Tingoýi 1:1 - Jaji ma Su-sungi

¹ Boku nena-ne 'i silefo mangale Yesus Kristus 'o siajele mangale 'oru ga'a tantu ḏua ḏuanga i'a 'i dadi ti'ara riwara. Ma Jou'ongu Madutu 'a siajele ra Kristus so'o gena-ge, la Unanga 'o sijumu toma ngowa-ngowa'a ga'a ta Ma Jou'ongu Madutu ma tero sa'olo 'Ai budaka-budaka, mangale 'ori i'a i'a ḏuanga i'a 'i dadi. Yesus Kristus 'o cumutu 'Ai mala'ekata sapolo di'a siajele mangale gena-ge ra ngoi, Yohanes ga'a ta Ma Jou'ongu Madutu ma tero sa'olo 'Ai budaka.

Tingoýi 1:1 Iomraidhean Croise

Yohanes 12:49

Sababu Ngoi to kanau mete'e 'Ari mau masiretene ua, mada'a 'Ari Ḇaḇa ga'a Ro 'utusu Ngoi, Unanga gena-ge ro soma'a 'oru ga'a balasu ta singadolo re ta sikanau ra ngini.

Yohanes 15:15

Ngoi to si'aro'o ngini 'Ari budaka riwara, sababu budaka ya waro ua manga tuanga 'ai munara. Siḏibo ḏi'i ngini, Ngoi tini si'aro'o ḏagilomu, sababu 'oru ḇato ga'a Ngoi reto 'isene tari Ḇaḇa, reta siajele ḏua ra ngini.

Yohanes 17:8

'Ani demo ga'a Baba reno pula'a ra Ngoi, Ngoi ta siajele ḏua ra ananga. Re ananga gena-ge ya dawongo ḏua re raḏi waro mangale Ngoi mode-mode'e to sapolo ra Baba ino re ananga raḏi ngaku Baba reno 'utusu Ngoi ḏua.

Yohanes 3:32

Unanga 'o kanau mangale 'oru ga'a Unanga ra oḏi'i re Ra 'isene, mada'a matengo i'a mai ua ya ngaku Unanga 'ai sakisi.

Yohanes 8:26

Ma repe moju 'ori i'a ga'a To mau Ta sikanau, la to sijuruhakimi ngini. Mada'a Ngoi to kanau ua Ngoi masiretene 'Ari demo, mada'a To kanau Unanga ga'a Ro 'utusu Ngoi, Unanga gena-ge 'Ai demo. Re Unanga 'ai demo 'i banari. Ngoi to siajele toma ngowa'a dungia nena-ne, 'oru ga'a Ngoi to 'isene ra Unanga ino.”

Roma 16:25

Puji re silamo'o Ma Jou'ongu Madutu! Unanga ga'a Rai kuasa 'i site'e ninga ngo-ngaku sababu reni dawongo Habari Roanga ga'a ngoi reta singadolo mangale Yesus Kristus. Ngoi reta singadolo habari gena-ge mete'e 'oru ga'a Ma Jou'ongu Madutu ra sijumu ra ngoi, mada'a toma 'ua re 'au wali moju ngene wa waro ua.

Galatia 1:12

Ngoi to dawongo ua Habari Roanga gena-ge toma manusia, re matengo i'a mai ua ri doto'o ngoi. Mada'a mo-moini gena-ge Yesus Kristus masiretene 'a siwaiti ra ngoi.

Efesus 3:3

Ma Jou'ongu Madutu 'ai maksudu ga'a ma siḏa 'i rahasia, mada'a 'orasa nange-ne 'A sijumu re 'A siajele ra ngoi. Re gena-ge ga'a kiḏanga ua, ngoi ta lefo ḏua.

Titus 1:1

'Ari ngowa'a 'a Titus, Ngoi Paulus, Yesus Kristus 'ai so-soma'a re ngoi ta Ma Jou'ongu Madutu ma tero sa'olo 'Ai budaka, to lefo surata ra ngana. Ngoi to sanga ju-jumutu di'a to riono Ma Jou'ongu Madutu 'ai 'umata ga'a Unanga 'o cumutu ḏua, la to site'e manga ngo-ngaku. Ngoi ḏi'i balasu ta'u sioḏi-oḏi'i ananga, la 'aḏi nana'o do-doto'o banari 'i mete'e Ma Jou'ongu Madutu 'ai 'akala ma mau, la manga 'ahu 'i dadi loasa re banari.

Tingoýi 1:19

Sababu gena-ge, 'oru ga'a no oḏi'i ḏua nange-ne, re toma biono i'a, gena-ge na lefo mo-moini.

Tingoýi 1:9

Ngoi, Yohanes, ninga ioronongoḏu ngo-ngaku rimoi, ngene wa basono ma susa re sangisara ma tero, sababu wo mete'e Kristus. Re ngene wo tahana susa re sangisara reo 'akala ḇanyo sababu ngene rewo osama nyo-nyoimi ra Ma Jou'ongu Madutu 'ai Pareta. Ngowa-ngowa'a ri siupa'a ngoi toma pulo Patmos sababu to singadolo habari ra Ma Jou'ongu Madutu tala re to siajele mangale ba-banari ga'a Yesus 'a sijumu Tai 'ahu ma dara.

Tingoýi 17:1

Togumu i'a, mala'ekata matengo ga'a 'o gu'u-gu'u sawo'o rimoi toma mala'ekata nga tumudingi ma sigolona 'o sapolo ra ngoi re 'o kanau, “Ino, ngoi to sijumu ra ngana hukumu di'a limau lamo'o Babel ga'a co-cori ḇanyo lamo'o. Limau gena-ge ma tero sa'olo we-were'a su-sudala matengo.

Tingoýi 19:10

Ngoi to mapagara 'ari biono tala toma mala'ekata gena-ge 'ai biono di'a to silamo'o re siḏubuso unanga. Mada'a unanga 'o kanau, “Ra ngoi awa! Awa no silamo'o re siḏubuso ngoi. Pa'i no silamo'o re siḏubuso Ma Jou'ongu Madutu ḇato! Sababu ngoi ḏi'i ta Unanga ma tero sa'olo 'Ai budaka ma tero ngana re ma tero 'ani ioronongoḏu ngo-ngaku rimoi ga'a 'aḏi macako'o namo-namoto do-doto'o ba-banari ga'a Yesus 'o pula'a pasala ḏua. Do-doto'o ba-banari gena-ge 'i sigaraki ngowa-ngowa'a di'a 'aḏi pula'a habari da'u ra Ma Jou'ongu Madutu tala.”

Tingoýi 19:9

Ḏua mala'ekata gena-ge 'o kanau ra ngoi, “Na lefo so'o ne: ‘Bara'utungu ngowa-ngowa'a sanga saele toma molo'ara ma laya di'a Doba ma Ngowa.’ ” Gena ḏua, mala'ekata gena-ge dogo kanau ḏi'i, “Gena-ge habari banari ra Ma Jou'ongu Madutu tala.”

Tingoýi 21:2

kara ngoi to oḏi'i limau 'ofi-'ofi, gena-ge limau Yerusalem su-sungi, 'uci da'u soroga ra Ma Jou'ongu Madutu tala. Limau gena-ge 'i sidodahe pasala ḏua sa'olo diai geri molo'ara we-were'a matengo di'a mo ma'u sanga geri molo'ara na-nau'u.

Tingoýi 21:9

Mala'ekata rimoi toma mala'ekata tumudingi ma sigolona ga'a 'o gu'u-gu'u sawo'o tumudingi, ga'a ma dara 'i romanga reo bahala fara tumudingi ma ḏo-ḏogumu, 'o sapolo ra ngoi re 'o kanau, “Ino! Ngoi ḏuanga i'a to sijumu ra ngana geri molo'ara we-were'a, munanga gena-ge Doba ma Ngowa 'ai were'a.”

Tingoýi 22:1

Mala'ekata gena-ge 'o sijumu ra ngoi ḇanyo ma lese ga'a ma ḇanyo 'i pula'a 'ahu. Ḇanyo gena-ge 'i ciḏo-ciḏoto sa'olo kristal re 'i waloro re 'i 'uisi ra Ma Jou'ongu Madutu re ra Doba ma Ngowa manga ḏe-ḏegoro ino.

Tingoýi 22:16

“Ngoi, Yesus, reto 'utusu 'Ari mala'ekata di'a 'a singadolo 'Ari habari nena-ne ra ngini, la jama'ata mo-moini nyengara 'aḏi dawongo habari nena-ne. Ngoi nena-ne 'Olana Daud 'ai ju'uda, Ngoi nena-ne mumuḏungu toma wangere ma la'o ino.”

Tingoýi 22:6

Ḏua mala'ekata gena-ge 'o kanau ra ngoi, “Demo-demo gena-ge 'i banari re tantu ḏua 'i sitotomo. Ma Jou, Ma Jou'ongu Madutu ga'a 'o pula'a 'Ai Ngagara 'Ofi-'Ofi toma nabi-nabi, Unanga 'o 'utusu 'Ai mala'ekata di'a sijumu toma ngowa-ngowa'a ga'a ta Ma Jou'ongu Madutu ma tero sa'olo 'Ai budaka-budaka, 'oru ga'a tantu ḏua ḏuanga i'a 'i dadi ti'ara riwara.”

Tingoýi 22:8

Ngoi, Yohanes, mo-moini gena-ge to 'isene re ta oḏi'i. Pasala i'a, ngoi to mapagara 'ari biono tala toma mala'ekata gena-ge, ga'a ro sijumu mo-moini gena-ge, di'a to silamo'o re siḏubuso unanga.

Tingoýi 22:9

Mada'a unanga 'o kanau ra ngoi, “Ra ngoi awa. No silamo'o re siḏubuso ngoi awa! No silamo'o re siḏubuso Ma Jou'ongu Madutu! Sababu ngoi ḏi'i ta Unanga ma tero sa'olo 'Ai budaka ma tero ngana re ma tero 'ani ioronongoḏu ngo-ngaku rimoi ga'a nabi-nabi, re ngowa'a mo-moini ga'a mete'e demo-demo toma boku nena-ne.”

Tingoýi 4:1

Palisi i'a, ngoi, Yohanes tari tingoḏi'i ma dara to oḏi'i ḏi'i soroga ma ngalana rimoi 'i welanga, re to 'isene iḏingi ga'a to isene nange-ge. Iḏingi gena-ge ma tero sa'olo terompet 'i supu mete'e ngalana rema betongo so'o ne: “Ino, pere 'ane. Ngoi to sijumu ra ngana mangale ḏuanga i'a 'i dadi 'ori i'a i'a rimoi.”

Tingoýi 5:7

Doba ma Ngowa gena-ge i'a ya 'oro kartasi lo-lolo gena-ge ra Ma Jou'ongu Madutu 'ai giama ma kuwiḏa ga'a tegoro ra Ma 'Olana 'ai ḏe-ḏegoro.