Lukas 9:30 - Jaji ma Su-sungi

^30-31 Kage-kage ngowa'a nga muḏiḏi, matengo 'a Musa re matengo ḏi'i 'a Elia, ananga gena-ge 'aḏi masijumu remanga cahaya da'u soroga tala. Ananga 'aḏi ma'u kanau ra Yesus mangale 'Ai se-sengene ga'a ma 'orasa ti'ara riwara 'i ngadolo toma limau Yerusalem.

Lukas 9:30 Iomraidhean Croise

Lukas 1:17

Unanga ḏuanga i'a 'o dadi Ma Jou'ongu Madutu 'ai so-soma'a re unanga rai de-de'e re kuasa ma tero sa'olo nabi Elia. Unanga ḏuanga i'a 'o sidame ḇaḇa re manga ngowa'a. Re ngowa-ngowa'a ga'a 'aḏi oḏu'u mete'e Ma Jou'ongu Madutu 'ai 'akala ma mau, unanga ya'u sibi-biri'i di'a 'aḏi maḏibo toma ngo'omo boloto. Unanga ḏuanga i'a 'o 'a'a so'o gena, la ngowa-ngowa'a manga 'akala re sinyingara 'i ḏu-ḏuanga ḏua di'a dawongo Ma Jou.”

Lukas 24:27

Gena ḏua, Yesus 'a sitarangi ra ananga 'oru ga'a silefo ḏua toma Boku 'Ofi-'Ofi ma dara mangale Unanga masiretene; mulaingi ra Musa 'ai boku-boku re nabi-nabi mo-moini manga boku.

Lukas 24:44

Togumu i'a, Unanga 'o kanau ra ananga, “Wakutu Ngoi to marimoi ra ngini moju, Ngoi ta siajele ḏua ra ngini: Mo-moini mangale Ngoi ga'a 'i silefo ḏua ra Musa re toma nabi-nabi manga boku re toma Mazmur ma dara; gena-ge balasu 'i dadi.”

Lukas 9:19

Ananga ya sangoro, “ 'Age mamuni'a 'aḏi kanau Jou 'a Yohanes tukanga baptis. 'Age mamuni'a 'aḏi kanau Jou nabi Elia, ma lelegu ḏi'i 'aḏi kanau Jou nabi ma lelegu 'ua re 'au wali matengo i'a 'o dadunu 'ahu moju.”

Lukas 9:29

Yesus 'o manyiata si'olona i'a, 'Ai biono ri ngali, re 'Ai pakeanga 'i dadi buḏo jama-jamanga.

Yohanes 1:17

Sababu Ma Jou'ongu Madutu 'ai hukumu, gena-ge ma barakati siḏa ga'a ngene wa dawongo ra Musa. Mada'a Ma Jou'ongu Madutu 'ai ba-banari re 'Ai mura re dadalara, gena-ge ma barakati su-sungi ga'a ngene wa basono tala sababu Yesus Kristus.