Tingoýi 1:3 - Jaji ma Su-sungi

³ 'A guna ḇato ga'a baca habari ra Ma Jou'ongu Madutu ino toma boku nena-ne toma jama'ata manga biono bolo 'aḏi 'isene ḏua, kara ya si'a'a ma tero sa'olo 'i silefo ḏua toma boku ma dara, ananga mo-moini gena-ge Ma Jou'ongu Madutu ya'u sibarakati. Sababu ti'ara riwara mo-moini nena-ne 'i dadi.

Tingoýi 1:3 Iomraidhean Croise

Matias 24:15

Yesus dadunu 'o kanau moju, “Dadi wakutu ngini ni oḏi'i ‘Ngowa'a ma Jira ga'a Ma Jou'ongu Madutu 'u emono’ unanga gena-ge 'o made-de'oso toma ngi'i 'ofi-'ofi ga'a Nabi Daniel 'u sinubuata pasala ḏua ('a guna ḇato 'o baca nubuata gena-ge, 'a tailako la-la!),

Lukas 11:28

Mada'a Yesus 'a sangoro, “Lebe bara'utungu ḏi'i ngowa'a ga'a 'aḏi 'isene Ma Jou'ongu Madutu 'ai demo re ya si'a'a.”

Roma 13:11

Ngini balasu ni 'a'a so'o gena-ge, sababu ngini ni waro 'oru ga'a 'i patasa di'a 'a'a toma 'orasa nange-ne: Ngini balasu reni wangolo taninga tingidu, sababu ma 'orasa lebe cori i'a wakutu Ma Jou dadunu 'o sapolo moju di'a sigasa ngene toma soroga, reo toma 'orasa ngene wo ngaku ma mulaingi.

Roma 13:12

Lobi'i sa'i ri palisi'i, ti'ara riwara ri wangere. Dadi, ino ngene wo matogumu siḏagi 'ori i'a ma hafu-hafu. Re ino ngene wo sidodahe dare ma tarangi.

1 Petrus 4:7

'Orasa dungia ma ḏo-ḏogumu sa'i ri ngadolo. Sababu gena-ge, ni siogoro tala ninga 'akala re sinyingara re ni ma'istiari, la ngini nga'unu manyiata ra Unanga reninga 'akala bo-boloto.

2 Petrus 3:8

Mada'a ioronongoḏu ngo-ngaku rimoi ga'a ngoi tunu dadalara, 'age 'ori i'a rimoi ngini ni sidaioranga awa: Wangere moi ra Ma Jou'ongu Madutu 'ai momina ma tero musungu cala moi ra ngene manusia nanga momina. Re musungu cala moi ra Ma Jou'ongu Madutu 'ai momina ma tero re wangere moi ra ngene manusia nanga momina.

Tingoýi 22:10

Ḏua mala'ekata gena-ge 'o kanau ḏi'i ra ngoi, “Awa na sigogoro nubuata ma demo-demo toma boku ma dara nena-ne, sababu ma 'orasa ri co-cori ḏua wakutu mo-moini gena-ge ḏuanga i'a enanga 'i dadi.

Tingoýi 22:12

Yesus 'o kanau, “Tailako la-la ino! Ti'ara riwara Ngoi ḏuanga i'a to sapolo re To gasa ninga ngogele di'a Ta balasa 'oru ga'a ni 'a'a pasala ḏua.

Tingoýi 22:20

Unanga, Yesus, ga'a singadolo habari nena-ne 'o kanau, “Mode'e, Ngoi ḏuanga i'a capati to sapolo!” Re, ngoi, Yohanes 'o kanau ḏi'i: “ 'Amin! Sapolo ḇato, Ma Jou Yesus!”

Tingoýi 3:11

Ti'ara riwara, Ngoi to sapolo! Macako'o namo-namoto Tari do-doto'o ga'a ngini rena waro, la matengo i'a mai ua ya rabasa ninga ngogele.