Yakobus 3:2 - Jaji ma Su-sungi

² Ngene mo-moini soi rai o'o i'a repe wo 'a'a ḏosa. Mada'a ngowa'a ga'a 'a'a ḏosa ua remanga demo re ganau, ananga gena-ge ngowa'a tiai, nga'unu 'aḏi kawasa lese rimoi mo-moini.

Yakobus 3:2 Iomraidhean Croise

Matias 12:34

Ngini, ngowa'a ma jira! Sanga ua ninga demo re ganau enanga 'i la-la, sababu ngini ni cira. Sababu 'oru ga'a 'i supu toma madanga, enanga gena-ge ma 'asala toma 'akala re sinyingara ma dara.

Matias 12:37

Sababu ninga demo re ganau masiretene Unanga ḏuanga i'a 'A pake di'a 'O sitantukanga ngini reninga sala bolo ua.”

Roma 3:10

Ma tero sa'olo 'i silefo ḏua toma Boku 'Ofi-'Ofi so'o ne: “Matengo ua 'o loasa re banari, matengo i'a mai ua!

Roma 7:21

Dadi ngoi to magoro ino mangale hukumu ḏosa enanga ri kuasa ngoi: Kalaha ngoi to nyafusu to 'a'a 'ori i'a ma la-la, ngoi ta 'a'a pa'i 'ori i'a ma jira ḇato!

1 Korintus 9:27

Ngoi ma tero sa'olo matengo 'o tutu'u 'ai diri, la 'ai lese 'i dadi ma tero sa'olo 'ai budaka. Ngoi to 'a'a so'o gena-ge, awa-awa nena-ne 'i dadi ra ngoi: Ngoi reto singadolo Habari Roanga toma ngowa-ngowa'a lelegu, ḏuanga i'a Ma Jou'ongu Madutu 'o siteru ua tari sae'e rema lastari saya-saya kama wa'alo ua nena-ne re si'a.

Galatia 3:22

Mada'a toma Boku 'Ofi-'Ofi ma dara 'i silefo mangale manusia mo-moini 'o ḏosa ya'u kuasa. Dadi manusia ya nga'unu ua 'aḏi mete'e Musa 'ai hukumu mo-moini. Sababu gena-ge, barakati ga'a Ma Jou'ongu Madutu 'o sijaji pasala ḏua di'a pula'a toma ngowa'a ga'a 'aḏi ngaku Yesus Kristus; pa'i ngowa'a ga'a 'aḏi ngaku Unanga gena-ge nyengara ya sanga.

Galatia 5:17

Sababu manusia manga nyafusu ma jira enanga 'i lawana Ma Ngagara 'Ofi-'Ofi ma nyafusu. Re so'o gena ḏi'i, Ma Ngagara 'Ofi-'Ofi ma nyafusu enanga 'i lawana manusia manga nyafusu. Fara ḏiḏi gena-ge enanga ma'u tolabe. Dadi sanga ua, ngini ni madaga'a tau-taunu 'ori i'a ma la-la, ga'a 'i mete'e ngini ninga mau.

Kolose 1:28

Kristus gena-ge ngomi mi singadolo ra guna ḇato. Ngomi mi si'elingi re mi doto'o ananga mo-moini reminga 'akala ma soro'unu. Ngomi minga maksudu di'a sigasa re sitalaḏi ngowa'a mo-moini ga'a raḏi marimoi ra Kristus, sa'olo ngowa'a ti-tiai ra Ma Jou'ongu Madutu.

Kolose 4:12

'Age rema ngowa'a matengo ḏi'i 'ai lomanga 'a Epafras, unanga ga'a ta Kristus Yesus ma tero sa'olo 'Ai budaka. Unanga ngowa'a Kolose re 'o siḏingoto 'ai tabea ra ngini. Unanga 'o manyiata tau-taunu rai 'akala re sinyingara mode-mode'e. Unanga 'o golo'o ra Ma Jou'ongu Madutu mangale ninga ngo-ngaku 'i te'oso ogo-ogoro kama elala ua, ma tero sa'olo ngowa'a raḏi ngimono tamanga ngo-ngaku. Re ḏi'i unanga 'o golo'o mangale ngini ni waro mode-mode'e 'oru ga'a Ma Jou'ongu Madutu 'ai 'akala ma mau.

'Ibrani 13:21

Dadi ngoi to golo'o ra Ma Jou'ongu Madutu ga'a 'O dame ma cimi ga'a 'O siti-tiai ngini reo 'ori i'a mo-moini ma la-la ga'a ngini paralu di'a na si'a'a Unanga 'ai 'akala ma mau. Ngoi ḏi'i to golo'o mangale sababu Yesus Kristus nanga lese to golona, Ma Jou'ongu Madutu 'o munara tananga 'akala re sinyingara 'oru ḇato 'i sisanangi Tai momina. Ino ngene wo puji re silamo'o Yesus Kristus kasingado-ngadolo i'a. 'Amin.

Yakobus 1:26

Na'o 'age rema ngowa'a matengo i'a ga'a 'o mabasono tala 'ai diri 'o cufala mete'e 'agama ma 'atoranga mada'a 'a jaga ua 'ai yai'i, ngowa'a gena-ge 'a sihaga 'ai diri masiretene re 'o cufala mete'e 'agama ma 'atoranga ma faeda 'i cua.

Yakobus 1:4

Na'o so'o gena, ngini ḏuanga i'a ni dadi ngowa'a ngaku Yesus ga'a manga ngo-ngaku enanga 'i la'ere re manga de'oso re ḏegoro 'i ma'u rapu ua: kama kuranga ua.

Yakobus 2:10

'A guna ḇato ya sito'u-to'u Ma Jou'ongu Madutu 'ai hukumu rimoi ḇato, gena-ge ma tero sa'olo ya sito'u-to'u 'Ai hukumu mo-moini.

1 Petrus 3:10

Sababu toma Boku 'Ofi-'Ofi 'i silefo so'o ne: “Na'o ngowa'a 'aḏi mau manga 'ahu lai rousu re sanangi, ngowa'a gena-ge balasu ya jaga manga 'uḏu, la 'aḏi kanau awa demo ma jira re 'aḏi matogumu sihaga ngowa'a.

1 Petrus 5:10

Ti'ara ua, ngini ni basono ma sangisara. Togumu i'a Ma Jou'ongu Madutu 'o sitiai ngini moju: Unanga gena-ge masiretene 'O site'e ninga ngo-ngaku, la ninga ngo-ngaku kama elala ua, mada'a ni nga'unu tahana toma 'oru ḇato. Unanga 'o 'a'a so'o gena-ge, sababu Unanga romanga mura re dadalara re Ro 'aro'o ngini di'a ni sanga balangu Tai kabasarana kama ḏo-ḏogumu ua, sababu ni marimoi ra Kristus.