Lukas 9:20 - Jaji ma Su-sungi

²⁰ Yesus dadunu 'o sano, “Mada'a mete'e ngini ninga wo-waro masiretene, Ngoi ne 'a guna?” Petrus 'a sangoro, “Jou 'O Kristus ga'a Ma Jou'ongu Madutu ro sijaji 'ua re 'au wali.”

Lukas 9:20 Iomraidhean Croise

Matias 22:42

“Mete'e ngini ninga wo-waro mangale 'O Kristus, 'a guna Unanga 'ai ete re dotumu?” Ananga 'aḏi sangoro, “ 'Olana Daud 'ai ju'uda.”

Matias 26:63

Mada'a Yesus pa'i 'o masiogoro ḇato. Soi moi moju 'imam 'agung 'o sano ra Yesus, “Ra Ma Jou'ongu Madutu ga'a 'ahu-'ahu, sikanau ino ra ngomi mode-mode'e Ngana nena-ne 'O Kristus, Ma Jou'ongu Madutu 'ai Ngowa'a Nau'u, bolo ua?”

Matias 5:47

Re na'o ngini ni pula'a tabea pa'i ra ngini ninga ḏagilomu ḇato, enanga ma rousu 'oru?! Ngowa-ngowa'a ga'a 'aḏi nana'o ua Ma Jou'ongu Madutu mai nga'unu ya si'a'a so'o gena-ge!

Markus 14:61

Mada'a Yesus pa'i 'o masiogoro ḇato. Unanga 'a sangoro ceka'a i'a mai ua. Ḏua 'imam 'agung 'o sano soi moi moju ra Unanga, “Ngana nena-ne mode-mode'e 'O Kristus, Ma Jou'ongu Madutu 'ai Ngowa'a Nau'u bolo ua?”

Markus 8:29

Yesus dadunu 'o sano, “Mada'a na'o mete'e ngini masiretene nena-ne, Ngoi ne 'a guna?” Petrus 'a sangoro, “Jou 'O Kristus.”

Lukas 22:67

Ananga 'aḏi sano ra Yesus, “Siajele ra ngomi mode-mode'e, ngana nena-ne 'O Kristus bolo ua?” Yesus 'a sangoro, “Na'o Ngoi to siajele ra ngini, ngini rini ngaku Ngoi ua!

Lukas 9:19

Ananga ya sangoro, “ 'Age mamuni'a 'aḏi kanau Jou 'a Yohanes tukanga baptis. 'Age mamuni'a 'aḏi kanau Jou nabi Elia, ma lelegu ḏi'i 'aḏi kanau Jou nabi ma lelegu 'ua re 'au wali matengo i'a 'o dadunu 'ahu moju.”

Yohanes 1:41

Andreas 'o sisoi'i tala Yesus re 'o tagi ca-capati re 'o disa 'a Simon, ananga gia nongoḏu. Re unanga 'o kanau, “Ngomi remi ma'u sanga 'O Mesias” (gena-ge ma ngale: 'O Kristus).

Yohanes 1:49

Natanael 'o kanau, “Rabi, Jou mode-mode'e Ma Jou'ongu Madutu 'ai Ngowa'a Nau'u re mode-mode'e ngowa'a Israel manga 'Olana!”

Yohanes 11:27

Marta ma sangoro, “Ya Ma Jou, ngoi to ngaku Ma Jou 'O Kristus, Ma Jou'ongu Madutu 'ai Ngowa'a Nau'u, ga'a Unanga ro sijaji di'a 'O 'utusu toma dungia nena-ne.”

Yohanes 20:31

Mada'a mo-moini gena-ge ri silefo toma boku nena-ne, la nyengara ngini ni ngaku mangale Yesus gena-ge 'O Kristus, Ma Jou'ongu Madutu 'ai Ngowa'a Nau'u re na'o ni ngaku Unanga, ngini sanga 'ahu kasingado-ngadolo i'a.

Yohanes 4:29

“Ino ngini ni oḏi'i ngowa'a matengo ga'a 'o siajele ra ngoi mangale 'oru ḇato ga'a ngoi ta si'a'a ḏua! Ḏa Unanga gena-ge 'O Kristus!”

Yohanes 4:42

Ḏua ananga gena-ge 'aḏi kanau i'a toma we-were'a gena-ge, “Nange-ne ngomi remi ngaku mode-mode'e mada'a pa'i sababu 'ani demo ḇato ua, mada'a sababu remi 'isene masiretene Unanga 'ai demo-demo re ngomi remi waro Unanga gena-ge Salamata ma Cimi mode-mode'e di'a dungia nena-ne.”

Yohanes 7:41

Mamuni'a 'aḏi kanau, “Unanga nena-ne 'O Kristus.” Mada'a mamuni'a 'aḏi kanau, “ 'Ah sanga ua, 'O Kristus 'o sapolo toma Galilea ino!

Yesus 'ai so-soma'a 17:3

Paulus 'o sitarangi re 'o pula'a bukiti toma Boku 'Ofi-'Ofi mangale 'O Kristus balasu 'o basono sangisara re Unanga dadunu 'o 'ahu moju da'a toma ngowa'a senge-sengene manga sigolona. Re Paulus 'o kanau, “Ngoi to siajele ra ngini mangale Yesus, Unanga gena-ge 'O Kristus ga'a Ma Jou'ongu Madutu 'U sijaji pasala ḏua.”

Yesus 'ai so-soma'a 8:36

Tamanga ḏo-ḏagi gena-ge ma dara, ananga 'aḏi ngadolo toma ngi'i rimoi rema ḇanyo. Ngowa'a Etiopia gena-ge 'o kanau, “Oḏi'i 'age rema ḇanyo! Nyengara bolo ua to sanga baptis?” [

Yesus 'ai so-soma'a 9:22

Mada'a Saulus 'ai kuasa ganapu te'e re lamo'o. Unanga 'o pula'a nana'o mangale Yesus gena-ge sa'olo 'O Kristus singadolo ngowa'a Yahudi toma limau Damsyik 'aḏi rubutu ri yoḏu'u.

1 Yohanes 5:1

'A guna ḇato 'aḏi ngaku mangale Yesus gena-ge 'O Kristus ga'a Ma Jou'ongu Madutu 'o sijaji pasala ḏua, ananga gena-ge Ma Jou'ongu Madutu 'ai ngowa-ngowa'a. 'A guna ḇato 'aḏi dadalara Ma Jou'ongu Madutu manga Ḇaḇa, 'aḏi dadalara ḏi'i 'Ai ngowa-ngowa'a.