Lukas 9:23 - Jaji ma Su-sungi

²³ Ḏua Yesus 'o kanau i'a toma ngowa-ngowa'a mo-moini gena-ge, “ 'A guna ḇato mau 'o mete'e Ngoi, balasu 'a mete'e 'ai mau masiretene riwara re wange moi-wange moi balasu 'o doiti 'ai salib, kara 'o mete'e Ngoi tau-taunu.

Lukas 9:23 Iomraidhean Croise

Roma 8:13

Sababu na'o ngini 'ahu mete'e manusia ma tabeata baraḏosa, tantu ḏua ḏuanga i'a ngini ni sengene kasingado-ngadolo i'a. Mada'a na'o Ma Ngagara 'Ofi-'Ofi 'i sinyanyasele ninga 'ahu, ngini nga'unu ni 'ahu mete'e riwara manusia ma tabeata baraḏosa re ḏuanga i'a ni sanga 'ahu kasingado-ngadolo i'a.

Kolose 3:5

Sababu gena-ge, ngini ni upa'a mo-moini dungia ma nyafusu ga'a ma 'asala toma manusia: su-sudala, 'a'a 'ori i'a ma cafarune, oḏi'i we-were'a yoḏu'u, nyafusu ma jira, re da-danata. Da-danata gena-ge ma tero sa'olo silamo'o re siḏubuso jou'ongu ma somoara.

2 Timotius 3:12

'A guna ḇato mau 'ahu, la ananga 'aḏi sisanangi Ma Jou'ongu Madutu 'ai 'akala re sinyingara re 'ahu marimoi ra Kristus Yesus, ananga gena-ge ḏuanga i'a sanga sikisa.

Titus 2:12

Sababu 'Ai mura re dadalara, Ma Jou'ongu Madutu 'o sidoto'o ngene, la awa ngene nanga 'ahu 'i lawana Unanga 'ai mau, re wo mete'e awa dungia ma nyafusu. Mada'a siḏibo ḏi'i, ngene balasu wo 'ahu toma dungia nena-ne sa'olo ngowa'a ga'a 'aḏi nga'unu manahana nanga nyafusu ma jira renanga 'ahu loasa re banari re nanga de'oso re ḏegoro 'i sisanangi Ma Jou'ongu Madutu 'ai 'akala re sinyingara.

'Ibrani 13:13

Sababu gena-ge, ino ngene wo sisoi'i ngowa'a Yahudi manga ngo'omo ma siḏa re pa'i wo sapolo ra Yesus ḇato di'a sigofi nanga ḏosa. Re ino ngene wa dawongo mara'a ma tero sa'olo Yesus ro dawongo mara'a toma limau ma ḏuḏunu.