Biblia Todo Logo
Bìoball air-loidhne

- Sanasan -




Tingoýi 7:3 - Jaji ma Su-sungi

3 re 'o kanau, “Sijira awa tana'a ma re'u bolo ngoloto, bolo ate-ate singadolo ngomi mi pula'a nana'o segele toma ngowa'a manga memese, ananga gena-ge ga'a ta Ma Jou'ongu Madutu ma tero sa'olo 'Ai budaka-budaka, Unanga gena-ge ga'a nanga Jou'ongu Madutu.”

Faic an caibideil Dèan lethbhreac




Tingoýi 7:3
31 Iomraidhean Croise  

Na'o Ma Jou'ongu Madutu 'a siḇoko'o ua ma 'orasa gena-ge, marai matengo i'a mai ua nga'unu wo 'ahu moju. Mada'a Unanga 'a siḇoko'o ma 'orasa gena-ge sababu Unanga 'o dadalara 'ai ngowa-ngowa'a ga'a Unanga ro cumutu.”


Gena ḏua, ngowa-ngowa'a 'aḏi isene terompet ma iḏingi lai siḏi. Ḏua Ngoi, Manusia ma Ngowa'a Nau'u, To soma'a 'Ari mala'ekata-mala'ekata 'aḏi lomu 'Ari 'umata ga'a Ma Jou'ongu Madutu ya'u cumutu ḏua toma dungia ḇuḇuku rata, toma diwanga ma didiki singadolo toma diwanga ma didiki.”


'A guna ḇato mau dadi 'Ari falalomu, ngowa'a gena-ge balasu 'o mete'e Ngoi, la 'Ari falalomu gena-ge 'o mamete'e ra Ngoi toma ngi'i le'a ḇato Ngoi to tagi. Re 'Ari Ḇaḇa 'o silamo'o falalomu gena-ge.”


Mada'a 'a guna ḇato ga'a 'a dawongo Unanga 'ai sakisi, ananga 'aḏi 'akoru mangale Ma Jou'ongu Madutu 'ai demo-demo 'i banari.


Mada'a nange-ne, Ma Jou'ongu Madutu ro sibebasa ngini toma ḏosa ma kuasa, re ni dadi Ma Jou'ongu Madutu 'ai budaka. Dadi ma 'utungu so'o ne: Ngini ni 'ahu marimoi ra Ma Jou'ongu Madutu, re ma ḏo-ḏogumu tala sanga 'ahu kasingado-ngadolo i'a.


Ngowa'a mo-moini: ngowa'a lamo'o re ngowa'a mapake ua, ngowa'a rema-enanga re ngowa'a ma dinga'unu ua, budaka re bebasa, haiwani ma nyo-nyoimi romoḏiḏi ya simau-mau di'a sigare nana'o tamanga giama ma kuwiḏa bolo tamanga memese.


Na'o ngowa'a 'aḏi sanga nana'o gena-ge ua, ananga 'aḏi simaha ua di'a wu'unu bolo 'aḏi tibo 'ori i'a i'a. Nana'o gena-ge haiwani ma mulaingi ma lomanga bolo nyo-nyoimi ma ngale haiwani ma mulaingi ma lomanga gena-ge.


Gena ḏua, ngoi to oḏi'i Doba ma Ngowa 'o made-de'oso toma Kie Sion. Ngowa'a nga cala latu moi re cala nyagi rata re cala rata (144,000) 'aḏi mamete'e ra Unanga. Tamanga memese matengo re matengo gena-ge 'i silefo Doba ma Ngowa ma lomanga re ma Ḇaḇa 'ai lomanga ḏi'i.


Mala'ekata ma nyo-nyoimi ro'ange 'o sidu'u mala'ekata ma nyo-nyoimi romoḏiḏi nange-ge re 'o kanau rai iḏingi siduga-duga, “ 'A guna ḇato silamo'o re siḏubuso haiwani re dulada haiwani gena-ge, re sanga ḏua nana'o tamanga memese, bolo tamanga giama ma kuwiḏa,


sababu Unanga 'ai hukumu 'i 'adili re banari. Unanga 'a singe-ngeta'a 'Ai hukumu toma limau Babel ga'a ma tero sa'olo we-were'a su-sudala, munanga ga'a mo su-sudala sigasa dungia 'i dadi cira. Ma Jou'ongu Madutu 'o sihukumu ngowa'a ga'a tegoro toma limau Babel gena-ge, sababu ananga gena-ge 'aḏi sisengene ananga ga'a ta Unanga ma tero sa'olo 'Ai budaka-budaka.”


Gena ḏua, ngoi to oḏi'i ngowa-ngowa'a manga nyawa-nyawa, ananga gena-ge ga'a manga camala ngowa'a ya tola'a ḏua, sababu 'aḏi singadolo habari mangale Yesus re 'aḏi mete'e Ma Jou'ongu Madutu 'ai demo. Re ḏi'i sababu ngowa-ngowa'a gena-ge 'aḏi oḏu'u silamo'o re siḏubuso haiwani re dulada haiwani. Ananga gena-ge ḏi'i 'aḏi sanga ua nana'o haiwani tamanga memese bolo tamanga giama. Dadi ananga dadunu 'aḏi 'ahu moju re 'aḏi tegoro toma ḏe-ḏegoro—ḏe-ḏegoro re 'aḏi parenta sa'olo 'olana mamete'e ra Kristus ma di'ara musungu cala moi


re ya oḏi'i Unanga 'ai biono masiretene re 'Ai lomanga 'i silefo tamanga memese.


Re ngoi to 'isene ma tero sa'olo iḏingi toma makhluk rata enanga ma sigolona. Iḏingi gena-ge ma betongo so'o ne: “Gandum ma la-la, ma ijana liter rimoi lai hali ma tero ngowa'a matengo 'ai gaji di'a munara wange moi. Re gandum ma rousu ua, ma ijana liter ro'ange hali ḏi'i ma tero ngowa'a matengo 'ai gaji di'a munara wange moi. Mada'a sijira awa ate-ate zaitun re guḏa 'anggur!”


Pasala i'a, ngoi to oḏi'i mala'ekata nga ḏuata 'aḏi made-de'oso toma tana'a ḇuḇuku rata, ananga 'aḏi sitogumu karawiana, la karawiana enanga 'i wusu awa bae toma tana'a ma re'u, bae toma ngoloto bolo toma ate-ate.


Ḏua, ngoi to oḏi'i mala'ekata ma lelegu 'o sapolo da'a kore mie ino, unanga 'o gasa segele ra Ma Jou'ongu Madutu ino, Unanga ga'a 'ahu-'ahu. Mala'ekata gena-ge 'o 'aro'o 'a siduga-duga mala'ekata nga ḏuata nange-ge ga'a sanga kuasa ḏua ra Ma Jou'ongu Madutu di'a sijira tana'a ma re'u re ngoloto,


Sasaba gena-ge simaha ua 'i sijira ate re rurubu bolo joro-joro. Enanga gena-ge pa'i sisikisa ngowa'a ga'a tamanga memese kama segele ua ra Ma Jou'ongu Madutu ino.


Lean sinn:

Sanasan


Sanasan