Lukas 9:11 - Jaji ma Su-sungi

¹¹ Mada'a wakutu ngowa'a repe ya waro mangale gena-ge, ananga 'aḏi siduu'u 'a Yesus. Unanga ya'u dawongo ananga re 'o siajele ra ananga mangale Ma Jou'ongu Madutu 'ai Pareta re Unanga ḏi'i 'o si-la ngowa'a siḏi.

Lukas 9:11 Iomraidhean Croise

Matias 12:15

Yesus 'a waro mangale ngowa'a Farisi manga 'ulungu ma jira ra Unanga. Dadi Yesus tagi 'a sisoi'i tala ngi'i gena-ge re ngowa'a repe 'aḏi mamete'e ra Unanga. Re Unanga 'o si-la ngowa'a siḏi mo-moini.

Matias 14:14

Wakutu Yesus 'o 'uci toma oti ino re 'O oḏi'i ngowa'a repe, Tai 'akala re sinyingara 'i baolo dadalara ra ananga. Dadi Unanga 'o si-la ngowa-ngowa'a siḏi toma ngowa'a repe manga sigolona.

Matias 21:31

Nah tai ngowa'a nga muḏiḏi gena-ge 'a guna ga'a 'a mete'e manga ḇaḇa 'ai mau?” Ananga gena-ge ya sangoro, “Ngowa'a nau'u ma ioro.” Ḏua, Yesus 'o kanau ra ananga, “Ni ngaku mode'e 'Ari demo nena-ne: Ngowa'a golo-golo'o balastengi re we-were'a su-sudala, ananga gena-ge 'aḏi osama nyo-nyoimi ra Ma Jou'ongu Madutu 'ai Pareta; mada'a ngini ua!

Matias 21:43

“Sababu gena-ge, Ngoi to siajele ra ngini nena-ne: Ngini ninga haku sa'olo Ma Jou'ongu Madutu 'ai 'umata, gena-ge Ma Jou'ongu Madutu 'a 'oro re 'A sipula'a di'a bangsa lelegu ga'a manga 'ahu mete'e Ma Jou'ongu Madutu 'ai 'akala ma mau. [

Lukas 1:53

Ma Jou'ongu Madutu 'o pula'a 'ori i'a ma la-la toma ngowa-ngowa'a ma dinga'unu ua singadolo ananga 'aḏi basono kama kuranga ua, mada'a ngowa'a rema-enanga Ma Jou'ongu Madutu ḏuanga i'a 'o soma'a 'aḏi tagi kamanga 'oru ua.

Lukas 5:31

Yesus 'a sangoro, “Ngowa'a kamanga si-siḏi ua 'aḏi paralu dokter ua. Pa'i ngowa'a remanga si-siḏi ḇato 'aḏi paralu dotere.

Lukas 8:1

Ma 'orasa ti'ara ua, Yesus 'o tagi toma limau-limau re 'o gamu-gamu di'a singadolo Habari Roanga mangale Ma Jou'ongu Madutu 'ai Pareta. Re 'Ai me-mete'e nga nyagi moi re nga muḏiḏi mete'e Unanga.

Lukas 8:10

Ḏua Yesus 'a sangoro, “Ngini reni sanga cocatu di'a ni sahe 'ori i'a go-gogono mangale Ma Jou'ongu Madutu 'ai Pareta. Mada'a ngowa'a ma lelegu ga'a ngaku Ngoi ua wa'u doto'o reo 'ade-'ade, la kalaha ananga nga'unu 'aḏi oḏi'i, ananga ya sahe ua 'oru ga'a 'i dadi, re kalaha ananga ya 'isene, ananga ya sahe ua ma maksudu.”

Lukas 9:10

Yesus 'ai so-soma'a 'aḏi ḏibo re 'aḏi sijarita 'oru ga'a ananga ya si'a'a pasala ḏua. Togumu i'a, Yesus ya'u sigaro'o ananga, la Unanga re ananga 'aḏi tagi masai'i i'a toma limau Betsaida.

Lukas 9:12

Wakutu wangere sa'i ri soḏu, Yesus 'ai me-mete'e 'aḏi sapolo ra Unanga, re 'aḏi kanau, “Jobilaha Jou no soma'a ngowa-ngowa'a nena-ne 'aḏi tagi, la ananga nga'unu 'aḏi disa manga ngo-ngoromo re 'aḏi masiḏingoto toma gamu-gamu re daeraha-daeraha co-cori sababu ngi'i nena-ne 'i tiwongo.”

Lukas 9:2

Gena ḏua, Unanga 'o soma'a ananga 'aḏi tagi si-la ngowa'a siḏi re singadolo habari Roanga mangale Ma Jou'ongu Madutu 'Ai Pareta.

Yohanes 4:34

Yesus 'o kanau ra ananga, “Mete'e Ma Jou'ongu Madutu ga'a Ro 'utusu Ngoi, Unanga 'ai mau re siḏuanga munara ga'a Unanga ro pula'a ra Ngoi, gena-ge Ngoi 'ari ngo-ngoromo!

Yohanes 6:37

Mada'a ngowa'a mo-moini 'Ari Ḇaḇa 'o sidoa'a ra Ngoi, ananga gena-ge ḏuanga i'a 'aḏi sapolo ra Ngoi. Re 'a guna ḇato ga'a sapolo ra Ngoi, Ngoi ta'u itomo ua.

Yesus 'ai so-soma'a 28:31

Unanga 'o singadolo kama mojongo ua mangale Ma Jou'ongu Madutu 'ai Pareta re mangale Ma Jou Yesus Kristus. Re Paulus 'a si'a'a 'ai munara gena-ge kama sanga dola'aku ua.

Roma 10:14

Mada'a ma ngo'omo sa'olo ngowa'a 'aḏi maḏigaro'o na'o ananga 'aḏi ngaku nyangu ra Ma Jou?! Re ma ngo'omo sa'olo ngowa'a 'aḏi ngaku Ma Jou, na'o ananga 'aḏi 'isene mangale Unanga nyangu?! So'o gena ḏi'i ma ngo'omo sa'olo ananga nyengara 'aḏi 'isene mangale Ma Jou, na'o ngowa'a tagi nyangu di'a singadolo mangale Unanga?!

Roma 10:17

Sababu gena-ge ngowa'a pa'i nyengara 'aḏi ngaku ḇato Kristus, na'o 'aḏi 'isene 'Ai habari. Re habari gena-ge ananga pa'i nyengara ya 'isene ḇato, na'o ngowa'a ya'u singadolo habari mangale Kristus.

Roma 15:3

Sababu Kristus ḏi'i 'o disa ua di'a sisanangi 'ai diri masiretene. Mada'a ma tero sa'olo toma Boku 'Ofi-'Ofi ma dara ri silefo mangale Kristus ro kanau ra Ma Jou'ongu Madutu so'o ne: “Demo je-jengere ga'a ngowa'a 'aḏi kanau ra Ma Jou'ongu Madutu, gena-ge ri singe-ngeta'a ra Ngoi.”

2 Timotius 4:2

Ngana balasu no singadolo tau-taunu Habari ra Ma Jou'ongu Madutu ino, re ngana balasu no ḏu-ḏuanga ḏua singadolo habari gena-ge ra ananga, la ananga ya 'isene: bae 'aḏi nyengara bolo 'aḏi oḏu'u. Ngana balasu na'u site'e manga ngo-ngaku ra Ma Jou Yesus re na'u sitarangi manga sala re na'u babata ananga. Mada'a ngana balasu na'u doto'o pake 'akala ḇanyo.

'Ibrani 4:16

Sababu gena-ge, ino ngene renanga mojongo awa wo talaḏi Ma Jou'ongu Madutu ga'a 'O parenta re sijumu 'Ai mura re dadalara ra ngene. Unanga gena-ge 'a sijumu 'Ai 'akala re sinyingara ma la-la re pula'a 'Ai mura re dadalara ra ngene, la ngene wo sanga ri-riono pasi-pasi enanga ma 'orasa.