Yakobus 2:5 - Jaji ma Su-sungi

⁵ 'Ari ioronongoḏu ngo-ngaku rimoi ga'a ngoi tini dadalara. 'Elingi, ngowa'a ma dinga'unu ua toma dungia, Ma Jou'ongu Madutu ya'u cumutu dadi ngowa'a rema-enanga toma ngo-ngaku ma dara. Ngowa'a gena-ge, ḏuanga i'a 'aḏi sanga bara'utungu ra Ma Jou'ongu Madutu 'ai Pareta ma tero sa'olo 'O sijaji pasala ḏua ra guna ḇato 'aḏi dadalara Unanga.

Yakobus 2:5 Iomraidhean Croise

Matias 11:5

Ngowa'a hafu 'aḏi oḏi'i, ngowa'a ḇolo 'aḏi tagi, ngowa'a si-siḏi 'eno'o 'aḏi la, ngowa'a popongolo 'aḏi 'isene, ngowa'a raḏi sengene, dadunu 'aḏi 'ahu moju, re Habari Roanga ra Ma Jou'ongu Madutu ino Ngoi ta singadolo toma ngowa-ngowa'a ma dinga'unu ua.

Matias 25:34

Togumu i'a, Ngoi 'Olana gena-ge, to kanau toma ngowa-ngowa'a Tari giama ma kuwiḏa, ‘Ino, ngini mo-moini ga'a 'Ari Ḇaḇa renu sibarakati. Ni osama toma Soroga ma Pareta ga'a Ngoi ta sidodahe ḏua di'a ngini wakutu dungia 'i dadi nyangu.

Matias 5:3

“Bara'utungu ngowa'a ga'a 'aḏi basono tala ananga ngowa'a ya'u sipake-pake ua ra Ma Jou'ongu Madutu 'ai momina, mada'a ananga manga ngo-nganono pa'i ra Ma Jou'ongu Madutu ḇato; sababu ananga gena-ge 'aḏi osama nyo-nyoimi toma Soroga ma Pareta.

Markus 7:14

Ḏua Yesus 'o 'aro'o ngowa'a repe gena-ge soi moi moju re 'O kanau ra ananga, “Ni 'isene la-la, la ni sahe!”

Lukas 12:21

So'o gena enanga ḏuanga i'a 'i dadi toma ngowa'a ga'a 'aḏi mau dadi ngowa'a rema-enanga toma dungia, mada'a 'aḏi disa ua dadi ngowa'a rema-enanga ra Ma Jou'ongu Madutu 'ai momina!”

Lukas 12:32

Ngini mojongo awa kalaha ni repe ua re ni te'e ua! Sababu Ma Jou'ongu Madutu 'o sanangi sidadi ngini Unanga 'ai ngowa-ngowa'a.

Lukas 16:22

Pasala i'a, ngowa'a ma dinga'unu ua gena-ge 'o sengene, kara mala'ekata 'aḏi gasa toma sayanga ma ngi'i ra Abraham 'ai gagoro toma soroga. Ngowa'a rema-enanga gena-ge 'o sengene ḏi'i re 'u palihara.

Lukas 16:25

Mada'a Abraham 'o sangoro, ‘ 'Ari ngowa'a, wakutu ngana no 'ahu moju ngana 'ani 'ahu enanga 'i pai-pai'i re 'ahu sanangi masala. Mada'a Lazarus unanga 'ai 'ahu enanga kangela. Toma 'orasa nena-ne unanga 'ai 'ahu enanga 'i sanangi re ngana 'ani 'ahu enanga 'i sangisara.

Lukas 22:29

Re ma tero sa'olo 'ari Ḇaḇa 'o pula'a kuasa ḏua ra Ngoi di'a to parenta, so'o gena ḏi'i Ngoi ḏuanga i'a to pula'a kuasa gena-ge ra ngini.

Lukas 6:20

Yesus 'o tatamo 'Ai me-mete'e re 'O kanau, “Bara'utungu ngini mo-moini ga'a ngowa'a ma dinga'unu ua. Sababu ngini ni osama nyo-nyoimi ra Ma Jou'ongu Madutu 'ai Pareta.

Yohanes 7:48

Matengo i'a mai ua tananga bi-biri'i bolo ngowa'a Farisi raḏi ngaku Unanga!

Yesus 'ai so-soma'a 7:2

Stefanus 'a sangoro, “Baba-baba re ngini ioronongoḏu ngowa'a Yahudi, tai'i ni 'isene ngoi! Nanga ete re dotumu 'a Abraham wakutu unanga 'o tegoro toma daeraha Mesopotamia moju, re 'o malage i'a nyangu toma limau Haran, Ma Jou'ongu Madutu rai mulia 'O sapolo ra unanga,

Roma 8:17

Re sababu ngene Unanga 'ai ngowa-ngowa'a, tantu ḏua ḏuanga i'a ngene wo sanga warisi ga'a Unanga 'o sidodahe di'a 'Ai ngowa-ngowa'a. Re ngene ḏuanga i'a sanga warisi gena-ge mamete'e ra Kristus. Sababu toma dungia nena-ne ngene wo sanga sikisa ma tero sa'olo Kristus, dadi ḏuanga i'a ngene wo sanga 'Ai mulia ma balangu ḏi'i.

1 Korintus 2:9

Siḏibo ḏi'i, gena-ge 'i dadi ma tero sa'olo silefo toma Boku 'Ofi-'Ofi ma dara: “ 'Oru ga'a manusia 'aḏi oḏi'i re ya 'isene nyangu re 'i osama toma manusia manga 'akala nyangu, gena-ge Ma Jou'ongu Madutu ra sidodahe di'a ngowa'a ga'a 'aḏi dadalara Unanga.”

2 Korintus 4:15

Minga sangisara mo-moini gena-ge di'a ngini, la lebe repe ngowa'a ya basono mura re dadalara ra Ma Jou'ongu Madutu. Ḏua ngowa'a ya sibere ie manga murasa ma la ra Ma Jou'ongu Madutu singadolo Unanga gena-ge 'o sanga puji re silamo'o.

2 Korintus 6:10

Kalaha ananga ya sikangela minga 'akala re sinyingara, ngomi reminga roanga! Ngowa'a 'aḏi ta'ajiri ngomi sa'olo ngowa'a ma dinga'unu ua, mada'a re mi si'a'a ngowa'a repe raḏi dadi ngowa'a rema-enanga sababu 'aḏi dawongo Habari Roanga. Ngowa'a 'aḏi oḏi'i ngomi kaminga 'ori i'a ua, mada'a 'ori i'a mo-moini ta ngomi, sababu Kristus.

2 Korintus 8:9

Ngoi to paralu ua di'a parenta ngini sababu ngini rena waro mode-mode'e nanga Jou Yesus Kristus 'o dadalara ngene. Unanga gena-ge ngowa'a rema-enanga toma soroga, 'O kama kuranga 'oru ua. Mada'a Unanga 'o sisoi'i tala gena-ge re 'O madadi ngowa'a ma dinga'unu ua toma dungia nena-ne di'a ngini ninga paralu. Dadi Yesus 'ai dinga'unu ua gena-ge sidadi ngini ngowa'a rema-enanga toma soroga.

Efesus 1:18

Dadi ngini ninga fikirana 'i dadi tarangi mangale barakati di'a ngini. Barakati gena-ge ga'a ninga ngo-nganono, sababu Unanga ro 'aro'o ngini. Re ngini balasu ni sahe mode-mode'e mangale Ma Jou'ongu Madutu 'ai barakati ma mulia Ra sidodahe di'a 'Ai 'umata.

Efesus 3:8

Pa'i ngoi ḇato kari ijana ua ra Ma Jou'ongu Madutu 'ai 'umata mo-moini. Mada'a sababu Ma Jou'ongu Madutu 'ai mura re dadalara Unanga 'a siwatasa munara ra ngoi di'a to singadolo toma ngowa-ngowa'a Yahudi ua mangale 'Ai barakati ga'a kama moini ua sababu 'a Kristus.

1 Tesalonika 2:12

Ngomi mi golo'o mode-mode'e re babata tau-taunu ngini di'a ni 'ahu mete'e Ma Jou Yesus 'ai do-doto'o, la ni sisanangi Ma Jou'ongu Madutu 'ai 'akala re sinyingara; sababu Unanga nu 'aro'o ngini ni dadi 'Ai ngowa-ngowa'a masiretene, ga'a Unanga ḏuanga i'a nu parenta rema kabasarana.

2 Tesalonika 1:5

Mo-moini gena-ge ḏuanga i'a 'i dadi bukiti rimoi mangale Ma Jou'ongu Madutu 'o sijuruhakimi ngowa'a mete'e 'adili re banari. Dadi Unanga 'a putusu tala ni patasa ni osama ra Unanga 'Ai pareta toma soroga, sababu ngini ni sanga sangisara, mada'a ni mete'e tau-taunu Ma Jou Yesus.

1 Timotius 6:18

No golo'o ra ananga, ananga balasu ya sijumu manga 'akala re sinyingara ma la-la, 'aḏi 'a'a ga'a ma la-la ḇato re tala'a ua.

2 Timotius 4:18

Tantu ḏua, Ma Jou'ongu Madutu ḏuanga i'a 'o silalo'o ngoi toma ngowa'a manga 'ulungu ma jira re Unanga ḏuanga i'a 'o gasa ngoi toma salamata Tai pareta ma dara toma soroga. Ino ngene wo silamo'o re siḏubuso Unanga re wo puji re silamo'o 'Ai lomanga kasingado-ngadolo i'a. 'Amin.

2 Timotius 4:8

'Orasa nange-ne, ngoi pa'i ta totoma ma ngogele ḇato ga'a Ma Jou'ongu Madutu ro gogono ḏua toma soroga di'a ngoi. Toma Kiamata ma Wangere, Ma Jou 'o dadi juruhakimi 'adili, ḏuanga i'a 'O sipula'a 'ari ngogele gena-ge, sababu ngoi 'ari 'ahu 'i mete'e Ma Jou'ongu Madutu 'ai 'akala ma mau. Pa'i ngoi ḇato ua mada'a ngowa'a mo-moini ga'a 'aḏi dadalara re 'aḏi totoma Ma Jou dadunu 'o sapolo moju.

'Ibrani 11:26

Kalaha ngowa'a 'u si'u'ua sababu 'ai ngo-ngaku ra Kristus, unanga 'o fikiri gena-ge ma ijana lebe lamo'o i'a reo unanga 'o sanga Mesir manga harata, sababu Musa pa'i tatamo 'ai ngogele toma biono i'a.

Yakobus 1:12

Bara'utungu ngowa'a ga'a manga ngo-ngaku elala ua na'o sanga bo-baja toma 'Iblisi. Sababu wakutu bo-baja ma 'orasa ri togumu, ḏuanga i'a ya sanga 'ahu kasingado-ngadolo i'a sa'olo ngogele rimoi ga'a Ma Jou'ongu Madutu 'o sijaji pasala ḏua di'a ngowa-ngowa'a ga'a 'aḏi dadalara Unanga.

Yakobus 1:16

'Ari ioronongoḏu ngo-ngaku rimoi ga'a ngoi tini dadalara, awa ngini ngowa'a nu'u sihaga:

Yakobus 1:19

'Ari ioronongoḏu ngo-ngaku rimoi ga'a ngoi tini dadalara! Totoho la-la ino ne: Matengo re matengo balasu na 'isene la-la si: Capati sangoro awa re capati ruta awa.

Yakobus 1:9

Ngini, ngowa'a ngaku Yesus ga'a ma dinga'unu ua, awa ninga 'akala re sinyingara ce-ceka'a. Siḏibo ḏi'i, ngini balasu ni maroanga, sababu Ma Jou'ongu Madutu sitede ngini sa'olo 'Ai ngowa-ngowa'a.

1 Petrus 1:4

Sababu ngene renanga ngo-nganono mode-mode'e, ngene wa waro mangale ngene ḏuanga i'a wo sanga warisi ga'a Ma Jou'ongu Madutu ra sidodahe di'a 'Ai 'umata toma soroga. Warisi gena-ge kama iranga ua, enanga 'i 'ofi-'ofi kama sorumu ua sababu warisi gena-ge ma ngi'i da'u toma soroga.

2 Petrus 1:11

Ḏua Ma Jou'ongu Madutu ḏuanga i'a 'o dawongo ngini rai hormati wakutu ni osama ra Ma Jou Yesus Kristus 'ai Pareta kasingado-ngadolo i'a, Unanga ga'a nanga Salamata ma Cimi.

Tingoýi 2:9

Ngoi ta waro ḏua ngini ninga 'ahu kangela. Ngoi ta waro ngini ngowa'a ma dinga'unu ua, mada'a ma banari ngini ngowa'a rema-enanga. Ngoi to waro 'age rema ngowa'a Yahudi 'aḏi jajaha demo ra ngini, ananga gena-ge mode-mode'e ua ngowa'a Yahudi tamanga 'akala re sinyingara, mada'a 'o 'Iblisi ma me-mete'e.

Tingoýi 21:7

'A guna ḇato 'ai ngo-ngaku kama elala ua singadolo 'o sengene, barakati mo-moini gena-ge ḏuanga i'a 'o sanga ra Ngoi. Ngoi to dadi Ma Jou'ongu Madutu ga'a unanga 'o silamo'o re siḏubuso re unanga 'o dadi 'Ari ngowa-ngowa'a.

Tingoýi 3:18

Sababu gena-ge, Ngoi to pula'a duga re domolo ra ngini: Ni tibo Ngoi 'ari guraci ga'a guraci madutu, la ni dadi ngowa'a rema-enanga. So'o gena-ge ḏi'i, ni tibo pakeanga buḏo ra Ngoi, la ni daku ninga mara'a. Re ngini ni tibo 'o sou'u di'a ni si'ese ninga la'o, la ni oḏi'i tarangi.