Lukas 8:50 - Jaji ma Su-sungi

⁵⁰ Yesus 'a 'isene i'a so'o gena, kara Unanga 'o kanau ra Yairus, “Mojongo awa, ngaku ḇato ḏuanga i'a 'ani ngowa'a mo la.”

Lukas 8:50 Iomraidhean Croise

Markus 5:36

Yesus ya'u siwaro i'a ua ananga, re 'o kanau i'a ra Yairus, “Mojongo awa, ngaku ḇato.”

Markus 9:23

Yesus 'o sangoro, “I'a sa'olo no aje, ‘Na'o Jou no nga'unu?’ Mo-moini nyengara 'i dadi ra guna ḇato na'o ni ngaku Ngoi!”

Lukas 8:48

Yesus 'o kanau ra munanga, “ 'Ari ngowa'a, sababu ngana no ngaku Ngoi, ngana reno la, no tagi rani dame.”

Lukas 8:51

Wakutu ananga 'aḏi ngadolo ra Yairus 'ai wala, Yesus 'o simaha ua ananga matengo i'a 'aḏi osama mamete'e ra Unanga, ḏuga-ḏuga Petrus, Yohanes, Yakobus, re ngowa'a ga'a mo siḏi 'ami ḇaḇa rami ngina.

Yohanes 11:25

Yesus 'o kanau i'a ra munanga, “Ngoi nena-ne dadunu to si'ahu ngowa-ngowa'a sengene, re To pula'a 'ahu ḏi'i. Kalaha ngowa-ngowa'a raḏi sengene, ananga gena-ge ga'a 'aḏi ngaku Ngoi, dadunu 'aḏi 'ahu moju.

Yohanes 11:40

Yesus 'o kanau ra ngo Marta, “Ngoi reto kanau ra ngana, na'o no ngaku, ngana ḏuanga i'a no oḏi'i kuasa lamo'o ra Ma Jou'ongu Madutu tala.”

Roma 4:17

Sababu Ma Jou'ongu Madutu ro kanau ra Abraham so'o ne: “Ngoi reto sidadi ngana no dadi ḇaḇa di'a bangsa ma repe.” Abraham 'o dadi ḇaḇa di'a ngene mo-moini ra Ma Jou'ongu Madutu 'ai momina sababu unanga 'ai ngo-ngaku ra Unanga. Ma Jou'ongu Madutu gena-ge ga'a 'O dadunu si'ahu moju ngowa'a senge-sengene re pa'i 'O kanau ḇato re 'ori i'a 'i dadi nyangu, nyengara 'i dadi rema enanga.

Roma 4:20

Unanga 'o taka-taka ua mangale Ma Jou'ongu Madutu 'ai jaji. Siḏibo ḏi'i, unanga 'o ngaku tau-taunu singadolo 'ai ngo-ngaku 'i site'e 'ai 'akala re sinyingara. Sababu gena-ge, unanga 'o puji re silamo'o Ma Jou'ongu Madutu,