Tingoýi 1:4 - Jaji ma Su-sungi

⁴ Ioronongoḏu ngo-ngaku rimoi toma jama'ata tumudingi toma daeraha Asia ma ngowa! Ngoi, Yohanes to golo'o ra Ma Jou'ongu Madutu mangale Unanga 'o pula'a 'Ai mura re dadalara re ḏi'i 'Ai dame ra ngini. Unanga ga'a 'age ḏua toma 'ua re 'au wali moju, nange-ne re kasingado-ngadolo i'a. Sidogo ḏi'i ngoi to golo'o toma Roh tumudingi re Yesus Kristus mangale, Ananga gena-ge 'aḏi pula'a mura re dadalara re dame ra ngini. Roh gena-ge da'u ra Ma Jou'ongu Madutu tala 'ai ḏe-ḏegoro ma biono.

Tingoýi 1:4 Iomraidhean Croise

'Ibrani 13:8

Yesus Kristus kama ngali ua: bae 'au wali, bae 'orasa nange-ne bolo kasingado-ngadolo i'a.

Yohanes 1:1

'Ua re 'au wali wakutu dungia 'i dadi nyangu, 'Idini rema enanga ḏua. 'Idini gena-ge 'i mamete'e ra Ma Jou'ongu Madutu, re 'Idini gena-ge ḏi'i Ma Jou'ongu Madutu.

Tingoýi 5:6

Gena ḏua, ngoi to oḏi'i Doba ma Ngowa rimoi 'i te'oso co-cori ra ma 'Olana 'ai ḏe-ḏegoro ma gagoro, makhluk rata re bi-biri'i—bi-biri'i mo-moini ananga gena-ge ya sigoloḏi Enanga. Doba ma Ngowa gena-ge 'age ma ḇokeke ga'a 'i sijumu ngowa'a ya tola'a ḏua. Enanga ma tadu'u ngai tumudingi re ma la'o ngai tumudingi ḏi'i. Ma la'o ngai tumudingi gena-ge ma ngale Ma Jou'ongu Madutu 'ai Roh tumudingi, ga'a Unanga 'a 'utusu ḏua toma dungia sitabi donga.

Tingoýi 4:5

Ra ma 'Olana 'ai ḏe-ḏegoro rimoi gena-ge 'i pelete'e ḇeḇelanga rema lalaki rema murasa ma rurusu. Ra Ma 'Olana 'ai ḏe-ḏegoro rimoi gena-ge ma biono 'age rema 'oboro ngai tumudingi 'i leja-lejanga. 'Oboro gena-ge ma ngale Ma Jou'ongu Madutu 'ai Roh ngai tumudingi.

Tingoýi 1:8

Ma Jou ga'a Ma Jou'ongu Madutu 'o kanau, “Ngoi nena-ne 'Alfa re 'Omega. Ngoi nena-ne ga'a 'age ḏua toma 'ua re 'au wali moju, nange-ne re kasingado-ngadolo i'a, Ngoi nena-ne Unanga ga'a 'Ari kuasa ma pari cua.”

Tingoýi 3:1

Yesus gena-ge 'o kanau ra ngoi ḏi'i, “Toma jama'ata Sardis ma mala'ekata, na lefo so'o ne: Nena-ne habari ra Ngoi ga'a to parenta Ma Jou'ongu Madutu 'ai Roh tumudingi re to gu'u mumuḏungu ngai tumudingi Tari giama ma kuwiḏa. Ngoi ta waro mangale ninga de'oso re ḏegoro: Ngowa'a 'aḏi aje, ngini ni 'ahu-'ahu. Mada'a, mete'e ngoi, ngini rini sengene!

Yakobus 1:17

Bu-bula'a ma la-la bolo ti-tiai mo-moini, gena-ge ma 'asala toma soroga ino 'i 'uci da'u ra Ma Jou'ongu Madutu tala. 'Ori i'a ga'a ta-tarangi toma diwanga gena-ge Ma Jou'ongu Madutu 'ai do-dadi. 'Ori i'a ta-tarangi gena-ge 'i ngali tau-taunu, mada'a Ma Jou'ongu Madutu kama ngali-ngali ua. Unanga gena-ge sou moi nyangu 'o pula'a bu-bula'a ma jira.

Tingoýi 4:8

Makhluk rata gena-ge, rimoi re rimoi ma kalatu'u rarama, ma lese 'i romanga reo la'o sidogo toma kalatu'u ma re'u re 'aḏu. Lobi'i re wangere makhluk gena-ge 'i kanau kama togu-togumu ua, ma betongo so'o ne: “ 'Ofi-'Ofi, 'Ofi-'Ofi, 'Ofi-'Ofi Ma Jou ga'a Ma Jou'ongu Madutu, Unanga ga'a 'Ai kuasa ma pari cua; Unanga nena-ne ga'a 'age ḏua toma 'ua re 'au wali moju, nange-ne re kasingado-ngadolo i'a.”

Tingoýi 3:7

Yesus gena-ge 'o kanau ra ngoi ḏi'i, “Toma jama'ata Filadelfia ma mala'ekata, na lefo so'o ne: Nena-ne habari ra Ngoi ga'a 'Ofi-'Ofi re 'O Banari, re 'Olana Daud 'ai pareta ma kuci ma gu-gu'u. Dadi na'o Ngoi ta welanga, matengo i'a mai ua nga'unu ya kuci. Re na'o Ngoi ta kuci, matengo i'a mai ua nga'unu ya welanga.

Roma 1:7

Toma ioronongoḏu ngo-ngaku rimoi mo-moini toma limau Roma, ga'a Ma Jou'ongu Madutu 'o dadalara, re ro 'aro'o ngini di'a ni dadi Unanga 'ai 'umata; ngoi to golo'o ra Ma Jou'ongu Madutu ngene nanga Baba, re Yesus Kristus nanga Jou mangale Ananga 'aḏi pula'a manga mura re dadalara, re dame ra ngini.

Tingoýi 2:8

Yesus gena-ge 'o kanau ra ngoi ḏi'i, “Toma jama'ata Smirna ma mala'ekata, na lefo so'o ne: Nena-ne habari ra Ngoi nena-ne, Ma Mulaingi re Ma Ḏo-Ḏogumu, Ngoi ga'a reto sengene mada'a dadunu To 'ahu moju.

Tingoýi 1:20

Nange-ge ngana na sahe nyangu ma rahasia mangale mumuḏungu ngai tumudingi na oḏi'i Tari giama ma kuwiḏa re poci ma ngi'i ngai tumudingi si'a'a reo guraci. Dadi nena-ne Ngoi ta sitarangi mangale gena-ge: Mumuḏungu ngai tumudingi gena-ge ma ngale jama'ata tumudingi manga mala'ekata, re poci ma ngi'i ngai tumudingi si'a'a reo guraci gena-ge ma ngale jama'ata tumudingi.”

Tingoýi 1:11

Ma iḏingi gena-ge ma betongo so'o ne: “ 'Oru ḇato ngana no oḏi'i, na lefo kara na siḏingoto toma jama'ata tumudingi toma limau nena-ne: Efesus, Smirna, Pergamus, Tiatira, Sardis, Filadelfia, re Laodikia.”

2 Korintus 1:2

Ngoi re 'a Timotius, ngomi mi manyiata ra Ma Jou'ongu Madutu nanga Ḇaḇa, re Yesus Kristus nanga Jou, la 'O pula'a dame re pula'a ḏi'i mura re dadalara ra ngini.

1 Korintus 1:3

Ngoi re Sostenes, ngomi mi manyiata ra Ma Jou'ongu Madutu nanga Ḇaḇa, re Yesus Kristus nanga Jou, la 'Aḏi pula'a dame re 'Aḏi pula'a ḏi'i mura re dadalara ra ngini.

Tingoýi 3:14

Yesus gena-ge 'o kanau ra ngoi ḏi'i, “Toma jama'ata Laodikia ma mala'ekata, na lefo so'o ne: Nena-ne habari ra Ngoi ga'a si'aro'o 'a 'Amin. Ngoi gena-ge Sakisi ma cufala ga'a Ta sijumu tau-taunu 'ori i'a ba-banari ra Ma Jou'ongu Madutu ino, re Ngoi Unanga 'Ai do-dadi ma cimi.

Tingoýi 2:18

Yesus gena-ge 'o kanau ra ngoi ḏi'i, “Toma jama'ata Tiatira ma mala'ekata, na lefo so'o ne: Nena-ne habari ra Ngoi, Ma Jou'ongu Madutu 'ai Ngowa'a Nau'u, ga'a 'Ari la'o 'i leja-lejanga sa'olo u'u, 'Ari rou 'i ciḏo-ciḏoto ma tero sa'olo tau'u tamḇaga kara ya 'ese singadolo ma ja-jamanga 'i supu.

Tingoýi 2:12

Yesus gena-ge 'o kanau ra ngoi ḏi'i, “Toma jama'ata Pergamus ma mala'ekata, na lefo so'o ne: Nena-ne habari ra Ngoi ga'a to gu'u samaranga mangono rimoi ma doto romoḏiḏi.

Tingoýi 1:1

Boku nena-ne 'i silefo mangale Yesus Kristus 'o siajele mangale 'oru ga'a tantu ḏua ḏuanga i'a 'i dadi ti'ara riwara. Ma Jou'ongu Madutu 'a siajele ra Kristus so'o gena-ge, la Unanga 'o sijumu toma ngowa-ngowa'a ga'a ta Ma Jou'ongu Madutu ma tero sa'olo 'Ai budaka-budaka, mangale 'ori i'a i'a ḏuanga i'a 'i dadi. Yesus Kristus 'o cumutu 'Ai mala'ekata sapolo di'a siajele mangale gena-ge ra ngoi, Yohanes ga'a ta Ma Jou'ongu Madutu ma tero sa'olo 'Ai budaka.

Yesus 'ai so-soma'a 19:10

'A Paulus 'a si'a'a so'o gena-ge tau-taunu, ma di'ara musungu romoḏiḏi singadolo ngowa'a repe masala toma daeraha Asia: bae ngowa'a Yahudi bae Yahudi ua, ananga mo-moini ya 'isene habari mangale Ma Jou Yesus.

Yesus 'ai so-soma'a 2:9

Ngene ngowa'a toma Partia, Media, Elam, Mesopotamia, Yudea, Kapadokia, Pontus re Asia,

Tingoýi 1:9

Ngoi, Yohanes, ninga ioronongoḏu ngo-ngaku rimoi, ngene wa basono ma susa re sangisara ma tero, sababu wo mete'e Kristus. Re ngene wo tahana susa re sangisara reo 'akala ḇanyo sababu ngene rewo osama nyo-nyoimi ra Ma Jou'ongu Madutu 'ai Pareta. Ngowa-ngowa'a ri siupa'a ngoi toma pulo Patmos sababu to singadolo habari ra Ma Jou'ongu Madutu tala re to siajele mangale ba-banari ga'a Yesus 'a sijumu Tai 'ahu ma dara.

Tingoýi 1:17

Wakutu ngoi to oḏi'i Unanga, ngoi to ruba paga-pagara tari biono tala ma tero sa'olo ngowa'a sengene. Mada'a Unanga 'o siteru 'Ai giama ma kuwiḏa ra ngoi, ḏua 'O kanau, “Mojongo awa! Ngoi nena-ne Ma Mulaingi re Ma Ḏo-Ḏogumu.

Tingoýi 8:2

Ḏua ngoi to oḏi'i mala'ekata nga tumudingi ga'a 'aḏi made-de'oso ra Ma Jou'ongu Madutu 'ai biono re 'aḏi sanga terompet ngai tumudingi.

Tingoýi 16:5

Ḏua, ngoi to 'isene mala'ekata ga'a 'ai kuasa toma ḇanyo 'o kanau, “Ma Jou'ongu Madutu ga'a 'O 'Ofi-'Ofi ma pari cua, Ma Jou'ongu Madutu ga'a 'age nange-ne re toma 'ua re 'au wali! 'Ani hukumu ga'a siḏingoto toma dungia gena-ge 'i 'adili.

Tingoýi 22:8

Ngoi, Yohanes, mo-moini gena-ge to 'isene re ta oḏi'i. Pasala i'a, ngoi to mapagara 'ari biono tala toma mala'ekata gena-ge, ga'a ro sijumu mo-moini gena-ge, di'a to silamo'o re siḏubuso unanga.

Tingoýi 22:16

“Ngoi, Yesus, reto 'utusu 'Ari mala'ekata di'a 'a singadolo 'Ari habari nena-ne ra ngini, la jama'ata mo-moini nyengara 'aḏi dawongo habari nena-ne. Ngoi nena-ne 'Olana Daud 'ai ju'uda, Ngoi nena-ne mumuḏungu toma wangere ma la'o ino.”