Lukas 9:51 - Jaji ma Su-sungi

⁵¹ Wakutu ma 'orasa sa'i ri co-cori di'a Yesus 'o pere sie da'u soroga, Unanga 'a putusu tala 'o tagi toma limau Yerusalem.

Lukas 9:51 Iomraidhean Croise

Markus 16:19

Wakutu Yesus 'o kanau ra ananga togumu i'a, Ma Jou'ongu Madutu 'U sibere da'u toma soroga. Da'a, Unanga 'o parenta ma'u mete'e re Ma Jou'ongu Madutu.

Lukas 12:50

Ngoi balasu ta basono susa re sangisara lebe siḏi i'a. Re 'ari 'akala re sinyingara 'i kangela masala sababu gena-ge ta basono nyangu.

Lukas 13:22

Yesus 'o tagi toma limau Yerusalem. Tai ḏo-ḏagi ma dara Unanga 'o tuḏu toma limau-limau re gamu-gamu di'a 'o doto'o ngowa-ngowa'a.

Lukas 17:11

Wakutu Yesus 'o tagi toma limau Yerusalem 'o tola'a i'a daeraha Samaria re daeraha Galilea ma bati.

Lukas 18:31

Yesus 'o lomu pa'i 'Ai me-mete'e nga nyagi moi re nga muḏiḏi, re 'o kanau, “ 'Isene! Ngene nange-ne wo si'a toma limau Yerusalem. I'a da'a 'oru ga'a nabi-nabi ya silefo pasala ḏua mangale Ngoi, Manusia ma Ngowa'a Nau'u, enanga 'i dadi mo-moini.

Lukas 19:11

Wakutu ngowa'a repe 'aḏi 'isene Yesus 'ai jarita, Unanga 'a sidowanga reo pula'a 'ade-'ade sababu Unanga 'o co-cori toma limau Yerusalem re ngowa'a repe 'aḏi ta'ajiri Ma Jou'ongu Madutu ti'ara riwara 'o sapolo 'o parenta sa'olo 'Olana toma dungia.

Lukas 19:28

Yesus 'o kanau mo-moini gena-ge togumu i'a, Unanga ya'u sisoi'i tala ananga re 'o tagi si'a toma limau Yerusalem.

Lukas 24:51

Wakutu Yesus 'o sibarakati ananga moju, Unanga 'o sisoi'i tala ananga Ro pere sie toma soroga.

Lukas 9:57

Wakutu Yesus re 'Ai me-mete'e ya dowanga manga ḏo-ḏagi moju, 'age rema ngowa'a 'aḏi kanau ra Yesus, “Jou, ngoi ḏi'i mau to mete'e Jou tagi le'a ḇato!”

Yohanes 13:1

Wakutu Paskah ma Wangere ma laya sa'i ri ngadolo, Yesus 'a waro mangale 'ai 'orasa 'i ngadolo di'a Unanga 'a sisoi'i tala dungia nena-ne re 'O maḏibo Tai Ḇaḇa. Unanga 'o dadalara 'Ai me-mete'e, re 'o dadalara ti-tiai ananga gena-ge singadolo 'Ai 'ahu ma ḏo-ḏogumu.

Yohanes 16:28

Ngoi 'ari 'asala Tari Ḇaḇa, re To sapolo ḏua toma dungia nena-ne. Mada'a nange-ne Ngoi ta sisoi'i tala dungia nena-ne di'a To maḏibo sie Tari Ḇaḇa.”

Yohanes 16:5

“Nange-ne Ngoi to tagi ra Unanga ga'a Ro 'utusu Ngoi. Mada'a matengo i'a mai ua taninga sigolona 'o sano, ‘Ngoi to tagi le'a?’

Yohanes 17:11

Nange-ne Ngoi to sapolo ra Baba, dadi Ngoi ḏuanga i'a to tegoro riwara toma dungia nena-ne, mada'a ananga 'aḏi tegoro toma dungia moju. Dadi Baba, ga'a No 'Ofi-'Ofi, No kadiarata ananga Rani kuasa. 'Ani kuasa ga'a no pula'a ra Ngoi, la Ngoi to si'a'a ananga 'aḏi marimoi ma tero Ngoi re Baba, Ngene wo marimoi.

Yohanes 6:62

Na'o so'o gena-ge, ḏuanga i'a enanga ma dadi sa'olo na'o ngini ni oḏi'i Manusia ma Ngowa'a Nau'u 'o pere maḏibo Tai ngi'i ma siḏa?!

Yesus 'ai so-soma'a 1:2

singadolo toma 'orasa Ma Jou'ongu Madutu 'o sibere Unanga sie da'u soroga. Toma 'orasa Ma Jou'ongu Madutu 'o sibere Yesus nyangu, Yesus rema Ngagara 'Ofi-'Ofi ma kuasa 'o pula'a 'ai bererongo Tai so-soma'a ga'a Unanga ya'u cumutu pasala ḏua.

Yesus 'ai so-soma'a 1:9

Yesus 'o kanau so'o gena togumu i'a, Ma Jou'ongu Madutu 'o sibere Unanga sie da'u soroga ra ananga manga biono re 'aḏi tatamo ie Unanga singadolo 'o kakamo 'i sao Unanga singadolo ananga 'U oḏi'i riwara.

Efesus 1:20

ga'a Unanga ra sipake di'a dadunu 'O si'ahu moju Kristus tai se-sengene re 'U sitegoro Tai giama ma kuwiḏa i'a toma soroga.

Filipi 3:14

Sababu gena-ge, ngoi to lalara turusu ta meta-meta i'a 'ari maksudu, la ta sanga ngogele. Gena-ge ma ngale: 'Ahu toma soroga, di'a gena-ge Ma Jou'ongu Madutu ri 'aro'o ngoi di'a to marimoi ra Kristus Yesus.

1 Timotius 3:16

Matengo i'a mai ua 'aḏi soloto mangale nanga 'agama ma do-doto'o 'i banari re 'i ti-tiai. 'Au wali, ma do-doto'o gena-ge mangale Kristus Yesus 'i sirahasia, sababu Ma Jou'ongu Madutu 'o masijumu nyangu. Mada'a nange-ne Unanga 'o masijumu ḏua ra ngene, dadi ngene wo ngaku nena-ne: Ma Jou'ongu Madutu 'ai Ngowa'a Nau'u matengo 'O matuhu sa'olo manusia, Ma Ngagara 'Ofi-'Ofi 'i siajele Unanga gena-ge Ma Jou'ongu Madutu 'ai Ngowa'a Nau'u, Unanga 'o masijumu toma mala'ekata, 'Ai lomanga sihabari toma bangsa mo-moini, Ngowa'a toma bangsa mo-moini toma dungia 'aḏi ngaku Unanga sibere re sijingi'i toma soroga.

'Ibrani 12:2

Ino ngene wo tatamo tau-taunu pa'i ra Yesus ḇato. Sababu Unanga nena-ne 'o welanga salamata ma ngo'omo di'a ngene sababu 'Ai ngo-ngaku ra Ma Jou'ongu Madutu. Re ḏi'i sababu Unanga si'a'a nanga salamata 'i ti-tiai sababu nanga ngo-ngaku ra Unanga. Unanga 'o tahana wakutu sanga sangisara toma ngowa'a ga'a 'U salib. Re kalaha Unanga 'o sengene toma salib, gena-ge ga'a 'i sipula'a mara'a ngowa'a, Unanga 'a kalesanga ua sababu Unanga pa'i 'o 'elingi tau-taunu nena-ne: Togumu i'a 'O sanga roanga. Nange-ne Unanga 'o tegoro ra Ma Jou'ongu Madutu 'ai giama ma kuwiḏa, re 'O parenta mamete'e ra Unanga.

'Ibrani 6:20

Yesus ro osama siḏa toma ngi'i gena-ge, la ngene nyengara wo osama ḏi'i. Unanga gena-ge 'o dadi 'Imam 'Agung singado-ngadolo i'a, ma tero sa'olo 'imam Melkisedek.

1 Petrus 3:22

Yesus Kristus gena-ge ro pere ḏua toma soroga re 'O tegoro ra Ma Jou'ongu Madutu 'Ai giama ma kuwiḏa i'a. Mala'ekata-mala'ekata 'aḏi ta'aloko ra Unanga re ḏi'i 'ori i'a mo-moini ga'a rema kuasa, mo-moini 'i ta'aloko ra Unanga.