Roma 1:3 - Jaji ma Su-sungi

³ Habari Roanga gena-ge mangale Ma Jou'ongu Madutu 'ai Ngowa'a Nau'u matengo ga'a mete'e manusia, Unanga gena-ge 'ai 'asala ra 'Olana Daud 'ai ju'uda.

Roma 1:3 Iomraidhean Croise

Matias 1:1

Toma boku nena-ne, Yesus Kristus ga'a 'Olana Daud 'ai ju'uda re Abraham 'ai ju'uda ḏi'i, Unanga gena-ge 'Ai ete re dotumu manga loma-lomanga 'i silefo so'o ne:

Galatia 4:4

Mada'a wakutu ma 'orasa ri ngadolo, ga'a Ma Jou'ongu Madutu ro sitantukanga pasala ḏua, Unanga 'o siḏingoto 'ai Ngowa'a Nau'u sapolo toma dungia. Re we-were'a matengo mu sibuoro Unanga. Sababu gena-ge sa'olo ngowa'a Yahudi, Unanga balasu 'o ta'aloko ra Musa 'ai hukumu.

Yohanes 1:14

'Idini gena-ge ri dadi manusia, re Unanga 'o tegoro tananga sigolona re wa oḏi'i ḏua 'Ai kabasarana. Kabasarana gena-ge ma 'asala ra Ma Jou'ongu Madutu sababu Unanga 'Ai Ngowa'a Nau'u pa'i matengo. Sababu Unanga, ngene wa basono tala Ma Jou'ongu Madutu 'ai mura re dadalara masala ra ngene, re Unanga 'o sijumu ma ba-banari mangale Ma Jou'ongu Madutu ra ngene.

Yohanes 1:49

Natanael 'o kanau, “Rabi, Jou mode-mode'e Ma Jou'ongu Madutu 'ai Ngowa'a Nau'u re mode-mode'e ngowa'a Israel manga 'Olana!”

Lukas 1:35

Mala'ekata gena-ge 'o sangoro, “Ma Jou'ongu Madutu 'ai Ngagara 'Ofi-'Ofi ḏuanga i'a 'i sapolo ra ngana, re Ma Jou'ongu Madutu toma Gau'u rai kuasa ḏuanga i'a 'o saolo ngana. Sababu gena-ge Unanga, ga'a ḏuanga i'a ngana nu sibuoro, si'aro'o Ma Jou'ongu Madutu 'Ai Ngowa'a ga'a 'Ofi-'Ofi.

1 Tesalonika 1:10

Ananga ya sijarita ḏi'i mangale ma duhu sa'olo ngini ni totoma wakutu Ma Jou'ongu Madutu 'ai Ngowa'a Nau'u dadunu 'O sapolo moju da'u soroga tala. Unanga gena-ge ga'a 'O sengene ḏua mada'a Ma Jou'ongu Madutu dadunu 'o si'ahu moju re Unanga gena-ge na sisalamata ngene ra Ma Jou'ongu Madutu 'ai borata ga'a 'i dadi toma biono i'a.

Roma 9:5

Ananga gena-ge Abraham, Ishak re Yakub manga ju'uda. Mete'e manusia ma 'asala, Kristus ḏi'i 'ai ju'uda ra ananga ino. Kristus gena-ge ga'a 'Ai kuasa ma pari cua re Unanga ḏi'i Ma Jou'ongu Madutu. Dadi ngowa'a mo-moini balasu 'aḏi puji re silamo'o Kristus nena re si'a. 'Amin.

Yohanes 20:28

Tomas 'o kanau i'a ra Yesus, “ 'Ari Jou re 'Ari Jou'ongu Madutu!”

Yohanes 10:30

Ngoi re 'Ari Ḇaḇa, ngomi gena-ge rimoi.”

2 Timotius 2:8

Na 'eli-'elingi mangale Yesus Kristus wakutu na sanga ma sangisara. Unanga 'ai 'asala ra 'Olana Daud ino re 'O basono sengene mada'a dadunu 'O 'ahu moju toma ngowa'a senge-sengene manga sigolona. Habari Roanga gena-ge mangale Unanga, ngoi reta singadolo.

1 Korintus 1:9

Ma Jou'ongu Madutu ḏuanga i'a 'o 'a'a so'o gena-ge sababu 'O cufala di'a sitotomo 'Ai jaji. Unanga gena-ge ga'a ro 'aro'o ngini di'a ni marimoi Tai Ngowa'a Nau'u, Yesus Kristus, nanga Jou.

Yesus 'ai so-soma'a 2:30

Daud 'o dadi nabi re unanga waro ḏua mangale Ma Jou'ongu Madutu 'ai jaji pasala ḏua. Ma Jou'ongu Madutu 'o jaji re 'o masisasi pasala ḏua ra unanga gena-ge so'o ne: Ḏuanga i'a ra 'Olana Daud 'ai ju'uda ino, 'age rema ngowa'a matengo Ma Jou'ongu Madutu 'o sitede unanga 'o dadi 'olana.

Yohanes 20:31

Mada'a mo-moini gena-ge ri silefo toma boku nena-ne, la nyengara ngini ni ngaku mangale Yesus gena-ge 'O Kristus, Ma Jou'ongu Madutu 'ai Ngowa'a Nau'u re na'o ni ngaku Unanga, ngini sanga 'ahu kasingado-ngadolo i'a.

Yohanes 10:36

Momongolo ua, Ngoi nena-ne, Ma Jou'ongu Madutu masiretene 'o siwola i'a Ngoi re Unanga 'o 'utusu Ngoi di'a to sapolo toma dungia nena-ne. Dadi, i'a sa'olo ngini kanau Ngoi to si'u'u ua Ma Jou'ongu Madutu, sababu Ngoi to kanau, ‘Ngoi Ma Jou'ongu Madutu 'ai Ngowa'a Nau'u’?!

Yohanes 5:25

Ni ngaku mode-mode'e 'Ari demo-demo nena-ne: Ḏuanga i'a ma 'orasa 'i ngadolo - re nange-ne 'orasa gena-ge 'i ngadolo ḏua - wakutu ngowa'a ga'a ma tero sa'olo ngowa'a senge-sengene, ananga gena-ge 'aḏi 'isene Ma Jou'ongu Madutu 'ai Ngowa'a Nau'u 'ai iḏingi. Re ngowa'a ga'a ya totoho, ananga ḏuanga i'a 'aḏi 'ahu.

Lukas 1:69

Unanga 'o pula'a ra ngene Salamata ma Cimi rai kuasa, ga'a 'ai 'asala ra 'Olana Daud ino, Ma Jou'ongu Madutu 'ai falalomu.

Matias 27:43

Unanga 'o ngaku Ma Jou'ongu Madutu re Ro kanau, Unanga Ma Jou'ongu Madutu 'ai Ngowa'a Nau'u. Nah ino ngene wo oḏi'i wangere nange-ne na'o Ma Jou'ongu Madutu mau 'U sisalamata Unanga bolo ua.”

Matias 26:63

Mada'a Yesus pa'i 'o masiogoro ḇato. Soi moi moju 'imam 'agung 'o sano ra Yesus, “Ra Ma Jou'ongu Madutu ga'a 'ahu-'ahu, sikanau ino ra ngomi mode-mode'e Ngana nena-ne 'O Kristus, Ma Jou'ongu Madutu 'ai Ngowa'a Nau'u, bolo ua?”

Matias 15:22

We-were'a Kana'an matengo toma daeraha gena-ge mo sapolo ra Yesus re mo poa-poa'a, “Ma Jou, 'Olana Daud 'ai ju'uda, No sijumu 'Ani 'akala re sinyingara ma la-la ra ngoi! 'Ari ngowa'a were'a roh ma jira mi dungosama, dadi munanga mo sangisara masala.”

Matias 12:23

Ngowa'a mo-moini matai heranga re 'aḏi kanau, “Unanga nena-ne ḏa 'Olana Daud 'ai ju'uda ga'a ngene wo totoma?”

Matias 9:27

Yesus 'o tagi sisoi'i tala ngi'i gena-ge re 'a dowanga 'ai ḏo-ḏagi. Toma ngo'omo ma golona, ngowa'a hafu nga muḏiḏi 'aḏi tutu'u ra Unanga 'ai ḏuḏunu. Ananga 'aḏi poa'a, “Jou, 'Olana Daud 'ai ju'uda, no sijumu 'Ani 'akala re sinyingara ma la-la ra ngomi!”

Matias 3:17

Gena ḏua, ananga 'aḏi 'isene Ma Jou'ongu Madutu 'ai iḏingi ma betongo so'o ne: “Unanga nena-ne, 'Ari Ngowa'a Nau'u Ta dadalara, Ngoi 'ari 'akala re sinyingara ma sanangi Ta sipa'ala ra Unanga.”

Tingoýi 2:18

Yesus gena-ge 'o kanau ra ngoi ḏi'i, “Toma jama'ata Tiatira ma mala'ekata, na lefo so'o ne: Nena-ne habari ra Ngoi, Ma Jou'ongu Madutu 'ai Ngowa'a Nau'u, ga'a 'Ari la'o 'i leja-lejanga sa'olo u'u, 'Ari rou 'i ciḏo-ciḏoto ma tero sa'olo tau'u tamḇaga kara ya 'ese singadolo ma ja-jamanga 'i supu.

2 Yohanes 1:7

Sababu ngowa'a ga'a sihaga ngowa'a, ananga manga repe 'aḏi tagi matai are toma dungia sitabi donga. Ananga gena-ge 'aḏi mangaku ua mangale Yesus Kristus 'o sapolo toma dungia nena-ne sa'olo manusia. Ananga gena-ge ma tero sa'olo ngowa'a matengo ga'a sihaga ngowa-ngowa'a re unanga gena-ge 'o Kristus Sa-sakala.

1 Yohanes 5:20

Ngene rewo waro ḏi'i mangale Ma Jou'ongu Madutu 'ai Ngowa'a Nau'u ro sapolo re Ro pula'a wo-waro ra ngene, la ngene wu nana'o Ma Jou'ongu Madutu ga'a banari. Ngene wo 'ahu marimoi ra Ma Jou'ongu Madutu ga'a banari re wo 'ahu marimoi Rai Ngowa'a Nau'u, Yesus Kristus. Unanga gena-ge mode-mode'e ma tero Ma Jou'ongu Madutu re Unanga masiretene 'ahu kasingado-ngadolo i'a ma cimi.

1 Yohanes 5:5

'A guna nga'unu 'o 'utungu talaḏi dungia ma jira?! Pa'i ngowa'a ngaku Yesus ḇato, Ma Jou'ongu Madutu 'ai Ngowa'a Nau'u.

1 Yohanes 5:1

'A guna ḇato 'aḏi ngaku mangale Yesus gena-ge 'O Kristus ga'a Ma Jou'ongu Madutu 'o sijaji pasala ḏua, ananga gena-ge Ma Jou'ongu Madutu 'ai ngowa-ngowa'a. 'A guna ḇato 'aḏi dadalara Ma Jou'ongu Madutu manga Ḇaḇa, 'aḏi dadalara ḏi'i 'Ai ngowa-ngowa'a.

1 Yohanes 4:15

Na'o 'a guna ḇato 'o mangaku mangale Yesus gena-ge Ma Jou'ongu Madutu 'ai Ngowa'a Nau'u, Ma Jou'ongu Madutu ḏi'i 'o 'ahu marimoi toma ngowa'a gena-ge. Re ngowa'a gena-ge 'ai 'ahu marimoi ra Ma Jou'ongu Madutu.

1 Yohanes 3:23

Unanga 'ai parenta ra ngene so'o ne: Ngene balasu ngaku mangale Ma Jou'ongu Madutu 'ai Ngowa'a Nau'u, Unanga gena-ge Yesus Kristus, re ngene ḏi'i balasu wo ma'u dadalara matengo re matengo.

1 Yohanes 3:8

Mada'a ngowa'a ga'a 'a'a ḏosa tau-taunu, ananga gena-ge 'Iblisi ma ngowa-ngowa'a. Sababu ma mulaingi i'a, 'Iblisi 'i baraḏosa ḏua. Ma sababu gena-ge, Ma Jou'ongu Madutu 'ai Ngowa'a Nau'u 'o sapolo toma dungia nena-ne di'a 'a siwejere 'Iblisi ma munara.

1 Yohanes 1:3

Dadi 'oru ga'a ngomi ma oḏi'i re 'isene ḏua, nange-ne ngomi ma singadolo ra ngini, la ngini ni 'ahu marimoi ra ngomi. Sidogo ḏi'i, ngene wo 'ahu marimoi ḏua ra Ma Jou'ongu Madutu nanga Ḇaḇa re 'Ai Ngowa'a Nau'u, Yesus Kristus.

1 Timotius 3:16

Matengo i'a mai ua 'aḏi soloto mangale nanga 'agama ma do-doto'o 'i banari re 'i ti-tiai. 'Au wali, ma do-doto'o gena-ge mangale Kristus Yesus 'i sirahasia, sababu Ma Jou'ongu Madutu 'o masijumu nyangu. Mada'a nange-ne Unanga 'o masijumu ḏua ra ngene, dadi ngene wo ngaku nena-ne: Ma Jou'ongu Madutu 'ai Ngowa'a Nau'u matengo 'O matuhu sa'olo manusia, Ma Ngagara 'Ofi-'Ofi 'i siajele Unanga gena-ge Ma Jou'ongu Madutu 'ai Ngowa'a Nau'u, Unanga 'o masijumu toma mala'ekata, 'Ai lomanga sihabari toma bangsa mo-moini, Ngowa'a toma bangsa mo-moini toma dungia 'aḏi ngaku Unanga sibere re sijingi'i toma soroga.

Roma 1:9

Ngoi to de-de'oso Ma Jou'ongu Madutu rari 'akala re sinyingara mode-mode'e di'a to singadolo Habari Roanga mangale 'Ai Ngowa'a Nau'u. Ma Jou'ongu Madutu, Unanga 'ari sakisi mangale ngoi to 'elingi ngini tau-taunu, wakutu to manyiata.

Yesus 'ai so-soma'a 9:20

Wakutu Saulus 'o tegoro toma limau Damsyik, unanga 'o osama toma wala-wala puji re 'o singadolo mangale Yesus gena-ge Ma Jou'ongu Madutu 'ai Ngowa'a Nau'u.

Yesus 'ai so-soma'a 8:36

Tamanga ḏo-ḏagi gena-ge ma dara, ananga 'aḏi ngadolo toma ngi'i rimoi rema ḇanyo. Ngowa'a Etiopia gena-ge 'o kanau, “Oḏi'i 'age rema ḇanyo! Nyengara bolo ua to sanga baptis?” [

Yesus 'ai so-soma'a 3:13

Na 'isene! Abraham, Ishak re 'a Yakub re ngene nanga ete re dotumu 'aḏi silamo'o re siḏubuso Ma Jou'ongu Madutu. Unanga gena-ge 'o silamo'o Yesus, Unanga 'Ai falalomu. Mada'a 'a Yesus ne, ngini nu sipula'a ra Pilatus. Re kalaha 'a Pilatus mau 'U sibebasa Unanga, ngini ni golo'o Pilatus 'o soma'a 'ai sordado-sordado 'aḏi sisalib Unanga!

Yohanes 7:42

Toma Boku 'Ofi-'Ofi ma dara 'i silefo mangale 'O Kristus ra 'Olana Daud 'ai ju'uda, re 'O sapolo toma gamu Betlehem, 'Olana Daud 'ai ji'o re gamu.”

Yohanes 1:34

Dadi ngoi reto oḏi'i masiretene re to pula'a sakisi mangale Yesus gena-ge Ma Jou'ongu Madutu 'ai Ngowa'a Nau'u.”

Roma 4:1

Dadi na'o so'o gena, 'oru ngene nyengara wo kanau mangale Abraham nanga bangsa ma ete re dotumu?! Ma duhu sa'olo Unanga gena-ge 'o dadi ngowa'a loasa re banari ra Ma Jou'ongu Madutu 'ai momina?!

Roma 9:3

sababu 'ari ioronongoḏu ga'a ngowa'a Yahudi, ananga gena-ge 'aḏi dawongo Yesus ua. Dadi ngoi masiretene to nyafusu nga'unu gari'a, ngoi to sanga katula ra Ma Jou'ongu Madutu re sito-tola'a ra Kristus, la ananga nyengara 'aḏi sanga salamata.

1 Korintus 10:18

Ni tailako ngowa-ngowa'a Israel: Ananga sigae manga jou-jou di'a Ma Jou'ongu Madutu toma jou-jou ma kalero. Togumu i'a ananga 'aḏi oromo mamete'e manga jou-jou ga'a ya sipula'a nange-ge. Ngini ni waro bolo ua, wakutu ananga oromo so'o gena-ge, ananga 'aḏi ma'u rimoi matengo re matengo, re ḏi'i marimoi ra Ma Jou'ongu Madutu?!

1 Timotius 2:5

Sababu Ma Jou'ongu Madutu pa'i matengo re 'age pa'i matengo ḇato nga'unu dadi lese to golona ra Ma Jou'ongu Madutu re manusia. Unanga gena-ge Kristus Yesus, 'o manusia ḏi'i.