Yohanes 1:13 - Jaji ma Su-sungi

¹³ Ananga gena-ge 'aḏi dadi ua Ma Jou'ongu Madutu 'ai ngowa-ngowa'a, sababu manga ete re dotumu, bolo manusia manga nyafusu, bolo nau'u 'ai nyafusu. Mada'a ananga gena-ge 'aḏi dadi Ma Jou'ongu Madutu 'ai ngowa-ngowa'a sababu 'ahu su-sungi ga'a ma 'asala ra Unanga.

Yohanes 1:13 Iomraidhean Croise

Matias 3:9

Awa ngini ni ta'ajiri taninga 'akala re sinyingara, ‘Ngomi mi sanga hukumu ua sababu Abraham ngomi minga ete re dotumu.’ Sababu Ngoi to siajele ra ngini nena-ne: Ma Jou'ongu Madutu nga'unu 'o sidadi maḏi-maḏi nena-ne 'i dadi Abraham 'ai ju'uda!

Yohanes 3:3

Yesus 'a sangoro, “No ngaku mode-mode'e 'Ari demo-demo nena-ne: Na'o ngowa'a matengo i'a dadunu sibuoro ua, unanga 'o osama nyo-nyoimi yoḏu'u ra Ma Jou'ongu Madutu 'ai Pareta.”

1 Korintus 3:6

Ngoi to so'ana, 'a Apolos 'a ajala. Mada'a Ma Jou'ongu Madutu masiretene 'a sikonyo joro gena-ge.

Filipi 2:13

Sababu Ma Jou'ongu Madutu masiretene 'o munara tau-taunu ra ngini ninga diri, la ngini mau ni mete'e Unanga 'ai mau, re ḏi'i Unanga 'o riono ngini di'a ni si'a'a so'o gena-ge.

Titus 3:5

Unanga na sisalamata ngene. I'a sa'olo? Sababu ngene wo madaga'a 'ori i'a ma la-la?! So'o gena-ge ua! Mada'a pa'i sababu Unanga masiretene 'o sijumu 'Ai 'akala re sinyingara ma la-la ḇato ra ngene. Sababu Yesus Kristus 'ai se-sengene, Unanga gena-ge ga'a nanga Salamata ma Cimi, Ma Jou'ongu Madutu 'O sisalamata ngene re 'O pula'a pai-pai'i Ma Ngagara 'Ofi-'Ofi ra ngene. Dadi ngene sibuoro su-sungi, re Ma Ngagara 'Ofi-'Ofi ri si'ofi ngene tananga ḏosa re ri pula'a 'ahu su-sungi ra ngene.

Yakobus 1:18

Mete'e Ma Jou'ongu Madutu 'ai 'akala ma mau masiretene, Unanga 'o sidadi ngene sa'olo 'Ai ngowa-ngowa'a sababu wo ngaku 'Ai habari banari, la ngene wo dadi Unanga 'ai do-dadi ma la-lamo'o ma re'u i'a Tai do-dadi mo-moini.

1 Petrus 1:23

sababu ngini dadunu reni sibuoro moju. Ngini reni sanga 'ahu su-sungi taninga ḇaḇa re ngina ua ga'a basono sengene, mada'a ra Unanga ga'a kama sengene ua. Gena-ge 'i dadi sababu ngini ni ngaku Ma Jou'ongu Madutu 'ai demo ga'a 'i 'ahu re 'i tahana kasingado-ngadolo i'a

1 Petrus 1:3

Ino ngene wo puji re silamo'o Ma Jou'ongu Madutu, Yesus Kristus nanga Jou 'ai Ḇaḇa. Sababu Unanga 'o sijumu 'Ai 'akala re sinyingara ma la-la ra ngene, singadolo 'O pula'a 'ahu su-sungi ra ngene. Gena-ge 'i nyengara, sababu Yesus Kristus ro sengene, mada'a dadunu 'o 'ahu moju. Sababu gena-ge nanga ngo-nganono 'i dadi de-de'e rimoi.

1 Petrus 2:2

Mada'a ngini balasu ma tero sa'olo ngowa kiau aro sibuoro tala ga'a nyanyaḏi ḇowisi susu tau-taunu ra ma ngina. So'o gena ḏi'i, ngini balasu nyafusu masala di'a 'isene tau-taunu Ma Jou'ongu Madutu 'ai demo ga'a banari. Na'o ngini ni 'a'a so'o gena, ngini ninga ngo-ngaku ganapu te'e, singadolo enanga gena-ge 'i dadi ti-tiai.

1 Yohanes 3:9

Ngowa'a ga'a raḏi dadi Ma Jou'ongu Madutu 'ai ngowa-ngowa'a 'aḏi 'a'a ḏosa tau-taunu ua sababu Ma Jou'ongu Madutu 'ai de'oso re ḏegoro 'i waiti tamanga 'ahu ma dara. Ananga gena-ge 'a'a ḏosa tau-taunu 'i yoḏu'u, sababu Ma Jou'ongu Madutu ya'u sidadi 'Ai ngowa-ngowa'a.

1 Yohanes 4:7

Ngini, ioronongoḏu ngo-ngaku rimoi ga'a ngoi tunu dadalara! Ino ngene wo ma'u dadalara matengo re matengo, sababu dadalara gena-ge ma 'asala ra Ma Jou'ongu Madutu tala. Dadi na'o 'a guna ḇato 'o dadalara 'ai ioronongoḏu ngo-ngaku rimoi, unanga gena-ge Ma Jou'ongu Madutu 'ai ngowa'a re 'o nana'o Ma Jou'ongu Madutu.

1 Yohanes 5:1

'A guna ḇato 'aḏi ngaku mangale Yesus gena-ge 'O Kristus ga'a Ma Jou'ongu Madutu 'o sijaji pasala ḏua, ananga gena-ge Ma Jou'ongu Madutu 'ai ngowa-ngowa'a. 'A guna ḇato 'aḏi dadalara Ma Jou'ongu Madutu manga Ḇaḇa, 'aḏi dadalara ḏi'i 'Ai ngowa-ngowa'a.

1 Yohanes 5:18

Ngene wo waro ngowa'a mo-moini ga'a 'aḏi dadi Ma Jou'ongu Madutu 'ai ngowa-ngowa'a, ananga gena-ge 'aḏi madaga'a ua ḏosa tau-taunu sababu Ma Jou'ongu Madutu 'ai Ngowa'a Nau'u 'a saolo. Sababu gena-ge, 'Iblisi nyengara 'i si'a'a 'ori i'a ma jira yoḏu'u ra ananga gena-ge.

1 Yohanes 5:4

Sababu ngowa'a mo-moini ga'a Ma Jou'ongu Madutu 'ai ngowa-ngowa'a, ngene nga'unu rewo 'utungu talaḏi dungia ma jira. Ananga gena-ge raḏi 'utungu talaḏi dungia ma jira sababu pa'i manga ngo-ngaku ḇato.