Yakobus 1:1 - Jaji ma Su-sungi

¹ 'Ari ioronongoḏu ngo-ngaku rimoi, suku Israel nga nyagi moi re nga muḏiḏi ga'a 'aḏi matai are toma dungia sitabi donga; Yakobus ga'a ta Ma Jou'ongu Madutu ma tero sa'olo 'Ai budaka re so'o gena ḏi'i ga'a ta Ma Jou Yesus Kristus ma tero sa'olo 'Ai budaka, ngoi to siḏingoto 'ari tabea ra ngini.

Yakobus 1:1 Iomraidhean Croise

Matias 10:3

Ḏua 'a Filipus re 'a Bartolomeus; 'a Tomas re 'a Matius golo-golo'o balastengi; 'a Yakobus Alfeus 'ai ngowa'a nau'u, re 'a Tadeus.

Matias 13:55

Unanga gena-ge 'Ai ḇaḇa pa'i 'o tukanga wala ḇato re 'Ai ngina ngo Maria, re 'Ai nongoḏu 'a Yakobus, 'a Yusuf, 'a Simon re 'a Yudas!

Matias 19:28

Yesus 'o kanau ra ananga, “Ni ngaku mode-mode'e 'Ari demo-demo nena-ne: Toma dungia su-sungi Ngoi, Manusia ma Ngowa'a Nau'u ḏuanga i'a To tegoro Tari ḏe-ḏegoro ga'a mulia. Re toma 'orasa gena-ge, ngini Ngoi 'ari me-mete'e, ni tegoro toma ḏe-ḏegoro nyagi moi re romoḏiḏi, re ni sijuruhakimi ngowa'a Israel suku nyagi moi re romoḏiḏi.

Markus 3:18

'a Yakobus, unanga 'a Alfeus 'ai ngowa'a, Andreas, Filipus, Bartolomeus, Matius, Tomas, Tadeus, Simon ('o dadalara masala nagara Israel) re 'a Yudas Iskariot, unanga gena-ge 'o sipula'a 'a Yesus toma 'Ai lawana.

Lukas 22:30

Dadi ngini ḏuanga i'a na basono roanga re monere re ni ka'e re ni oromo mamete'e ra Ngoi tari pareta ma dara. Ngini matengo re matengo ḏuanga i'a ni tegoro toma ḏe-ḏegoro nyagi moi re romoḏiḏi di'a ni parenta ngowa'a Israel suku nyagi moi re romoḏiḏi.”

Lukas 6:15

Matius re 'a Tomas, Yakobus, 'a Alfeus 'ai ngowa'a, re 'a Simon (ga'a 'o dadalara masala nagara Israel),

Yohanes 12:26

'A guna ḇato mau dadi 'Ari falalomu, ngowa'a gena-ge balasu 'o mete'e Ngoi, la 'Ari falalomu gena-ge 'o mamete'e ra Ngoi toma ngi'i le'a ḇato Ngoi to tagi. Re 'Ari Ḇaḇa 'o silamo'o falalomu gena-ge.”

Yohanes 7:35

Ḏua ngowa'a Yahudi manga bi-biri'i 'aḏi ma'u kanau matengo re matengo, “Unanga nena-ne 'o mau tagi le'a singadolo ngene sanga unanga ua? Ḏa Unanga mau 'o tagi toma ngowa'a Yahudi ga'a 'aḏi tegoro toma ngowa'a Yunani manga nagara, re 'o doto'o ngowa'a Yunani.

Yesus 'ai so-soma'a 1:13

Wakutu Yesus 'ai so-soma'a 'aḏi ngadolo ḏua toma limau Yerusalem, 'aḏi tagi toma wala ga'a ananga raḏi tuḏu taunu re 'aḏi pere toma kamara da'u re'u. Ananga gena-ge: 'a Petrus, Yohanes, Yakobus, Andreas, Filipus, Tomas, Bartolomeus, Matius, Yakobus ('a Alfeus 'ai ngowa'a), Simon ('o dadalara masala nagara Israel) re 'a Yudas (Yakobus 'ai ngowa'a).

Yesus 'ai so-soma'a 12:17

Petrus 'o pula'a po-poma rai giama, la ananga 'aḏi masiogoro. Gena ḏua, unanga 'a siajele ma duhu sa'olo Ma Jou'ongu Madutu 'u sisupu unanga toma bui. Ḏua 'o kanau, “Na siajele ra Yakobus re ngowa-ngowa'a ngaku Yesus ma lelegu ḏi'i.” Togumu i'a, Petrus 'o sisoi'i tala wala gena-ge re 'o tagi toma ngi'i lelegu.

Yesus 'ai so-soma'a 15:13

Ananga 'aḏi kanau togumu i'a, kara Yakobus 'o kanau ḏi'i, “Ioronongoḏu ngo-ngaku rimoi, na'o nyengara ni 'isene ngoi,

Yesus 'ai so-soma'a 15:21

Sababu, 'ua re 'au wali moju 'a Musa 'ai hukumu ya si'isene ḏua toma limau mo-moini, wakutu ananga 'aḏi malomu toma wala puji toma Sabata ma wangere ma jelele i'a.”

Yesus 'ai so-soma'a 15:23

Yesus 'ai so-soma'a re jama'ata ma bi-biri'i, 'aḏi siḏingoto surata bela moi ra ananga nga ḏuata ma betongo so'o ne: “Ngomi mi siḏingoto minga tabea toma ngowa-ngowa'a ngaku Yesus mo-moini, ga'a ngowa'a Yahudi ua toma bangsa ma lelegu ga'a ni tegoro toma limau Antiokhia, daeraha Siria re daeraha Kilikia. Ngomi nena-ne, Yesus 'ai so-soma'a re jama'ata ma bi-biri'i, re ninga ioronongoḏu ngo-ngaku rimoi.

Yesus 'ai so-soma'a 2:5

Toma 'orasa gena-ge, ngowa'a Yahudi manga repe ga'a 'aḏi tegoro toma dungia sitabi donga, 'aḏi sapolo malomu toma limau Yerusalem sababu Pentakosta ma Wangere. Ananga mo-moini gena-ge ngowa-ngowa'a ga'a 'aḏi 'ahu di'a sisanangi Ma Jou'ongu Madutu 'ai 'akala re sinyingara.

Yesus 'ai so-soma'a 21:18

Ma ḇiḇini ino, Paulus 'o tagi mamete'e ra ngomi di'a mi tutumu 'a Yakobus re jama'ata ma bi-biri'i ananga 'age mo-moini ḏi'i.

Yesus 'ai so-soma'a 23:26

“Ra gubernur Feliks ga'a ngomi mi silamo'o, tabea ra Klaudius Lisias ino.

Yesus 'ai so-soma'a 26:7

Jaji gena-ge 'i dadi ngo-nganono di'a g̱arana nyagi moi re romoḏiḏi toma bangsa Israel wakutu ananga 'aḏi de-de'oso Ma Jou'ongu Madutu lobi'i re wangere. 'Olana ga'a ngoi to silamo'o, jaji gena-ge ngoi ta ngaku mada'a ngowa'a Yahudi ri sisala ngoi.

Yesus 'ai so-soma'a 8:1

'A Saulus 'o 'akoru ḏi'i di'a ananga 'aḏi sisengene Stefanus. Toma wangere gena-ge ḏua, ananga 'aḏi kunu'i ngowa-ngowa'a ngaku Yesus toma limau Yerusalem, singadolo ananga 'aḏi wiḏi matai are toma daeraha Yudea re daeraha Samaria, mada'a Yesus 'ai so-soma'a 'aḏi wiḏi ua.

Roma 1:1

Surata nena-ne ra ngoi, Paulus ga'a ta Kristus Yesus ma tero sa'olo 'Ai budaka, ngoi ga'a Ma Jou'ongu Madutu ro cumutu re ro sitede siwola i'a ngoi sa'olo Yesus 'ai so-soma'a di'a to singadolo Habari Roanga da'u ra Ma Jou'ongu Madutu tala.

Galatia 1:19

Ngoi pa'i to ma'u sanga 'a Yakobus, Ma Jou Yesus 'ai nongoḏu; Yesus 'ai so-soma'a ma lelegu to ma'u sanga ua.

Galatia 2:12

Ma mulaingi, unanga 'o tegoro oromo mamete'e reo ioronongoḏu ngo-ngaku rimoi ga'a ngowa'a Yahudi ua. Mada'a togumu i'a 'a Yakobus 'ai ḏagilomu 'aḏi sapolo, Petrus 'o maki-kiḏanga toma ioronongoḏu ngo-ngaku rimoi ga'a ngowa'a Yahudi ua re ro oḏu'u oromo mamete'e ra ananga. Unanga 'o mojongo Yakobus 'ai ḏagilomu, ga'a 'aḏi mau ngowa'a mo-moini 'aḏi sanga suna.

Galatia 2:9

Yakobus, Petrus re Yohanes, ananga gena-ge ga'a 'aḏi dadi jama'ata manga bi-biri'i 'aḏi ngaku mangale Ma Jou'ongu Madutu ro pula'a ra ngoi munara gena-ge. Dadi ananga 'aḏi ma'u cako'o giama ra Barnabas re ngoi, sa'olo nana'o rimoi mangale gia ḏagilomu munara. Ngomi mo-moini mi mafakati ma tero: Ngomi mi munara toma ngowa'a Yahudi ua, ananga 'aḏi munara toma ngowa'a Yahudi.

Filipi 1:1

Surata ne ra ngoi Paulus, re Timotius ḏi'i, ngomi ga'a ta Kristus Yesus ma tero sa'olo 'Ai budaka. Ngomi mi siḏingoto surata nena-ne ra ngini ioronongoḏu ngo-ngaku rimoi mo-moini ga'a ni tegoro toma limau Filipi re reni marimoi ra Kristus Yesus, sidogo ḏi'i ioronongoḏu ngo-ngaku rimoi ga'a jama'ata ma bi-biri'i re jama'ata ma ri-riono:

2 Timotius 4:21

Ngana no makutale mode-mode'e no disa ngo'omo, la no sapolo caiti ra ngoi wakutu 'orasa 'alo-'alo enanga ngadolo nyangu. 'A Ebulus, 'a Pudes, 'a Linus, ngo Klaudia re ioronongoḏu ngo-ngaku rimoi mo-moini, ananga 'aḏi siḏingoto manga tabea ra ngana.

Titus 1:1

'Ari ngowa'a 'a Titus, Ngoi Paulus, Yesus Kristus 'ai so-soma'a re ngoi ta Ma Jou'ongu Madutu ma tero sa'olo 'Ai budaka, to lefo surata ra ngana. Ngoi to sanga ju-jumutu di'a to riono Ma Jou'ongu Madutu 'ai 'umata ga'a Unanga 'o cumutu ḏua, la to site'e manga ngo-ngaku. Ngoi ḏi'i balasu ta'u sioḏi-oḏi'i ananga, la 'aḏi nana'o do-doto'o banari 'i mete'e Ma Jou'ongu Madutu 'ai 'akala ma mau, la manga 'ahu 'i dadi loasa re banari.

1 Petrus 1:1

Surata nena-ne ma 'asala ra ngoi 'a Petrus, 'a Yesus Kristus 'ai so-soma'a. Ioronongoḏu ngo-ngaku rimoi, ngini Ma Jou'ongu Madutu 'ai 'umata ga'a ni matai are re ni tegoro ma tero sa'olo ngowa-ngowa'a tagi-tagi ino toma daeraha Pontus, Galatia, Kapadokia, Asia re Bitinia. Ma Jou'ongu Madutu, nanga Ḇaḇa, 'o cumutu ngini ni dadi 'ai 'umata mete'e Unanga 'ai mau. Unanga 'o pake 'ai Ngagara 'Ofi-'Ofi di'a siwola i'a ngini ni dadi 'Ai 'umata, la ni mete'e mode-mode'e Ma Jou Yesus Kristus ga'a 'Ai ngaunu 'i si'ofi ngini. Ngoi to golo'o Ma Jou'ongu Madutu 'o pula'a mura re dadalara re pula'a ḏi'i dame lamo-lamo'o ra ngini.

2 Petrus 1:1

Ngoi, Simon Petrus, Yesus Kristus 'ai so-soma'a re ngoi ta Unanga ma tero sa'olo 'Ai budaka. Ngoi to lefo surata nena-ne ra ngini ga'a ninga ngo-ngaku ra Yesus Kristus ma tero sa'olo ngomi minga ngo-ngaku. Yesus Kristus, Unanga Ma Jou'ongu Madutu re ḏi'i nanga Salamata ma Cimi. Unanga gena-ge 'O si'a'a ngene mo-moini wo ngaku Unanga re gena-ge 'i dadi sababu Unanga 'o 'adili.

Yudas 1:1

Ioronongoḏu ngo-ngaku rimoi ngini ga'a sanga 'aro'o ḏua di'a ni dadi Ma Jou'ongu Madutu 'ai ngowa-ngowa'a. Ngini ga'a Ma Jou'ongu Madutu nu dadalara re nu kadiarata singadolo Yesus Kristus dadunu 'o sapolo moju. Ngoi, 'a Yudas ga'a ta Yesus Kristus ma tero sa'olo 'Ai budaka, re gia nongoḏu ra Yakobus,

Tingoýi 7:4

Ḏua ngoi, ngowa'a ri siajele mangale ngowa'a repe: nga cala latu moi re cala nyagi rata re cala rata (144,000), ananga gena-ge 'aḏi sanga nana'o segele tamanga memese ra Ma Jou'ongu Madutu ino re manga 'asala toma bangsa Israel suku nyagi moi re romoḏiḏi.