Yohanes 1:11 - Jaji ma Su-sungi

¹¹ Kalaha Unanga 'O sapolo Tai ji'o re 'Ai gamu, 'Ai herapongo 'aḏi oḏu'u dawongo Unanga.

Yohanes 1:11 Iomraidhean Croise

Matias 15:24

Yesus 'a sangoro toma we-were'a gena-ge, “Ngoi pa'i sanga 'utusu toma ngowa-ngowa'a Israel ḇato ga'a ma tero sa'olo doba ga'a 'i iranga ngo'omo.”

Lukas 19:14

Mada'a daeraha gena-ge ma manusia 'aḏi emono 'olana 'ai ngowa re danongo gena-ge. Palisi'i i'a, unanga ro tagi re 'a sisoi'i tala daeraha gena-ge, la 'o dadi 'olana. Ananga gena-ge 'aḏi 'utusu so-soma'a tagi di'a 'aḏi kanau, ‘Ngomi mi oḏu'u unanga gena-ge 'o dadi minga 'olana.’

Yohanes 1:10

Unanga gena-ge ro sapolo re tegoro toma dungia nena-ne ga'a Unanga 'a sidadi. Mada'a ngowa'a 'aḏi tegoro toma dungia nena-ne 'aḏi oḏu'u dawongo Unanga.

Yohanes 1:12

Mada'a 'a guna ḇato 'o dawongo re 'o ngaku Unanga, Unanga 'o pula'a haku ra ananga di'a 'aḏi dadi Ma Jou'ongu Madutu 'ai ngowa-ngowa'a.

Yohanes 19:27

Re Yesus 'o kanau i'a Tai me-mete'e matengo, “Munanga nena-ne ngana 'ani ngina.” Dadi mulaingi nange-ne re si'a Yesus 'ai me-mete'e matengo gena-ge 'o dawongo Yesus 'ai ngina tai wala.

Yohanes 3:32

Unanga 'o kanau mangale 'oru ga'a Unanga ra oḏi'i re Ra 'isene, mada'a matengo i'a mai ua ya ngaku Unanga 'ai sakisi.

Yesus 'ai so-soma'a 13:26

Ioronongoḏu Abraham 'ai ju'uda re ngowa'a Yahudi ua ga'a ni silamo'o re mojongo Ma Jou'ongu Madutu. Ma Jou'ongu Madutu Ro siḏingoto habari salamata ra ngene,

Yesus 'ai so-soma'a 13:46

Mada'a 'a Paulus re 'a Barnabas ganapu 'aḏi nau'u re 'aḏi kanau ya sitaḇela'a i'a ra ananga. Ananga 'aḏi kanau, “Ma Jou'ongu Madutu 'ai demo balasu 'i singadolo ra ngini siḏa. Mada'a, ngini ni dawongo ua re ngini masiretene ni sitantukanga tala ni patasa ua di'a sanga 'ahu kasingado-ngadolo i'a. Dadi, ngomi nena-ne mi tagi re mi singadolo Habari Roanga toma ngowa-ngowa'a Yahudi ua.

Yesus 'ai so-soma'a 21:6

Gena ḏua, ngomi mi masilo-loasa, kara ngomi mi mabalene toma kapala, re ananga 'aḏi maḏibo tamanga wala.

Roma 15:8

Awa ni sidaioranga mangale Kristus ro sapolo toma dungia di'a 'O de-de'oso ngowa-ngowa'a Yahudi, la Unanga 'o sijumu ra ngene mangale Ma Jou'ongu Madutu 'o cufala sitotomo 'Ai jaji tananga ete re dotumu.

Roma 9:1

Nange-ne 'oru ga'a ngoi mau to kanau 'i banari. Ngoi to sa-sakala ua sababu ngoi marimoi ra Kristus. Re ḏi'i 'ari 'akala re sinyingara ma kanau, Ma Ngagara 'Ofi-'Ofi ya sinyanyasele re Enanga 'i sisakisi mangale 'oru ga'a to kanau nena-ne 'i banari.

Roma 9:5

Ananga gena-ge Abraham, Ishak re Yakub manga ju'uda. Mete'e manusia ma 'asala, Kristus ḏi'i 'ai ju'uda ra ananga ino. Kristus gena-ge ga'a 'Ai kuasa ma pari cua re Unanga ḏi'i Ma Jou'ongu Madutu. Dadi ngowa'a mo-moini balasu 'aḏi puji re silamo'o Kristus nena re si'a. 'Amin.

Galatia 4:4

Mada'a wakutu ma 'orasa ri ngadolo, ga'a Ma Jou'ongu Madutu ro sitantukanga pasala ḏua, Unanga 'o siḏingoto 'ai Ngowa'a Nau'u sapolo toma dungia. Re we-were'a matengo mu sibuoro Unanga. Sababu gena-ge sa'olo ngowa'a Yahudi, Unanga balasu 'o ta'aloko ra Musa 'ai hukumu.