Yohanes 1:10 - Jaji ma Su-sungi

¹⁰ Unanga gena-ge ro sapolo re tegoro toma dungia nena-ne ga'a Unanga 'a sidadi. Mada'a ngowa'a 'aḏi tegoro toma dungia nena-ne 'aḏi oḏu'u dawongo Unanga.

Yohanes 1:10 Iomraidhean Croise

Matias 11:27

Ḏua Yesus 'o kanau, “ 'Ori i'a mo-moini, 'Ari Ḇaḇa ra sidoa'a ra Ngoi. Matengo i'a mai ua 'o nana'o Ngoi ḏuga-ḏuga pa'i 'Ari Ḇaḇa ḇato. Matengo i'a mai ua 'o nana'o 'ari Ḇaḇa ḏuga-ḏuga pa'i Ngoi, 'Ai Ngowa'a Nau'u, re ra guna ḇato ga'a Ngoi to sinana'o 'Ari Ḇaḇa.

Yohanes 1:11

Kalaha Unanga 'O sapolo Tai ji'o re 'Ai gamu, 'Ai herapongo 'aḏi oḏu'u dawongo Unanga.

Yohanes 1:18

Matengo i'a mai nyangu ro oḏi'i Ma Jou'ongu Madutu, mada'a pa'i 'Ai Ngowa'a Nau'u matengo, ga'a 'O marimoi rai Ḇaḇa. Unanga gena-ge ra sibaiti re Ra sitarangi mangale Ma Jou'ongu Madutu ra ngene.

Yohanes 1:3

Ma Jou'ongu Madutu 'o pake Unanga gena-ge di'a 'O sidadi 'oru ḇato mo-moini. 'Ori i'a rimoi mai ua nga'unu 'i dadi, na'o Unanga ua.

Yohanes 1:5

Tarangi gena-ge 'i sitarangi toma hafu-hafu, re hafu-hafu nga'unu ua ya sisengene 'o tarangi gena-ge.

Yohanes 17:25

Baba ga'a no 'adili, kalaha ngowa'a toma dungia nena-ne 'aḏi nana'o Baba ua, mada'a Ngoi to nana'o Baba. Re 'Ari me-mete'e 'aḏi waro mangale Baba reno 'utusu Ngoi.

Yohanes 5:17

Yesus 'o kanau i'a ra ananga, “ 'Ari Ḇaḇa 'o munara tau-taunu singadolo 'orasa nange-ne, re Ngoi to munara ḏi'i.”

Yesus 'ai so-soma'a 14:17

Mada'a Unanga gena-ge 'a sidaioranga ua 'o pula'a didina'o di'a sijumu mangale Ma Jou'ongu Madutu rema enanga. Unanga 'o 'a'a la-la toma ngowa'a repe: Unanga 'o pula'a besa'a da'u diwanga tala re 'o joro-joro toma tana'a 'i sowo'o re ya 'utu'u di'a manga ngo-ngoromo singadolo manga 'akala re sinyingara 'i maroanga.”

1 Korintus 1:21

Sababu manusia manga 'akala ma soro'unu, enanga sanga ua nana'o Ma Jou'ongu Madutu. Mada'a sababu Ma Jou'ongu Madutu 'ai 'akala ma soro'unu ma pari cua, Unanga gena-ge ro sitantukanga di'a 'O sisalamata ngowa'a ga'a raḏi ngaku 'Ai Habari Roanga. Habari Roanga gena-ge ngowa'a dungia 'aḏi ta'ajiri habari ma faeda 'i cua.

1 Korintus 2:8

Matengo i'a mai ua, toma ngowa'a ga'a remanga kuasa manga sigolona, ananga ya waro mangale 'akala soro'unu gena-ge. Sababu, na'o ananga ya waro, tantu ananga 'U salib ua nanga Jou, Unanga ga'a 'O mulia.

1 Korintus 8:6

Mada'a ra ngene, Ma Jou'ongu Madutu pa'i matengo ḇato, Unanga ngene nanga Ḇaḇa, ga'a 'O sidadi ḏua 'ori i'a mo-moini re ngene wo 'ahu di'a Unanga. 'Age Ma Jou pa'i matengo ḇato, Unanga gena-ge Yesus Kristus. Ma Jou'ongu Madutu 'o pula'a kuasa ra Unanga gena-ge, la 'O sidadi 'ori i'a mo-moini re ngene ḏi'i wo 'ahu sababu Unanga gena-ge.

Kolose 1:16

sababu Ma Jou'ongu Madutu 'U 'utusu Unanga gena-ge 'o sidadi 'ori i'a mo-moini: bae toma soroga, bae toma dungia: bae 'ori i'a i'a ga'a wa oḏi'i, bae 'ori i'a i'a ga'a wa oḏi'i ua. So'o gena ḏi'i bae roh, bae mala'ekata ga'a 'i parenta rema kuasa. Mo-moini gena-ge Kristus 'a sidadi, la mo-moini gena-ge 'i simulia Unanga.

'Ibrani 11:3

Sababu nanga ngo-ngaku, ngene wa waro mangale dungia nena-ne Ma Jou'ongu Madutu 'o sidadi 'o pake 'Ai 'Idini ḇato. Dadi 'oru ga'a ngene wa oḏi'i, 'i dadi toma 'oru ga'a ngene wa oḏi'i ua.

1 Yohanes 3:1

Ngene mode-mode'e wo heranga ma duhu sa'olo Ma Jou'ongu Madutu na dadalara ngene: Ngene nena-ne, Unanga 'o si'aro'o 'Ai ngowa-ngowa'a! Re mode-mode'e ngene Ma Jou'ongu Madutu 'ai ngowa-ngowa'a! Ngowa'a ga'a ngaku Yesus ua 'aḏi mangaku ua ngene sa'olo Ma Jou'ongu Madutu 'ai ngowa-ngowa'a, sababu ananga gena-ge 'aḏi nana'o Ma Jou'ongu Madutu ua.