Yakobus 2:1 - Jaji ma Su-sungi

¹ 'Ari ioronongoḏu ngo-ngaku rimoi, sababu ngini rini ngaku ra Yesus Kristus nanga Jou, Unanga ga'a tegoro toma mulia ma pari cua, awa ngini na'u siwola-wola ngowa-ngowa'a mete'e pa'i manga rupa re jamani, la awa ni pa'ala kaci moi

Yakobus 2:1 Iomraidhean Croise

Matias 22:16

Dadi ananga 'aḏi soma'a manga me-mete'e nga muḏuo i'a, re 'Olana Herodes 'ai ngowa-ngowa'a nga muḏuo i'a, 'aḏi sapolo ra Yesus. Ananga 'aḏi kanau, “Guru, ngomi waro Jou ngowa'a loasa re banari, No doto'o sitaḇela'a i'a mangale Ma Jou'ongu Madutu 'ai 'akala ma mau toma manusia. Re Jou no mete'e ua 'a guna ḇato 'ai mau sababu No siwola-wola ngowa'a ua, mete'e manga rupa re jamani.

Yesus 'ai so-soma'a 10:34

Ḏua 'a Petrus 'o mulaingi kanau, “Nange-ne ngoi to waro mode-mode'e mangale Ma Jou'ongu Madutu 'o dadalara ngowa'a mo-moini ma tero.

Yesus 'ai so-soma'a 20:21

So'o gena ḏi'i bae toma ngowa'a Yahudi bae toma ngowa'a Yahudi ua, ngoi tini si'elingi taunu, ngini balasu ni maḏibo toma ngo'omo boloto ra Ma Jou'ongu Madutu re ni ngaku Ma Jou Yesus.

Yesus 'ai so-soma'a 24:24

Wangere muḏuo palisi'i i'a, Feliks re 'ai were'a ngo Drusila 'aḏi sapolo. Munanga ḏi'i ngowa'a Yahudi. Feliks 'o soma'a 'a Paulus 'o sapolo, la unanga 'a 'isene Paulus 'o siajele mangale 'ai ngo-ngaku ra Yesus Kristus.

Yesus 'ai so-soma'a 7:2

Stefanus 'a sangoro, “Baba-baba re ngini ioronongoḏu ngowa'a Yahudi, tai'i ni 'isene ngoi! Nanga ete re dotumu 'a Abraham wakutu unanga 'o tegoro toma daeraha Mesopotamia moju, re 'o malage i'a nyangu toma limau Haran, Ma Jou'ongu Madutu rai mulia 'O sapolo ra unanga,

Roma 1:11

Ngoi to nyanyaḏi masala di'a ma'u sanga ra ngini, la ngini ni sanga barakati toma Ngagara 'Ofi-'Ofi di'a site'e ngini ninga ngo-ngaku.

1 Korintus 2:8

Matengo i'a mai ua, toma ngowa'a ga'a remanga kuasa manga sigolona, ananga ya waro mangale 'akala soro'unu gena-ge. Sababu, na'o ananga ya waro, tantu ananga 'U salib ua nanga Jou, Unanga ga'a 'O mulia.

1 Timotius 1:19

no macako'o namo-namoto 'ani ngo-ngaku ga'a banari rani 'akala re sinyingara ma kanau 'i 'ofi-'ofi. 'Age rema ngowa'a 'aḏi madaga'a mete'e ua manga 'akala re sinyingara ma kanau singadolo manga ngo-ngaku 'i dadi cira.

1 Timotius 5:21

Ra Ma Jou'ongu Madutu, Kristus Yesus, re mala'ekata-mala'ekata ga'a cumutu ḏua ra ananga mo-moini manga momina, ngoi to golo'o mode-mode'e ra ngana: balasu no ḇangata jama'ata ma bi-biri'i gena-ge toma jama'ata manga biono; awa no ta'ajiri ngowa'a bolo no ḏubuso kaci moi.

Titus 1:1

'Ari ngowa'a 'a Titus, Ngoi Paulus, Yesus Kristus 'ai so-soma'a re ngoi ta Ma Jou'ongu Madutu ma tero sa'olo 'Ai budaka, to lefo surata ra ngana. Ngoi to sanga ju-jumutu di'a to riono Ma Jou'ongu Madutu 'ai 'umata ga'a Unanga 'o cumutu ḏua, la to site'e manga ngo-ngaku. Ngoi ḏi'i balasu ta'u sioḏi-oḏi'i ananga, la 'aḏi nana'o do-doto'o banari 'i mete'e Ma Jou'ongu Madutu 'ai 'akala ma mau, la manga 'ahu 'i dadi loasa re banari.

Titus 2:13

Ngene balasu wo 'ahu so'o gena, sababu wo totoma re wa ngano-nganono tau-taunu di'a ma 'orasa barakati enanga 'i ngadolo. Toma wangere gena-ge, ngowa'a mo-moini ḏuanga i'a 'aḏi oḏi'i Yesus Kristus, nanga Salamata ma Cimi Rai kabasarana, re Ma Jou'ongu Madutu ga'a 'Ai kuasa ma pari cua.

'Ibrani 1:3

'Ai Ngowa'a Nau'u gena-ge 'A sijumu Ma Jou'ongu Madutu 'ai kuasa re 'Ai kabasarana. Unanga gena-ge 'ai duhu re ngari mo-moini ma tero Ma Jou'ongu Madutu. Unanga 'a pake 'ai demo ma kuasa di'a 'O jaga re 'O parenta mo-moini. Unanga 'o sigofi ngowa'a manga ḏosa togumu i'a, kara 'O tegoro ra Ma Jou'ongu Madutu 'ai giama ma kuwiḏa i'a da'u toma soroga.

'Ibrani 12:2

Ino ngene wo tatamo tau-taunu pa'i ra Yesus ḇato. Sababu Unanga nena-ne 'o welanga salamata ma ngo'omo di'a ngene sababu 'Ai ngo-ngaku ra Ma Jou'ongu Madutu. Re ḏi'i sababu Unanga si'a'a nanga salamata 'i ti-tiai sababu nanga ngo-ngaku ra Unanga. Unanga 'o tahana wakutu sanga sangisara toma ngowa'a ga'a 'U salib. Re kalaha Unanga 'o sengene toma salib, gena-ge ga'a 'i sipula'a mara'a ngowa'a, Unanga 'a kalesanga ua sababu Unanga pa'i 'o 'elingi tau-taunu nena-ne: Togumu i'a 'O sanga roanga. Nange-ne Unanga 'o tegoro ra Ma Jou'ongu Madutu 'ai giama ma kuwiḏa, re 'O parenta mamete'e ra Unanga.

Yakobus 1:16

'Ari ioronongoḏu ngo-ngaku rimoi ga'a ngoi tini dadalara, awa ngini ngowa'a nu'u sihaga:

Yakobus 1:19

'Ari ioronongoḏu ngo-ngaku rimoi ga'a ngoi tini dadalara! Totoho la-la ino ne: Matengo re matengo balasu na 'isene la-la si: Capati sangoro awa re capati ruta awa.

Yakobus 2:3

Ḏua, ngini ni lebe silamo'o unanga ga'a 'o pake pakeanga rousu re ngini ni kanau ra unanga, “Tuanga, no tegoro 'ane toma kurusi ro-rousu.” Mada'a toma ngowa'a ma dinga'unu ua ngini ni kanau, “Made-de'oso da'a toma wala ma gagoro, bolo no tegoro 'ane toma tana'a co-cori 'ari rou.”

Yakobus 2:9

Mada'a na'o ngini ni siwola-wola ngowa'a mete'e pa'i manga rupa re jamani, ngini madiga'a ḏosa. Re mete'e Ma Jou'ongu Madutu 'ai Hukumu, ngini ni sito'u-to'u Unanga 'ai hukumu.

Yakobus 3:17

Siḏibo ḏi'i, ngowa'a ga'a 'ai 'akala soro'unu ma 'asala da'u ra Ma Jou'ongu Madutu tala, ma mulaingi 'ai 'ahu 'i 'ofi-'ofi, unanga gena-ge 'o nyanyaḏi dame, 'akala re sinyingara mereoso, nga'unu 'o dawongo ngowa'a lelegu manga 'akala ma sanga, re 'o sijumu 'ai 'akala re sinyingara ma la-la toma ngowa'a lelegu singadolo 'ai ga'a mo-moini rousu madutu. Re Unanga ḏi'i pa'ala kaci moi ua re 'ai demo re ganau 'i ma tero tai de'oso re ḏegoro

2 Petrus 1:1

Ngoi, Simon Petrus, Yesus Kristus 'ai so-soma'a re ngoi ta Unanga ma tero sa'olo 'Ai budaka. Ngoi to lefo surata nena-ne ra ngini ga'a ninga ngo-ngaku ra Yesus Kristus ma tero sa'olo ngomi minga ngo-ngaku. Yesus Kristus, Unanga Ma Jou'ongu Madutu re ḏi'i nanga Salamata ma Cimi. Unanga gena-ge 'O si'a'a ngene mo-moini wo ngaku Unanga re gena-ge 'i dadi sababu Unanga 'o 'adili.

Yudas 1:16

Ngowa-ngowa'a gena-ge pa'i tegoro magu-guḏubungu re sisala ngowa'a lelegu. Ananga gena-ge pa'i 'aḏi mete'e manga nyafusu ma jira masiretene ḇato, 'aḏi mahie manga diri re 'aḏi pake demo-demo ma mami di'a 'aḏi sanga ma 'utungu.

Tingoýi 14:12

Sababu gena-ge, Ma Jou'ongu Madutu 'ai ngowa-ngowa'a ga'a 'aḏi cufala mete'e Unanga 'ai parenta re 'aḏi macako'o namo-namoto ra Yesus, balasu 'aḏi tahana susa re sangisara reo 'akala ḇanyo.