Lukas 9:32 - Jaji ma Su-sungi

³² Toma 'orasa gena-ge Petrus re 'ai ḏagilomu ananga 'aḏi otu, mada'a kage-kage raḏi wangolo, re 'aḏi oḏi'i i'a Yesus rai cahaya 'o made-de'oso sebanga ra Elia re 'a Musa.

Lukas 9:32 Iomraidhean Croise

Markus 14:40

Togumu i'a, Unanga dadunu 'o maḏibo i'a ra ananga re 'O sanga i'a ananga 'aḏi otu moju sababu ananga 'aḏi kakadungu masala. Ḏua, ya waro ua 'oru balasu 'aḏi kanau ra Yesus. Gena ḏua, Yesus 'o tagi re 'O manyiata moju.

Yohanes 1:14

'Idini gena-ge ri dadi manusia, re Unanga 'o tegoro tananga sigolona re wa oḏi'i ḏua 'Ai kabasarana. Kabasarana gena-ge ma 'asala ra Ma Jou'ongu Madutu sababu Unanga 'Ai Ngowa'a Nau'u pa'i matengo. Sababu Unanga, ngene wa basono tala Ma Jou'ongu Madutu 'ai mura re dadalara masala ra ngene, re Unanga 'o sijumu ma ba-banari mangale Ma Jou'ongu Madutu ra ngene.

Yohanes 17:24

Baba, Ngoi to mau ngowa'a ga'a Baba reno pula'a ra Ngoi, ananga 'aḏi mamete'e ra Ngoi toma ngi'i ga'a Ngoi 'age, la ananga ya oḏi'i 'Ari mulia. Mulia gena-ge ga'a Baba reno pula'a ḏua ra Ngoi, sababu Baba no dadalara Ngoi wakutu dungia 'i dadi nyangu.

2 Petrus 1:16

Ngomi remi doto'o ra ngini mangale ngene nanga Jou Yesus Kristus, ḏuanga i'a dadunu 'o sapolo rai kabasarana. 'Oru ga'a ngomi remi doto'o, gena-ge ngomi madaga'a masiretene ua, mada'a ngomi minga la'o masiretene ma oḏi'i mangale Ma Jou Yesus Kristus 'ai kabasarana ma pari cua.

1 Yohanes 3:2

Ioronongoḏu ngo-ngaku rimoi ngoi tunu dadalara! Kalaha ngene nange-ne Ma Jou'ongu Madutu 'ai ngowa-ngowa'a, ngene wo waro nyangu mangale ḏuanga i'a nanga ḏe-ḏegoro ma duhu sa'olo. Sababu Ma Jou'ongu Madutu na siajele nyangu. Mada'a ngene rewo waro wakutu Kristus dadunu 'o sapolo moju, ngene wo dadi sa'olo Unanga, sababu wo oḏi'i Unanga 'ai ḏe-ḏegoro 'i ti-tiai.