Lukas 9:16 - Jaji ma Su-sungi

¹⁶ Gena ḏua, Yesus 'a 'oro roti ngai romotoa nange-ge re nyao'o ngai ḏiḏi, kara 'O talaḏi ie da'u diwanga re 'O sibere ie murasa ma la ra Ma Jou'ongu Madutu. Ḏua Unanga 'a poti-poti ma roti re 'A sibalangu nyao'o gena-ge, re 'A pula'a i'a Tai me-mete'e, la ananga ya sibalangu toma ngowa'a repe.

Lukas 9:16 Iomraidhean Croise

Matias 14:19

Gena ḏua, Yesus 'o soma'a ngowa'a repe gena-ge 'aḏi tegoro toma rurubu ma re'u. Re Unanga 'o 'oro roti ngai romotoa re ma nyao'o ngai ḏiḏi 'O talaḏi ie da'u diwanga re 'O sibere ie murasa ma la ra Ma Jou'ongu Madutu. Togumu gena, Unanga 'A poti-poti roti re 'A sipula'a Tai me-mete'e, kara ananga ya sibalangu toma ngowa'a repe gena-ge.

Matias 15:36

Gena ḏua, Yesus 'a 'oro roti ngai tumudingi re ma nyao'o gena-ge re 'O sibere ie murasa ma la ra Ma Jou'ongu Madutu. Ḏua Unanga 'a poti-poti roti re nyao'o gena-ge re 'O sipula'a Tai me-mete'e di'a ya sibalangu toma ngowa'a kawasa.

Markus 7:34

Gena ḏua, Yesus 'o talaḏi ie diwanga re 'a iḏala 'ai sangagara re 'o kanau i'a toma ngowa'a gena-ge, “Efata,” ma ngale: “Welanga ḏua!”

Lukas 22:19

Gena ḏua, Yesus 'a 'oro roti re 'o kanau, “Murasa ma la” ra Ma Jou'ongu Madutu, kara Unanga 'a poti-poti ma roti gena-ge re 'A pula'a ra ananga re 'O kanau, “Nena-ne Ngoi 'ari lese ga'a sidoa'a di'a ngini. Na si'a'a tau-taunu di'a ni si'elingi Ngoi.”

Lukas 24:30

Wakutu ananga 'aḏi tegoro oromo, Yesus 'a 'oro ma roti re 'O sibere ie murasa ma la ra Ma Jou'ongu Madutu, kara 'A poti-poti ma roti re 'O pula'a ra ananga.

Lukas 9:15

Yesus 'ai me-mete'e ya si'a'a ma tero sa'olo 'a Yesus 'o soma'a ra ananga.

Lukas 9:17

Ananga mo-moini 'aḏi oromo singadolo 'aḏi wunusu. Togumu i'a, Yesus 'ai me-mete'e ya lomu ngo-ngoromo ma jingianga ya sanga pipigu nyagi moi re romoḏiḏi.

Yohanes 6:11

Gena ḏua, Yesus 'a 'oro roti gena-ge re 'O sibere ie murasa ma la ra Ma Jou'ongu Madutu, kara 'A sibalangu roti gena-ge toma ngowa'a repe. So'o gena ḏi'i nyao'o gena-ge. Dadi ngowa'a repe 'aḏi oromo singadolo 'aḏi matai wunusu mo-moini.

Yohanes 6:23

Ḏua ngowa-ngowa'a toma limau Tiberias da'a kaci moi 'aḏi sapolo remanga oti 'ane, co-cori ngi'i ga'a Ma Jou ro sibere ie murasa ma la ra Ma Jou'ongu Madutu, kara 'o sibalangu roti re nyao'o toma ngowa'a repe di'a 'aḏi oromo.

Yesus 'ai so-soma'a 27:35

Paulus 'o kanau togumu i'a, 'o 'oro roti re 'o sibere ie murasa ma la ra Ma Jou'ongu Madutu ra ananga mo-moini manga biono. Ḏua 'a sibalangu, kara unanga 'a oromo.

Roma 14:6

Matengo i'a ga'a 'o siwola i'a wangere rimoi sa'olo lai lamo'o; unanga 'o 'a'a so'o gena, la silamo'o Ma Jou. Re matengo i'a ga'a 'o oromo ngo-ngoromo 'oru ḇato; unanga 'o 'a'a so'o gena, la silamo'o Ma Jou sababu unanga ro sibere ie 'ai murasa ma la ra Ma Jou'ongu Madutu. So'o gena ḏi'i matengo i'a ga'a 'o oromo pa'i uge-uge ḇato; unanga 'o 'a'a so'o gena, la silamo'o Ma Jou re 'o sibere 'ai murasa ma la ra Ma Jou'ongu Madutu.

1 Korintus 10:30

Na'o ngoi to oromo ngo-ngoromo re to pula'a murasa ma la ra Ma Jou'ongu Madutu, i'a sa'olo matengo i'a 'o sijuruhakimi ngoi di'a to 'a'a so'o gena?!

1 Korintus 11:24

re Unanga 'o sibere ie murasa ma la ra Ma Jou'ongu Madutu. Togumu i'a, Unanga 'a poti-poti ma roti gena-ge re 'O kanau, “Nena-ne Ngoi 'ari lese ga'a sidoa'a di'a ngini. Na si'a'a tau-taunu di'a ni si'elingi Ngoi.”