Yakobus 1:10 - Jaji ma Su-sungi

¹⁰ Ngini, ngowa'a rema-enanga ga'a ngowa'a ngaku Yesus, ngini balasu ni maroanga ḏi'i, sababu Ma Jou'ongu Madutu 'o siholo ngini singadolo ngini reni ngaku ra Yesus. 'Elingi, ngini ga'a ngowa'a rema-enanga ḏuanga i'a ni iranga ma tero sa'olo rurubu ma saya.

Yakobus 1:10 Iomraidhean Croise

Matias 5:3

“Bara'utungu ngowa'a ga'a 'aḏi basono tala ananga ngowa'a ya'u sipake-pake ua ra Ma Jou'ongu Madutu 'ai momina, mada'a ananga manga ngo-nganono pa'i ra Ma Jou'ongu Madutu ḇato; sababu ananga gena-ge 'aḏi osama nyo-nyoimi toma Soroga ma Pareta.

Matias 6:30

Saya-saya toma goroa 'i konyo wangere nange-ne, re da-daini ngowa'a ya tau'u. Kalaha so'o gena-ge, Ma Jou'ongu Madutu 'a diai saya-saya gena-ge lai rousu masala. Dadi ma la-lamo'o i'a ḏi'i Unanga 'o diai ngini! Dadi i'a sa'olo ninga ngo-ngaku pa'i ceka'a ua ra Ma Jou'ongu Madutu?!

1 Korintus 7:31

Re ngowa'a ga'a fikiri mangale munara pa'i dungia nena-ne ḇato, awa 'aḏi pula'a manga ngo-nganono pa'i toma harata dungia nena-ne ḇato. Sababu dungia rema dara mo-moini nena-ne ti'ara riwara, enanga 'i iranga.

Filipi 3:8

Pa'i gena-ge ḇato ua, mada'a mo-moini ma tero sa'olo enanga gena-ge ga'a ngoi ta 'a'a ma siḏa, nange-ne ngoi ta site-tero enanga gena-ge ma faeda 'i cua ra ngoi. 'Oru ga'a 'age ra ngoi toma 'orasa nange-ne enanga ma ijana lai hali madutu, gena-ge mangale nana'o Kristus Yesus 'ari Jou. Sababu Kristus, ngoi ta sieanga mo-moini ga'a ma siḏa ngoi to site-tero 'i sigasa Ma Jou'ongu Madutu 'ai barakati ra ngoi. Mo-moini gena-ge ma tero sa'olo jeremoto, la ngoi nga'unu to dawongo Kristus,

1 Timotius 6:17

Ngana balasu no golo'o toma ngowa-ngowa'a rema-enanga toma dungia nena-ne, awa ananga 'aḏi momole re awa 'aḏi masinganono toma 'ori i'a 'i kakali ua ma tero sa'olo manga harata. Ananga balasu 'aḏi masinganono ra Ma Jou'ongu Madutu ga'a 'o pula'a 'oru ḇato ra ngene pai-pai'i di'a ngene nanga 'ahu.

Yakobus 4:14

'Oru ga'a 'i dadi taninga 'ahu da-daini bolo ḏiḏingi, ngini masiretene na waro ua. Ngini ma tero sa'olo loworo pa'i ngasamoi ḇato; na oḏi'i togumu i'a ri iranga.

1 Petrus 1:24

Toma Boku 'Ofi-'Ofi 'i silefo so'o ne: “Ngowa'a toma dungia mo-moini ma tero sa'olo rurubu re ngowa'a manga kabasarana mo-moini ma tero sa'olo saya-saya; Rurubu 'i wa'alo, ma saya-saya 'i matai turono.

1 Yohanes 2:17

Re sababu ḏi'i dungia re ma dara mo-moini ga'a manusia ya nyafusu, soi moi enanga 'i iranga. Mada'a ngowa'a ga'a 'aḏi mete'e Ma Jou'ongu Madutu 'ai 'akala ma mau, ananga 'aḏi sanga 'ahu kasingado-ngadolo i'a.