sanga 'ahu ra Unanga

2 Yohanes 1:7

Sababu ngowa'a ga'a sihaga ngowa'a, ananga manga repe 'aḏi tagi matai are toma dungia sitabi donga. Ananga gena-ge 'aḏi mangaku ua mangale Yesus Kristus 'o sapolo toma dungia nena-ne sa'olo manusia. Ananga gena-ge ma tero sa'olo ngowa'a matengo ga'a sihaga ngowa-ngowa'a re unanga gena-ge 'o Kristus Sa-sakala.

Tingoýi 19:13

Juba ga'a unanga 'a pake sitono ḏua toma ngaunu re Unanga si'aro'o “Ma Jou'ongu Madutu 'ai 'Idini.”

Tingoýi 21:3

Re ngoi to 'isene iḏingi ra Ma Jou'ongu Madutu 'ai ḏe-ḏegoro gena-ge 'i kanau ya siduga-duga, ma betongo so'o ne: “Mulaingi nange-ne Ma Jou'ongu Madutu 'o tegoro re 'o 'ahu toma manusia manga sigolona. Ananga ḏuanga i'a 'aḏi dadi Unanga 'ai ngowa-ngowa'a. Re Ma Jou'ongu Madutu masiretene 'age Ma Jou'ongu Madutu ga'a ananga 'aḏi silamo'o re siḏubuso.