Lukas 9:48 - Jaji ma Su-sungi

⁴⁸ Ḏua 'o kanau i'a Tai me-mete'e, “ 'A guna 'o dawongo ngowa 'olo matengo ma tero sa'olo ngowa 'olo nena-ne sababu unanga 'o mete'e Ngoi, unanga gena-ge ro dawongo Ngoi ḏi'i. Re 'a guna 'o dawongo Ngoi, 'o dawongo Ma Jou'ongu Madutu ga'a 'o 'utusu Ngoi. Sababu 'a guna ga'a 'o maholo taninga sigolona, unanga gena-ge 'o dadi ngowa'a lebe la-lamo'o.”

Lukas 9:48 Iomraidhean Croise

Matias 18:10

“Awa si'u'ua ngowa'a ma pake ua ga'a raḏi ngaku Ngoi, ananga gena-ge ma tero sa'olo ngowa 'olo nena-ne. Sababu Ngoi to siajele ra ngini nena-ne: Mala'ekata-mala'ekata ga'a 'aḏi jaga ngowa 'olo gena-ge, 'age tau-taunu toma soroga ra Ma Jou'ongu Madutu 'ai momina. [

Matias 18:14

So'o gena ḏi'i, ninga Ḇaḇa toma soroga 'O oḏu'u ngowa'a ma pake ua ga'a ro ngaku Ngoi 'o iranga kasingado-ngadolo i'a.”

Matias 19:28

Yesus 'o kanau ra ananga, “Ni ngaku mode-mode'e 'Ari demo-demo nena-ne: Toma dungia su-sungi Ngoi, Manusia ma Ngowa'a Nau'u ḏuanga i'a To tegoro Tari ḏe-ḏegoro ga'a mulia. Re toma 'orasa gena-ge, ngini Ngoi 'ari me-mete'e, ni tegoro toma ḏe-ḏegoro nyagi moi re romoḏiḏi, re ni sijuruhakimi ngowa'a Israel suku nyagi moi re romoḏiḏi.

Matias 25:40

Re Ngoi, 'Olana gena-ge 'o sangoro, ‘Ni ngaku mode-mode'e Ngoi 'Ari demo nena-ne: 'Oru ḇato ngini reni 'a'a di'a riono 'Ari ioronongoḏu nena-ne ga'a ngowa'a mapake ua, Ngoi ta 'oro ino ma tero ḇato sa'olo ngini na riono Ngoi!’

Matias 25:45

Re Ngoi, 'Olana gena-ge ta sangoro, ‘Ni ngaku mode-mode'e Ngoi 'ari demo nena-ne: Wakutu ngini ni oḏu'u riono ngowa-ngowa'a ma pake ua nena-ne, ma tero ḇato sa'olo ngini ni oḏu'u riono Ngoi.’

Markus 9:37

“ 'A guna ḇato ga'a dawongo ngowa 'olo so'o nena-ne sababu unanga gena-ge 'o mete'e Ngoi, unanga gena-ge ma tero ḏi'i 'o dawongo Ngoi. Re pa'i Ngoi ḇato ua, mada'a 'o dawongo Unanga ga'a 'O cumutu Ngoi.”

Lukas 10:16

Ḏua Yesus 'o kanau Tai me-mete'e, “ 'A guna ḇato 'o mete'e re 'o 'isene ngini, unanga gena-ge 'o mete'e re 'o 'isene Ngoi. 'A guna ḇato 'o dawongo ngini ua, unanga gena-ge 'o dawongo Ngoi ua re 'o dawongo ua ḏi'i Ma Jou'ongu Madutu ga'a Ro 'utusu Ngoi.”

Lukas 14:11

Sababu 'a guna ḇato 'o sihie 'ai diri, unanga gena-ge ḏuanga i'a Ma Jou'ongu Madutu 'u siholo. Mada'a 'a guna ḇato 'o maholo 'ai diri, unanga gena-ge ḏuanga i'a Ma Jou'ongu Madutu 'u sihie.”

Lukas 22:26

Mada'a ngini so'o gena awa. Siḏibo ḏi'i, na'o ngini mau dadi ngowa'a la-lamo'o taninga sigolona, balasu ni dadi siḏa sa'olo ngowa'a mapake ua, re na'o ngini ni mau dadi tuanga, balasu ni dadi siḏa sa'olo falalomu.

Lukas 22:30

Dadi ngini ḏuanga i'a na basono roanga re monere re ni ka'e re ni oromo mamete'e ra Ngoi tari pareta ma dara. Ngini matengo re matengo ḏuanga i'a ni tegoro toma ḏe-ḏegoro nyagi moi re romoḏiḏi di'a ni parenta ngowa'a Israel suku nyagi moi re romoḏiḏi.”

Lukas 7:28

Yesus 'o dadunu kanau, “Ngoi to siajele ra ngini nena-ne: Toma dungia nena-ne matengo i'a mai ua ga'a sibuoro lebe la-lamo'o i'a rea Yohanes tukanga baptis. Mada'a mulaingi nange-ne, ngowa'a ma pake ua ga'a 'o osama nyo-nyoimi ra Ma Jou'ongu Madutu 'ai Pareta, unanga gena-ge 'o dadi ngowa'a lebe la-lamo'o i'a rea Yohanes.”

Yohanes 13:20

Ni ngaku mode-mode'e 'Ari demo-demo nena-ne: 'A guna ḇato 'o dawongo ngowa'a matengo ga'a Ngoi to 'utusu, unanga gena-ge 'o dawongo Ngoi. Re 'a guna ga'a 'o dawongo Ngoi, 'o dawongo ḏi'i Unanga ga'a Ro 'utusu Ngoi.”

Yohanes 14:21

'A guna ḇato 'o dawongo 'Ari parenta re 'a mete'e, unanga gena-ge 'o dadalara Ngoi. Re 'Ari Ḇaḇa ḏuanga i'a 'O dadalara unanga gena-ge ga'a 'o dadalara Ngoi, re Ngoi ḏi'i to dadalara unanga re Ngoi masiretene to masijumu ra unanga gena-ge.”

1 Tesalonika 4:8

Sababu gena-ge, 'a guna ḇato ya mete'e ua do-doto'o nena-ne, ananga gena-ge 'aḏi dawongo pa'i ngene manusia ḇato ua mada'a 'aḏi dawongo ua ḏi'i Ma Jou'ongu Madutu ga'a pula'a Ma Ngagara 'Ofi-'Ofi ra ngene, la nanga 'ahu 'i dadi 'ofi-'ofi.

1 Petrus 5:6

Sababu gena-ge, ngini balasu ni masiholo ninga diri ra Ma Jou'ongu Madutu, Unanga ga'a 'Ai kuasa ma pari cua. Sababu wakutu Ma Jou'ongu Madutu 'o sitantukanga enanga ma 'orasa 'i tero-tero, Unanga ḏuanga i'a 'o sihie ninga diri.

Tingoýi 21:14

Limau gena-ge ma hisa dounu simomi'i toma maḏi bangini nyagi moi re romoḏiḏi ma re'u. Toma maḏi bangini nyagi moi re romoḏiḏi gena-ge 'i silefo Doba ma Ngowa 'ai so-soma'a nga nyagi moi re nga muḏiḏi manga lomanga: Maḏi bangini rimoi, lomanga rimoi.

Tingoýi 3:21

'A guna ḇato 'ai ngo-ngaku ra Ngoi kama elala ua singadolo 'o sengene, Ngoi ta'u pula'a ma 'olana 'ai ḏe-ḏegoro Tari 'Olana 'ai ḏe-ḏegoro ma kaci moi i'a. So'o gena-ge ḏi'i, nange-ne Ngoi to tegoro toma 'Olana 'ai ḏe-ḏegoro Tari Ḇaḇa ma 'Olana 'ai ḏe-ḏegoro tai kuwiḏa, sababu Ngoi masiretene ḏi'i 'Ari ngo-ngaku ra Unanga kama elala ua singadolo To sengene.