Lukas 8:56 - Jaji ma Su-sungi

⁵⁶ Ngowa 'olo were'a 'ami ḇaḇa re 'ami ngina 'aḏi heranga masala. Mada'a Yesus 'o simaha ua ananga 'aḏi sihabari 'oru 'i dadi gena-ge ra guna ḇato.

Lukas 8:56 Iomraidhean Croise

Matias 8:4

Ḏua Yesus 'o kanau, “ 'Elingi! Awa sijarita mangale gena-ge ra guna ḇato. Mada'a no tagi re no masijumu 'ani lese toma 'imam, la siwaro tala mangale ngana reno la. Pasala i'a no pula'a 'ani jou-jou ga'a mete'e Musa 'ai hukumu sa'olo bukiti rimoi toma ngowa-ngowa'a ḏi'i mangale ngana reno la.”

Matias 9:30

Toma 'orasa gena-ge ḏua, ananga raḏi oḏi'i. Unanga 'o sipo-poma ananga, “Awa ni siajele hali nena-ne ra guna ḇato.”

Lukas 5:14

Ḏua, Yesus 'o sipo-poma 'o kanau ra unanga, “Awa ngana na sijarita mangale gena-ge ra guna ḇato. Mada'a no tagi re no masijumu 'ani lese toma 'imam, la siwaro tala mangale ngana reno la. Pasala i'a no pula'a 'ani jou-jou di'a sigofi 'ani lese ga'a mete'e 'a Musa 'ai hukumu sa'olo bukiti rimoi toma ngowa-ngowa'a ḏi'i mangale ngana reno la.”

Lukas 8:55

'Ami nyawa ri ḏibo re mo momi'i. Togumu i'a Yesus 'o soma'a ananga 'aḏi pula'a munanga mo oromo.