Yakobus 4:2 - Jaji ma Su-sungi

² Ngini ni nyafusu 'ori i'a rimoi i'a mada'a ngini ni sanga yoḏu'u. Ḏua ngini ni madaga'a 'oru ḇato di'a ni sanga 'oru ga'a ni nyafusu singadolo ni mau sisengene ngowa'a. Dadi 'i baolo taninga 'akala re sinyingara ma dara ga'a 'i sihamu ngowa'a, singadolo ni ma'u rubutu re ma'u saturu. Mada'a ngini ni sanga ua 'ori i'a gena-ge, sababu ni golo'o ra Ma Jou'ongu Madutu ua.

Yakobus 4:2 Iomraidhean Croise

Yohanes 16:24

Singadolo 'orasa nange-ne ngini ni golo'o 'oru-'oru nyangu ni pake Ngoi 'ari lomanga. Mada'a ni golo'o ḇato re ḏuanga i'a ni sanga, la ngini ninga roanga 'i ti-tiai.”

Yohanes 4:10

Yesus 'a sangoro, “Na'o ngana na waro mangale Ma Jou'ongu Madutu 'ai bu-bula'a re Ngoi nena-ne 'a guna ga'a to golo'o ka'e ra ngana, tantu ḏua, ngana masiretene ḏuanga i'a no golo'o ka'e ḇanyo ra Ngoi, re Ngoi to pula'a ḇanyo 'ahu ra ngana.”

Yakobus 1:5

Mada'a, na'o 'age matengo taninga sigolona 'ai 'akala soro'unu enanga 'i kuranga mangale ma duhu sa'olo unanga 'o 'ahu na'o 'o sanga dola'aku re bo-baja, unanga gena-ge balasu 'o golo'o ra Ma Jou'ongu Madutu. Ḏua Ma Jou'ongu Madutu ḏuanga i'a 'o pula'a 'akala soro'unu ra guna ḇato Rai 'akala re sinyingara sa-sanangi kama kuḏubungu ua.

Yakobus 5:6

Ngini ga'a ni sihukumu re sisengene ngowa-ngowa'a kama sala ua ga'a 'aḏi lawana ngini ua!

1 Yohanes 3:15

Ngowa'a ga'a 'aḏi dadalara ua manga ioronongoḏu ngo-ngaku rimoi, ananga gena-ge ma tero sa'olo ngowa'a ga'a 'aḏi sisengene ngowa'a. Re ngini na waro ḏi'i mangale na'o matengo 'o sisengene ngowa'a, unanga gena-ge 'o sanga ua 'ahu kasingado-ngadolo i'a.