Yakobus 1:16 - Jaji ma Su-sungi

¹⁶ 'Ari ioronongoḏu ngo-ngaku rimoi ga'a ngoi tini dadalara, awa ngini ngowa'a nu'u sihaga:

Yakobus 1:16 Iomraidhean Croise

Matias 22:29

Yesus 'a sangoro, “Ngini ni rapu masala, sababu ni sahe ua do-doto'o toma Boku 'Ofi-'Ofi ma dara. Re so'o gena-ge ḏi'i, ni sahe ua Ma Jou'ongu Madutu 'ai kuasa.

Markus 12:24

Yesus 'a sangoro, “Ngini ni rapu masala. Sababu ngini ni sahe ua do-doto'o toma Boku 'Ofi-'Ofi ma dara. Re so'o gena-ge ḏi'i, ni sahe ua Ma Jou'ongu Madutu 'ai kuasa.

Markus 12:27

Ngowa'a sengene 'aḏi silamo'o re siḏubuso yoḏu'u Ma Jou'ongu Madutu, pa'i ngowa'a 'ahu-'ahu ḇato nyengara 'aḏi silamo'o re siḏubuso Unanga. Ngini rapu masala!”

Yesus 'ai so-soma'a 1:15

Toma wangere rimoi, 'age rema ngowa-ngowa'a ngaku Yesus 'aḏi malomu (ananga ḏa nga latu moi re nga nyagi romoḏiḏi). Toma 'orasa gena-ge, 'a Petrus 'o te'oso toma ngowa'a repe gena-ge manga sigolona re 'o kanau,

1 Korintus 6:9

Ngini ni waro bolo ua mangale ngowa-ngowa'a ga'a mete'e ua Ma Jou'ongu Madutu 'ai 'akala ma mau, ananga gena-ge 'aḏi sanga nyo-nyoimi ua ra Ma Jou'ongu Madutu 'ai ngowa-ngowa'a?! Awa ngowa'a nu'u sihaga ngini: Ngowa-ngowa'a ga'a 'aḏi sudala, 'aḏi silamo'o re siḏubuso jou'ongu ma somoara, 'aḏi tinikai, na-nau'u su-sudala, ma'u nakala na-nau'u re na-nau'u, ga'a gena-ge pa'i sipula'a mara'a na-nau'u ḇato,

Galatia 6:7

Ni ma'istiari! Awa ni sihaga ninga diri mangale ngini nga'unu ni sihaga Ma Jou'ongu Madutu: 'Oru ḇato ngowa'a 'aḏi maso'ana, ananga ya 'utu'u enanga ma sowo'o:

Filipi 2:12

Sababu gena-ge, ioronongoḏu ngo-ngaku rimoi ga'a ngoi tini dadalara re ga'a toma mulaingi ngini reni mete'e Ma Jou'ongu Madutu tau-taunu, ngoi to golo'o mangale ngini balasu ni makutale mode-mode'e di'a ni si'a'a ti-tiai reninga 'akala re sinyingara 'i boloto, 'oru ḇato ga'a 'i patasa di'a ngowa'a ga'a Ma Jou'ongu Madutu ro sisalamata ḏua. Awa ngini na si'a'a pa'i wakutu ngoi taninga sigolona ḇato; mada'a ma la-lamo'o i'a wakutu ngoi to kiḏanga ra ngini.

Filipi 4:1

Sababu gena-ge, 'ari ioronongoḏu ngo-ngaku rimoi ga'a ngoi tini dadalara re tini duka, ngini nena-ne ga'a 'ari roanga re si'a'a ngoi 'ari biono gau'u, ngini balasu ni macako'o namo-namoto ra Ma Jou re ni ngaku mode-mode'e Unanga tau-taunu.

Kolose 2:4

Ngoi to lefo so'o gena-ge, la ngini ni ngaku awa 'a guna ḇato 'o sapolo remanga demo-demo lai mami ra ngini, sababu ananga 'aḏi sa-sakala di'a sihaga ngini ḇato.

Kolose 2:8

Ngini balasu ni ma'istiari! Awa ngowa-ngowa'a nu'u sihaga re piri'u reo do-doto'o ga'a 'i sa-sakala, re ma faeda 'i cua. Do-doto'o gena-ge ma 'asala ra Kristus ua, mada'a toma manusia manga fikirana ino, re toma roh-roh ma jira ga'a 'i parenta dungia nena-ne.

2 Timotius 2:18

Ananga raḏi rapu ngo'omo re manga 'ahu 'i banari riwara. Ananga 'aḏi siruwahe ngowa'a ngaku Yesus manga ngo-ngaku, sababu 'aḏi sidoto'o sa-sakala mangale ngowa'a raḏi sengene ananga gena-ge dadunu raḏi 'ahu.

'Ibrani 13:1

Ngini balasu ni ma'u dadalara tau-taunu matengo re matengo sa'olo ioronongoḏu ngo-ngaku rimoi.

Yakobus 1:19

'Ari ioronongoḏu ngo-ngaku rimoi ga'a ngoi tini dadalara! Totoho la-la ino ne: Matengo re matengo balasu na 'isene la-la si: Capati sangoro awa re capati ruta awa.

Yakobus 1:2

'Ari ioronongoḏu ngo-ngaku rimoi, ngini balasu ni basono sa'olo roanga na'o ngini sanga dola'aku re bo-baja.

Yakobus 2:1

'Ari ioronongoḏu ngo-ngaku rimoi, sababu ngini rini ngaku ra Yesus Kristus nanga Jou, Unanga ga'a tegoro toma mulia ma pari cua, awa ngini na'u siwola-wola ngowa-ngowa'a mete'e pa'i manga rupa re jamani, la awa ni pa'ala kaci moi

Yakobus 2:14

'Ari ioronongoḏu ngo-ngaku rimoi, ma 'utungu 'oru na'o unanga 'o kanau, “Ngoi to ngaku Yesus Kristus ḏua,” mada'a 'a sijumu ua 'ai ngo-ngaku gena-ge tai de'oso re ḏegoro? Sanga ua, ngo-ngaku so'o gena-ge nyengara sisalamata unanga!

Yakobus 2:5

'Ari ioronongoḏu ngo-ngaku rimoi ga'a ngoi tini dadalara. 'Elingi, ngowa'a ma dinga'unu ua toma dungia, Ma Jou'ongu Madutu ya'u cumutu dadi ngowa'a rema-enanga toma ngo-ngaku ma dara. Ngowa'a gena-ge, ḏuanga i'a 'aḏi sanga bara'utungu ra Ma Jou'ongu Madutu 'ai Pareta ma tero sa'olo 'O sijaji pasala ḏua ra guna ḇato 'aḏi dadalara Unanga.

Yakobus 3:1

'Ari ioronongoḏu ngo-ngaku rimoi! Awa ngini repe ni mau dadi guru, sababu Ma Jou'ongu Madutu ḏuanga i'a 'o sijuruhakimi ngene guru-guru lebe tubuso re ngowa'a ma lelegu.

Yakobus 3:10

Toma madanga rimoi ḇato 'i supu demo ga'a sibarakati ngowa'a re 'i supu demo ga'a sosowini ngowa'a ḏi'i. 'Ari ioronongoḏu ngo-ngaku rimoi, ngene balasu 'a'a so'o gena awa.

Yakobus 4:11

Ioronongoḏu ngo-ngaku rimoi, awa ngini ni ma'u jajaha demo bolo ni ma'u sijuruhakimi matengo re matengo. Ngowa'a ga'a 'o 'a'a so'o gena-ge tai ioronongoḏu ngo-ngaku rimoi, unanga 'o mete'e ua Ma Jou'ongu Madutu 'ai hukumu, re 'o dadi juruhakimi masiretene ra Ma Jou'ongu Madutu 'ai hukumu.

Yakobus 5:12

Ma la-lamo'o ma re'u i'a ḏi'i nena-ne: Awa ngini ni masisasi: bae diwanga, bae tana'a bolo 'oru ḇato. Na'o ma maksudu tero mode'e siajele ḇato, “Tero mode'e.” Na'o ma maksudu rapu siajele ḇato, “Rapu”, la Ma Jou'ongu Madutu singeta'a hukumu awa ra ngini.

Yakobus 5:19

'Ari ioronongoḏu ngo-ngaku rimoi! Na'o matengo i'a taninga sigolona ro mete'e riwara Ma Jou'ongu Madutu 'ai do-doto'o re ngowa'a lelegu 'u gasa unanga gena-ge 'o maḏibo toma ngo'omo boloto,