Lukas 9:7 - Jaji ma Su-sungi

⁷ Wakutu 'Olana Herodes 'o parenta toma daeraha Galilea, unanga 'a 'isene mangale mo-moini 'oru ga'a 'i dadi gena-ge. Unanga 'a waro 'ai gogare riwara sababu 'age rema ngowa'a 'aḏi siajele Yesus gena-ge 'a Yohanes tukanga baptis dadunu ro 'ahu moju.

Lukas 9:7 Iomraidhean Croise

Matias 11:2

Wakutu Yohanes tukanga baptis, unanga gena-ge 'o osama bui re 'o 'isene mangale 'O Kristus 'ai munara, unanga 'o 'utusu 'ai me-mete'e nga muḏuo i'a 'aḏi tagi sano ra Yesus so'o ne:

Markus 8:28

Ananga ya sangoro, “ 'Age mamuni'a 'aḏi kanau Jou 'a Yohanes tukanga baptis, 'age mamuni'a 'aḏi kanau Jou 'a Elia, re 'age mamuni'a ḏi'i 'aḏi kanau Jou nabi ma lelegu.”

Lukas 13:31

Toma 'orasa gena-ge ḏi'i, ngowa-ngowa'a Farisi nga muḏuo i'a 'aḏi sapolo ra Yesus re 'aḏi kanau, “No tegoro 'ane awa, tagi no malage ngi'i lelegu, sababu 'a Herodes mau 'o sisengene Jou.”

Lukas 21:25

Maha ḏuanga i'a 'i waiti didina'o heranga toma wangere ma la'o, ngara re mumuḏungu. Toma dungia, bangsa-bangsa 'aḏi matai mojongo re waro gogare riwara sababu 'aḏi 'isene momoku toma ngoloto ma rurusu.

Lukas 23:7

Ananga 'aḏi sangoro, “Tero mode'e, Unanga gena-ge ngowa'a Galilea.” Wakutu Pilatus 'o 'isene mangale 'a Yesus 'ai 'asala toma daeraha toma 'Olana Herodes 'ai pareta ma dara, unanga 'o siḏingoto 'a Yesus ra Herodes. Toma 'orasa gena-ge 'a Herodes 'o tegoro toma limau Yerusalem.

Lukas 3:1

Wakutu Kaisar Tiberius 'o parenta ma di'ara musungu nyagi moi re romotoa ḏua, 'a Pontius Pilatus 'o dadi gubernur toma daeraha Yudea, 'a Herodes 'o dadi 'olana toma daeraha Galilea, re 'a Filipus 'o dadi 'olana toma daeraha Iturea re Trakhonitis ('A Herodes re 'a Filipus ananga nga muḏiḏi gia nongoḏu). Re ḏi'i 'a Lisanias 'o dadi 'olana toma daeraha Abilene

Lukas 9:19

Ananga ya sangoro, “ 'Age mamuni'a 'aḏi kanau Jou 'a Yohanes tukanga baptis. 'Age mamuni'a 'aḏi kanau Jou nabi Elia, ma lelegu ḏi'i 'aḏi kanau Jou nabi ma lelegu 'ua re 'au wali matengo i'a 'o dadunu 'ahu moju.”