Lukas 9:35 - Jaji ma Su-sungi

³⁵ Gena ḏua, ananga 'aḏi 'isene toma kakamo gena-ge ma dara iḏingi ma betongo, “Nena-ne 'Ari Ngowa'a ga'a Ngoi to cumutu ḏua. Ni 'isene Unanga!”

Lukas 9:35 Iomraidhean Croise

Matias 12:18

“Unanga nena-ne Ngoi 'Ari falalomu ga'a Ngoi reto cumutu. Unanga ga'a to dadalara re ga'a 'a sisanangi 'Ari 'akala re sinyingara 'Ari Ngagara 'Ofi-'Ofi ḏuanga i'a ta sipula'a ra Unanga. Re Unanga ḏuanga i'a 'o sihabari mangale 'Ari 'adili toma bangsa-bangsa.

Matias 3:17

Gena ḏua, ananga 'aḏi 'isene Ma Jou'ongu Madutu 'ai iḏingi ma betongo so'o ne: “Unanga nena-ne, 'Ari Ngowa'a Nau'u Ta dadalara, Ngoi 'ari 'akala re sinyingara ma sanangi Ta sipa'ala ra Unanga.”

Markus 1:11

Gena ḏua, ananga 'aḏi 'isene Ma Jou'ongu Madutu 'ai iḏingi ma betongo so'o ne: “Ngana nena-ne, 'Ari ngowa'a Ta dadalara, Ngoi 'ari 'akala re sinyingara ma sanangi Ta sipa'ala ra Ngana.”

Lukas 3:22

kara Ma Ngagara 'Ofi-'Ofi 'i matuhu sa'olo namo dara, 'i 'uci ra Unanga. Ḏua Unanga 'o 'isene Ma Jou'ongu Madutu 'ai iḏingi ma betongo so'o ne, “Ngana nena-ne 'Ari ngowa'a Ta dadalara, Ngoi 'ari 'akala re sinyingara ma sanangi Ta sipa'ala ra Ngana.”

Lukas 9:34

Wakutu Petrus 'o ka-kanau moju, kakamo 'i sapolo ya'u sao ananga, singadolo Petrus re 'ai ḏagilomu 'aḏi matai mojongo

Yohanes 12:28

Dadi Ngoi to kanau so'o ne: ‘Baba, no simulia 'Ani lomanga!’ ” Ḏua iḏingi da'u diwanga tala ma betongo so'o ne: “Ngoi reta simulia re dadunu Ta simulia moju.”

Yohanes 3:16

Ma Jou'ongu Madutu 'o dadalara manusia toma dungia ma tero so'o ne: Unanga ro 'utusu 'Ai Ngowa'a Nau'u pa'i matengo, la 'a guna ḇato 'o ngaku 'Ai Ngowa'a Nau'u gena-ge, 'o iranga ua kasingado-ngadolo i'a, mada'a 'o sanga 'ahu kasingado-ngadolo i'a.

'Ibrani 2:3

Dadi na'o ngene wo gare 'akala re sinyingara ua tananga salamata gena-ge, tantu ḏua ngene wo wiḏi yoḏu'u toma sanga hukumu sababu salamata gena-ge lebe la-lamo'o reo Musa 'ai hukumu. Re ngowa'a ma siḏa ga'a siajele habari mangale salamata toma ngowa-ngowa'a, Unanga gena-ge Ma Jou Yesus masiretene! Ḏi'i ananga gena-ge ya isene ḏua Unanga 'ai habari Tai 'uḏu ma betu'u, ananga raḏi dadi sakisi re ya sijarita ḏua ra ngene. Dadi ngene rewa waro habari gena-ge 'i banari.

'Ibrani 3:15

Gena-ge ma tero sa'olo 'i silefo ḏua toma Boku 'Ofi-'Ofi so'o ne: “Wangere Nange-ne, na'o ngini ni 'isene Ma Jou'ongu Madutu 'ai iḏingi, awa ngini ninga 'akala re sinyingara 'i dadi te'e, ma tero sa'olo ninga ete re dotumu 'ua re 'au wali, ananga gena-ge ga'a 'aḏi lawana Ma Jou'ongu Madutu.”

'Ibrani 5:9

Reo ngo'omo gena-ge, Unanga 'o dadi Salamata ma Cimi ga'a ti-tiai. Re Unanga 'o dadi 'ahu ma cimi kasingado-ngadolo i'a di'a ngowa'a mo-moini ga'a 'aḏi ta'aloko ra Unanga.