Lukas 9:2 - Jaji ma Su-sungi

² Gena ḏua, Unanga 'o soma'a ananga 'aḏi tagi si-la ngowa'a siḏi re singadolo habari Roanga mangale Ma Jou'ongu Madutu 'Ai Pareta.

Lukas 9:2 Iomraidhean Croise

Matias 10:5

Yesus 'ai so-soma'a nga nyagi moi re nga muḏiḏi gena-ge, Unanga ya'u 'utusu 'o bererongo so'o ne: “Awa ni tagi toma ngowa-ngowa'a Yahudi ua manga daeraha. Re awa tuḏu toma limau-limau ngowa'a Samaria.

Matias 13:19

Gisisi ga'a 'i eta'a toma ngo'omo ma 'uḏu, ma tero sa'olo ngowa'a ga'a 'isene habari mangale Soroga ma Pareta, mada'a ya sahe ua. Dadi 'Iblisi sapolo re ya ra-rabasa 'oru ga'a 'i siare ḏua tamanga 'akala re sinyingara ma dara.

Matias 24:14

Re Habari Roanga mangale Soroga ma Pareta, enanga ḏuanga i'a 'i rera re walata toma dungia sitabi donga, la ngowa'a mo-moini ya 'isene, kara Kiamata ma Wangere 'i sapolo.”

Matias 3:2

ma betongo so'o ne: “Ni maḏibo toma ngo'omo boloto sababu ti'ara riwara Soroga ma Pareta 'i ngadolo.”

Markus 16:15

Ḏua, Yesus 'o kanau ra ananga, “Ni tagi sikoloḏi dungia, re ni singadolo Habari Roanga da'u ra Ma Jou'ongu Madutu tala toma ngowa'a mo-moini.

Markus 6:12

Pasala i'a, Yesus 'o soma'a 'Ai me-mete'e 'aḏi tagi re singadolo ngowa-ngowa'a balasu maḏibo toma ngo'omo boloto.

Lukas 10:1

Gena ḏua, Ma Jou 'o cumutu 'Ai me-mete'e ma lelegu nga nyagi tumudingi, kara ya'u sibalangu 'aḏi tagi nga muḏiḏi-nga muḏiḏi di'a 'aḏi tagi siḏa toma ngi'i-ngi'i ga'a Yesus 'o mau tutumu.

Lukas 10:11

‘Limau nena-ne ma korou'u ga'a 'i pata taminga rou ma sata, ngomi ma sesara ra ngini ninga momina di'a 'i dadi nana'o rimoi ra ngini mangale Ma Jou'ongu Madutu dawongo ngini ua ḏi'i. Mada'a ngini ni 'elingi 'Ari demo nena-ne: Tiara riwara Ma Jou'ongu Madutu 'ai Pareta 'i ngadolo.’

Lukas 10:9

Toma limau-limau gena-ge ngini ni si-la ngowa'a siḏi re ni sihabari ra ananga gena-ge, ‘Tiara riwara Ma Jou'ongu Madutu 'ai Pareta 'i ngadolo.’

Lukas 16:16

Musa 'ai hukumu 'i singadolo re nabi-nabi manga do-doto'o 'i siḏagi tau-taunu singadolo toma 'orasa Yohanes tukanga baptis. Mada'a mulaingi toma 'orasa gena-ge, Habari Roanga mangale Ma Jou'ongu Madutu 'ai Pareta 'i singadolo tau-taunu re ngowa-ngowa'a 'aḏi makutale mode-mode'e di'a 'aḏi osama nyo-nyoimi ra Ma Jou'ongu Madutu 'ai Pareta.

Lukas 9:11

Mada'a wakutu ngowa'a repe ya waro mangale gena-ge, ananga 'aḏi siduu'u 'a Yesus. Unanga ya'u dawongo ananga re 'o siajele ra ananga mangale Ma Jou'ongu Madutu 'ai Pareta re Unanga ḏi'i 'o si-la ngowa'a siḏi.