Yakobus 1:2 - Jaji ma Su-sungi

² 'Ari ioronongoḏu ngo-ngaku rimoi, ngini balasu ni basono sa'olo roanga na'o ngini sanga dola'aku re bo-baja.

Yakobus 1:2 Iomraidhean Croise

Yesus 'ai so-soma'a 5:41

Yesus 'ai so-soma'a ya sisoi'i tala Mahkamah 'Agama remanga roanga, sababu Ma Jou'ongu Madutu ya'u cumutu ananga balasu 'aḏi sanga je-jengere toma ngowa-ngowa'a gena-ge sababu ananga 'aḏi doto'o ngowa-ngowa'a ra Yesus 'ai do-doto'o.

Roma 5:3

So'o gena-ge ḏi'i, ngene wo maroanga na'o wo sanga susa re sangisara, sababu ngene wa waro mangale susa re sangisara gena-ge 'i riono ngene di'a wo tahana renanga 'akala ḇanyo.

Filipi 1:29

Sababu Ma Jou'ongu Madutu ro sibarakati ngini, la ngini nga'unu ni ngaku Kristus, re ḏi'i Unanga ro cumutu ngini di'a ni basono sangisara sababu ni ngaku Unanga.

Filipi 2:17

Ngowa'a ḏa 'aḏi sisengene ngoi re 'ari ngaunu 'i dadi ma tero sa'olo 'anggur di'a jou-jou ra Ma Jou'ongu Madutu. 'Anggur di'a jou-jou gena-ge ga'a enanga ya siajala toma jou-jou haiwani ma re'u. Haiwani di'a jou-jou gena-ge ma tero sa'olo ninga munara di'a Ma Jou'ongu Madutu sababu ngini ninga ngo-ngaku. Na'o 'i dadi so'o gena, ngoi to sibere ie 'ari 'akala re sinyingara re to maroanga mamete'e ra ngini.

Filipi 2:18

So'o gena-ge ḏi'i, ngini balasu ni basono maroanga re ni monere ḏi'i mamete'e ra ngoi.

Kolose 1:24

Nange-ne, ngoi to sanangi to sanga sangisara di'a ngini ninga la. Sababu so'o gena-ge, ngoi ta sitotomo 'oru ga'a Kristus 'o siwatasa ra ngoi. Gena-ge ngoi balasu to sangisara di'a jama'ata manga la. Jama'ata gena-ge ma tero sa'olo Kristus 'ai lese.

'Ibrani 10:34

Sababu ngini reni basono sangisara re kangela ma'u mete'e ioronongoḏu ngo-ngaku rimoi toma bui. Re ḏi'i ngini ninga 'akala re sinyingara kangela ua wakutu ngowa'a ya ra-rabasa ngini ninga 'ori i'a rana. Ma nyonyata ngini ni maroanga, sababu ngini ni waro toma soroga 'age ngini ninga harata moju ga'a 'i kasingado-ngadolo i'a re lebe la-lamo'o reo harata ga'a ngowa'a ya ra-rabasa.

Yakobus 1:12

Bara'utungu ngowa'a ga'a manga ngo-ngaku elala ua na'o sanga bo-baja toma 'Iblisi. Sababu wakutu bo-baja ma 'orasa ri togumu, ḏuanga i'a ya sanga 'ahu kasingado-ngadolo i'a sa'olo ngogele rimoi ga'a Ma Jou'ongu Madutu 'o sijaji pasala ḏua di'a ngowa-ngowa'a ga'a 'aḏi dadalara Unanga.

Yakobus 1:16

'Ari ioronongoḏu ngo-ngaku rimoi ga'a ngoi tini dadalara, awa ngini ngowa'a nu'u sihaga:

Yakobus 1:19

'Ari ioronongoḏu ngo-ngaku rimoi ga'a ngoi tini dadalara! Totoho la-la ino ne: Matengo re matengo balasu na 'isene la-la si: Capati sangoro awa re capati ruta awa.

Yakobus 5:11

Mode-mode'e ngene wo waro ḏua bara'utungu 'a guna ḇato ga'a manga ngo-ngaku kama elala ua singadolo 'aḏi sengene. Ngini ni 'isene ḏua mangale Ayub 'o pake 'akala ḇanyo, re na waro ḏi'i Ma Jou'ongu Madutu togumu i'a 'o sibarakati Ayub, sababu Ma Jou'ongu Madutu 'ai 'akala re sinyingara 'i romanga reo dadalara re ḏi'i Unanga 'o sijumu 'Ai 'akala re sinyingara ma la-la.

2 Petrus 2:9

Dadi sababu Ma Jou'ongu Madutu 'o 'a'a mo-moini so'o gena-ge, Unanga 'a sijumu mangale Unanga nyengara 'o sisalamata ngowa'a loasa re banari wakutu ananga 'aḏi sanga sikisa. Re ḏi'i Unanga nyengara 'o sihukumu tau-taunu ngowa'a ma jira singadolo ma wangere 'i ngadolo wakutu Unanga 'o sijuruhakimi ngowa'a mo-moini.

Tingoýi 2:10

Ni mojongo awa, na'o ti'ara riwara ni sanga susa re sangisara. Ngoi to siajele ra ngini, mamuni'a ḏuanga i'a 'Iblisi singosama ngini toma bui di'a ni sanga tai'i. Re ngini gena-ge ḏuanga i'a sanga sikisa ma di'ara wangere nyagi moi. Mada'a ngini balasu ni macako'o namo-namoto ra Ngoi singadolo ni sengene, kara Ngoi to pula'a 'ahu kasingado-ngadolo i'a ra ngini sa'olo ngogele rimoi.