Yakobus 4:4 - Jaji ma Su-sungi

⁴ Ngini ni mete'e ua Ma Jou'ongu Madutu 'ai bererongo re 'Ai do-doto'o ma tero sa'olo we-were'a matengo rami nau'u mo ma'u pake re na-nau'u lelegu! Ngini ni waro bolo ua, na'o ngini ni mau mete'e dungia ma nyafusu ngini ni maḏagilomu reo dungia re ngini ni malawana ra Ma Jou'ongu Madutu ḏi'i! Sababu gena-ge, 'a guna ḇato 'o dadi dungia ma ḏagilomu, unanga gena-ge 'o dadi Ma Jou'ongu Madutu 'ai lawana.

Yakobus 4:4 Iomraidhean Croise

Matias 12:39

Yesus 'a sangoro, “Ngowa-ngowa'a 'orasa nange-ne ngowa'a ma jira ga'a oḏu'u ngaku Ngoi! Ngini ni golo'o Ngoi to 'a'a didina'o heranga, mada'a rimoi i'a mai ua To pula'a ra ngini, pa'i ḏuga-ḏuga ga'a 'age ra ngini ḏua, gena-ge didina'o heranga mangale nabi Yunus:

Matias 16:4

Ngowa-ngowa'a 'orasa nange-ne ngowa'a ma jira ga'a oḏu'u ngaku Ngoi! Ngini ni golo'o Ngoi to 'a'a didina'o heranga, mada'a rimoi i'a mai ua To pula'a ra ngini, pa'i ḏuga-ḏuga ga'a 'age ra ngini ḏua gena-ge didina'o heranga mangale nabi Yunus. Togumu i'a, Yesus 'o sisoi'i tala ananga gena-ge.”

Matias 6:24

“Sanga ua, matengo 'o de-de'oso ti-tiai tuanga nga muḏiḏi! Sababu unanga 'ai 'akala re sinyingara 'i kucela: Unanga 'o lebe dadalara tuanga matengo reo tuanga ma lelegu. Bolo unanga 'o mete'e lebe cufala tai tuanga matengo reo tuanga ma lelegu. So'o gena ḏi'i, sanga ua ngini ni lomu harata toma dungia nena-ne simete'e ni de-de'oso ti-tiai Ma Jou'ongu Madutu!

Lukas 19:27

Gasa ino so'o nena-ne ḏua ngoi 'ari lawana ga'a 'aḏi oḏu'u Ngoi to dadi ananga manga 'olana. Sisengene ananga mo-moini ra Ngoi 'ari biono.’ ”

Yohanes 15:19

Na'o ngini ni marimoi toma ngowa-ngowa'a ga'a toma dungia nena-ne, tantu ḏua ananga gena-ge 'aḏi dadalara ngini sa'olo manga ngowa-ngowa'a masiretene. Mada'a Ngoi reto cumutu ngini ḏua re siwola i'a tamanga sigolona. Sababu gena-ge, ananga gena-ge 'aḏi emono ngini.

Yohanes 17:14

Ngoi reta siajele ḏua ra ananga 'Ani demo-demo singadolo ngowa'a toma dungia nena-ne ya'u emono ananga, sababu ananga 'aḏi marimoi ua reo ngowa'a toma dungia nena-ne, ma tero Ngoi ḏi'i to marimoi ua reo ngowa'a toma dungia nena-ne.

Yohanes 7:7

sababu matengo i'a mai ua 'o emono ngini. Mada'a di'a Ngoi, ngowa'a toma dungia nena-ne raḏi emono Ngoi, sababu Ngoi to siajele ra ananga mangale manga ga'a 'i cira.

Roma 5:10

Sababu na'o wakutu ngene Ma Jou'ongu Madutu 'ai lawana, Unanga 'o sirimoi ngene ra Unanga sababu 'Ai Ngowa'a Nau'u 'ai se-sengene; tantu ḏua toma 'orasa nange-ne, wakutu ngene rewo marimoi ra Ma Jou'ongu Madutu, Kristus ḏuanga i'a 'o sisalamata ngene sababu Unanga dadunu 'o 'ahu moju!

Roma 8:7

Ngowa'a ga'a manga 'ahu mete'e manusia ma tabeata baraḏosa, ngowa'a gena-ge 'o lawana Ma Jou'ongu Madutu, sababu ngowa'a gena-ge 'aḏi ta'aloko ua ra Ma Jou'ongu Madutu 'ai hukumu. Ma nyonyata, ananga gena-ge nga'unu ua ya ta'aloko!

1 Korintus 1:20

Dadi, ma faeda 'oru toma ngowa'a pahe?! Ma faeda 'oru guru 'agama?! Ma faeda 'oru ngowa'a dungia tukanga ma'u lawana?! Mo-moini gena-ge ma faeda 'i cua! Sababu Ma Jou'ongu Madutu ro sijumu manusia manga 'akala soro'unu ma tero sa'olo manusia manga haga.

1 Korintus 1:21

Sababu manusia manga 'akala ma soro'unu, enanga sanga ua nana'o Ma Jou'ongu Madutu. Mada'a sababu Ma Jou'ongu Madutu 'ai 'akala ma soro'unu ma pari cua, Unanga gena-ge ro sitantukanga di'a 'O sisalamata ngowa'a ga'a raḏi ngaku 'Ai Habari Roanga. Habari Roanga gena-ge ngowa'a dungia 'aḏi ta'ajiri habari ma faeda 'i cua.

Galatia 1:10

Wakutu ngoi to kanau so'o gena, ngoi to disa lomanga ua, la ngowa'a ri sitoro. Re ḏi'i ngoi 'ari maksudu ua di'a ngoi to sisanangi manusia manga 'akala re sinyingara! Siḏibo ḏi'i, ngoi to mau Ma Jou'ongu Madutu 'o sitoro ngoi. Na'o ngoi to mau sisanangi manusia manga 'akala re sinyingara moju, ngoi to munara yoḏu'u di'a Kristus ma tero sa'olo 'Ai budaka.

Yakobus 1:27

Mada'a 'agama ma 'atoranga ga'a 'i banari re 'i ti-tiai ra Ma Jou'ongu Madutu 'ai momina nena-ne: Ni riono ngowa'a daga re ngowa'a balo ga'a manga 'ahu kangela, re ni jaga ninga diri masiretene, la awa ni mete'e dungia ma nyafusu ma jira.