Yakobus 3:9 - Jaji ma Su-sungi

⁹ Ngene wa pake nanga yai'i di'a puji re silamo'o Ma Jou'ongu Madutu nanga Ḇaḇa, mada'a 'age ḏi'i ngene wa pake yai'i gena-ge di'a sosowini ngowa-ngowa'a ga'a Ma Jou'ongu Madutu 'o 'a'a manusia, mete'e 'Ai rupa re jamani.

Yakobus 3:9 Iomraidhean Croise

Matias 26:74

Ḏua, 'a Petrus mulaingi 'o masisasi re 'o kanau, “Ngoi to nana'o ngowa'a gena-ge ua!” Gena ḏua, namo 'i solene.

Matias 5:44

Mada'a Ngoi to siajele ra ngini nena-ne: Ngini balasu ni dadalara ninga lawana-lawana, re ni nyiata ḏi'i ngowa-ngowa'a ga'a 'aḏi sisikisa ngini sababu ni mete'e Ngoi.

Yesus 'ai so-soma'a 2:26

Sababu gena-ge, 'ari 'akala re sinyingara 'i maroanga, 'ari madanga 'i puji re silamo'o, re 'ari lese ḏuanga i'a 'i tegoro rema ngo-nganono toma kubu ma dara,

Roma 3:14

“Manga madanga ma dara 'i romanga reo kutuki re go-go'oro!”

1 Korintus 11:7

Na-nau'u paralu ua mapake sae'e ma jujuwurungu, sababu Ma Jou'ongu Madutu 'ai rupa re jamani re 'Ai kabasarana 'i waiti toma na-nau'u. Mada'a na-nau'u 'ai kabasarana 'i waiti toma we-were'a.

Efesus 1:3

Ngene wo puji re silamo'o Ma Jou'ongu Madutu, Unanga gena-ge nanga Jou Yesus Kristus 'ai Ḇaḇa. Unanga ro pula'a barakati mo-moini toma soroga ra ngene, sababu ngene rewo marimoi ra Kristus.

Yakobus 1:27

Mada'a 'agama ma 'atoranga ga'a 'i banari re 'i ti-tiai ra Ma Jou'ongu Madutu 'ai momina nena-ne: Ni riono ngowa'a daga re ngowa'a balo ga'a manga 'ahu kangela, re ni jaga ninga diri masiretene, la awa ni mete'e dungia ma nyafusu ma jira.

Yakobus 3:10

Toma madanga rimoi ḇato 'i supu demo ga'a sibarakati ngowa'a re 'i supu demo ga'a sosowini ngowa'a ḏi'i. 'Ari ioronongoḏu ngo-ngaku rimoi, ngene balasu 'a'a so'o gena awa.

1 Petrus 1:3

Ino ngene wo puji re silamo'o Ma Jou'ongu Madutu, Yesus Kristus nanga Jou 'ai Ḇaḇa. Sababu Unanga 'o sijumu 'Ai 'akala re sinyingara ma la-la ra ngene, singadolo 'O pula'a 'ahu su-sungi ra ngene. Gena-ge 'i nyengara, sababu Yesus Kristus ro sengene, mada'a dadunu 'o 'ahu moju. Sababu gena-ge nanga ngo-nganono 'i dadi de-de'e rimoi.