Lukas 9:62 - Jaji ma Su-sungi

⁶² Yesus 'o sangoro i'a toma ngowa'a gena-ge, “Na'o ngowa'a matengo 'o 'elingi tau-taunu mangale 'ai ḇaḇa re ngina, ngowa'a gena-ge 'o patasa ua 'o dadi Ma Jou'ongu Madutu 'ai ngowa-ngowa'a. Ngowa'a gena-ge ma tero sa'olo ngowa'a aro mulaingi 'o pajeko, 'o magelelo ḏuḏunu tau-taunu.”

Lukas 9:62 Iomraidhean Croise

Filipi 3:13

Ioronongoḏu ngo-ngaku rimoi, tantu ḏua ngoi to site-tero ua mangale ngoi 'ari de'oso re ḏegoro 'i ti-tiai ma tero sa'olo Kristus Yesus. Mada'a 'age hali rimoi moju ngoi balasu ta si'a'a ma tero sa'olo ngoi to lalara toma biono di'a to dedele ma ngogele ga'a da'a tari biono. Ngoi balasu ta sieanga 'oru ga'a ngoi ta si'a'a ma siḏa, re ngoi to makutale dedele tau-taunu mangale 'oru ga'a da'a tari biono.

2 Timotius 4:10

sababu 'a Demas ga'a 'o mete'e dungia ma nyafusu unanga gena-ge 'o sisoi'i tala ngoi re ro tagi toma limau Tesalonika. 'A Kreskes ro tagi toma daeraha Galatia re 'a Titus toma daeraha Dalmatia.

'Ibrani 10:38

Re Ma Jou'ongu Madutu 'o kanau so'o ne: “Mada'a 'Ari 'umata ga'a manga 'ahu loasa re banari, ananga gena-ge balasu 'aḏi 'ahu sijumu manga ngo-ngaku. Re na'o 'age rema ngowa'a tamanga sigolona ga'a 'aḏi madorusu tamanga ngo-ngaku, Ngoi to sanangi ua ra ananga gena-ge.”