Lukas 9:26 - Jaji ma Su-sungi

²⁶ Na'o ngowa'a 'aḏi mara'a mangaku Ngoi re 'ari do-doto'o wakutu Ngoi, Manusia ma Ngowa'a Nau'u 'o ḏuanga i'a dadunu to sapolo rari kuasa, re Ḇaḇa 'ai kuasa re mala'ekata-mala'ekata 'ofi-'ofi ma kuasa; Ngoi ḏi'i mai to mara'a mangaku ngowa'a gena-ge.

Lukas 9:26 Iomraidhean Croise

Matias 16:27

Sababu rema kuasa Tari Ḇaḇa ti'ara riwara, Ngoi, Manusia ma Ngowa'a Nau'u mamete'e Rari mala'ekata-mala'ekata ḏuanga i'a 'aḏi sapolo. Toma 'orasa gena-ge, Ngoi to balasa mete'e matengo-matengo manga ga'a.

Matias 25:31

“Wakutu Ngoi, Manusia ma Ngowa'a Nau'u To sapolo moju sa'olo 'Olana rari kabasarana lamo'o, mala'ekata mo-moini 'aḏi mete'e Ngoi, re Ngoi ḏuanga i'a to tegoro tari ḏe-ḏegoro ga'a 'i mulia.

Matias 26:64

Yesus 'a sangoro, “Ma tero sa'olo ngana no kanau. Mada'a 'elingi 'Ari demo nena-ne: ngini ḏuanga i'a ni oḏi'i Ngoi, Manusia ma Ngowa'a Nau'u, To tegoro ra Ma Jou'ongu Madutu 'ai giama ma kuwiḏa i'a, Unanga gena-ge 'Ai kuasa ma pari cua. Re Ngoi to sapolo ra Ma Jou'ongu Madutu toma kakamo ma re'u da'u diwanga tala!”

Markus 8:38

Toma dungia nena-ne, 'i romanga reo ngowa'a 'aḏi 'isene Ma Jou'ongu Madutu ua? 'A guna ḇato 'o mara'a mangaku mete'e Ngoi re 'ari do-doto'o; Ngoi to mara'a ḏi'i mangaku unanga gena-ge 'Ari me-mete'e wakutu Ngoi, Manusia ma Ngowa'a Nau'u, dadunu to sapolo moju mamete'e Rari Ḇaḇa ma kuasa re mala'ekata-mala'ekata 'Ofi-'Ofi.”

Yohanes 12:43

Sababu ananga lebe nyanyaḏi manusia ya'u puji re silamo'o reo Ma Jou'ongu Madutu 'o puji re silamo'o ananga gena-ge.

Yohanes 5:44

Ngini ni ma'u dawongo puji re silamo'o matengo re matengo, mada'a ni makutale ua sanga puji re silamo'o ra Ma Jou'ongu Madutu tala, ga'a Unanga pa'i matengo ḇato. Dadi sanga ua, ngini ni ngaku Ngoi.

Yesus 'ai so-soma'a 10:22

Ananga ya sangoro, “Kapiteng Kornelius 'o soma'a ngomi sapolo 'ane. Unanga ngowa'a loasa re banari re 'o silamo'o re mojongo Ma Jou'ongu Madutu. Ngowa'a Yahudi mo-moini 'aḏi silamo'o masala unanga ḏi'i. Ma Jou'ongu Madutu 'ai mala'ekata matengo 'o soma'a unanga 'o golo'o 'a Tuanga no sapolo tai wala, la 'o 'isene 'oru Tuanga no siajele ra unanga.”

Roma 1:16

Sababu ngoi to ngaku ti-tiai toma Habari Roanga ga'a kuasa ra Ma Jou'ongu Madutu tala di'a sisalamata ngowa'a ga'a raḏi ngaku mo-moini: Siḏa-siḏa ngowa'a Yahudi, kara nange-ne ngowa'a Yahudi ua ḏi'i.

2 Korintus 12:10

Sababu gena-ge, ngoi to maroanga na'o ngoi to lamahana: Ngoi to maroanga bae ngoi to sanga susa, bae to sanga sangisara, bae to sanga sikisa bae sanga je-jengere, sababu ngoi to munara di'a Kristus. Wakutu ngoi to lamahana, 'orasa gena-ge ngoi to dadi te'e sababu Kristus 'ai kuasa 'i riono ngoi.

Galatia 6:14

Mada'a ngoi masiretene to oḏu'u madutu to matoro mangale 'oru ḇato, ḏuga-ḏuga ngoi mau to sitoro mangale nanga Jou Yesus Kristus ga'a ro sengene toma salib di'a ngene. Sababu Unanga 'ai se-sengene gena-ge, ngoi to 'ahu ma tero ua sa'olo manusia toma dungia nena-ne ga'a 'aḏi mete'e manga nyafusu ma jira. Re ḏi'i, manusia toma dungia nena-ne ya sahe ua mangale 'ari 'ahu marimoi ra Ma Jou Yesus.

1 Timotius 5:21

Ra Ma Jou'ongu Madutu, Kristus Yesus, re mala'ekata-mala'ekata ga'a cumutu ḏua ra ananga mo-moini manga momina, ngoi to golo'o mode-mode'e ra ngana: balasu no ḇangata jama'ata ma bi-biri'i gena-ge toma jama'ata manga biono; awa no ta'ajiri ngowa'a bolo no ḏubuso kaci moi.

2 Timotius 1:12

Ma sababu gena-ge, ngoi ta sanga ma sangisara. Mada'a ngoi to mara'a ua, sababu ta waro mode-mode'e Yesus Kristus ga'a ngoi reto ngaku re ḏi'i Unanga 'o saolo Habari Roanga ga'a Unanga 'a siwatasa ḏua ra ngoi singadolo Kiamata ma Wangere.

2 Timotius 2:12

Na'o ngene wo doiti sangisara, ngene ḏuanga i'a wo parenta mamete'e ra Unanga. Mada'a na'o ngene wo masoloto Unanga, Unanga ḏuanga i'a 'o soloto ngene ḏi'i.

'Ibrani 11:26

Kalaha ngowa'a 'u si'u'ua sababu 'ai ngo-ngaku ra Kristus, unanga 'o fikiri gena-ge ma ijana lebe lamo'o i'a reo unanga 'o sanga Mesir manga harata, sababu Musa pa'i tatamo 'ai ngogele toma biono i'a.

'Ibrani 13:13

Sababu gena-ge, ino ngene wo sisoi'i ngowa'a Yahudi manga ngo'omo ma siḏa re pa'i wo sapolo ra Yesus ḇato di'a sigofi nanga ḏosa. Re ino ngene wa dawongo mara'a ma tero sa'olo Yesus ro dawongo mara'a toma limau ma ḏuḏunu.

Yudas 1:14

'Ua re 'au wali, Henokh, a Adam 'ai ju'uda nani tumudingi tala, unanga ra sinubuata mangale ngowa-ngowa'a gena-ge. Unanga 'o kanau, “Oḏi'i, Ma Jou ḏuanga i'a 'o sapolo Rai mala'ekata 'ofi-'ofi rema cala-cala,

Tingoýi 1:7

Oḏi'i, Unanga 'o sapolo sa'olo mabalene toma kakamo. Re ngowa-ngowa'a mo-moini 'aḏi oḏi'i Unanga. So'o gena ḏi'i, ngowa'a ga'a 'aḏi topo'o Unanga. Bangsa mo-moini toma dungia ma dara, ananga gena-ge ya rerese ma gaḏi, wakutu 'aḏi oḏi'i Unanga. 'Amin.

Tingoýi 20:11

Gena ḏua, ngoi to oḏi'i ḏe-ḏegoro lamo'o bu-buḏo rimoi re Ma Jou'ongu Madutu 'o maḏegoro toma ḏe-ḏegoro gena-ge ma re'u. Diwanga re dungia 'i iranga ra Unanga 'ai biono, singadolo kama oḏi'i riwara.

Tingoýi 21:8

Mada'a ngowa'a ga'a manga ngo-ngaku taḇe i'a, ngowa'a 'aḏi ngaku ua, ngowa-ngowa'a ga'a madiga'a jira, ngowa-ngowa'a ga'a sisengene ngowa'a, ngowa'a su-sudala, ngowa'a ga'a 'a'a sarati, ngowa'a ga'a 'aḏi silamo'o re siḏubuso jou'ongu ma somoara, ngowa'a sa-sakala, ananga mo-moini gena-ge ḏuanga i'a 'aḏi siupa'a toma ngoloto u'u ga'a walira leja-lejanga. Gena-ge ma ngale: Ananga 'aḏi basono sengene ma soi ḏiḏi.”

Tingoýi 3:5

'A guna ḇato 'ai ngo-ngaku ra Ngoi kama elala ua singadolo 'o sengene, ḏuanga i'a 'aḏi mapake juba bu-buḏo. Manga lomanga ta singi-ngiranga yoḏu'u toma ngowa'a 'ahu-'ahu manga boku. Re Rari Ḇaḇa 'ai biono re mala'ekata-mala'ekata manga biono, Ngoi to mangaku to kanau ananga gena-ge Ngoi 'ari ngowa-ngowa'a.