Lukas 8:43 - Jaji ma Su-sungi

⁴³ Toma ngowa'a repe manga sigolona, 'age rema we-were'a matengo mo siḏi 'ami ngaunu 'i pa'ala ma di'ara musungu nyagi moi re romoḏiḏi. Re 'ami 'ori i'a rana mai mawu'unu rema moini di'a 'ami sou'u ma bo-bangu toma dotere. Mada'a matengo i'a mai ua nga'unu si-la munanga.

Lukas 8:43 Iomraidhean Croise

Markus 12:44

Ananga mo-moini 'aḏi pula'a ra manga 'ori i'a rana pai-pai'i. Mada'a were'a balo gena-ge 'ami 'ahu 'i ma dinga'unu ua. 'Ami pipisi di'a munanga 'ami 'ahu masiretene mai mo pula'a ma simoini.”

Markus 9:18

Wakutu unanga 'ai si-siḏi 'i sapolo 'a sibau-bau'u 'ai lese toma tana'a, 'ai sopu'u 'i pa'ala, 'ai ngiḏi 'i kirioto, ḏua 'ai lese cokutu 'i yoḏu'u. Ngoi to golo'o Tani me-mete'e ya dusu'u roh ma jira gena-ge, mada'a ananga nga'unu ua ya dusu'u.”

Lukas 13:11

Tamanga sigolona, 'age rema we-were'a matengo ga'a mo siḏi ma di'ara musungu nyagi moi re tu'angere ḏua, sababu roh ma jira mi dungosama. We-were'a nena-ne mo pukutu, dadi mo te'oso boloto yoḏu'u.

Lukas 13:16

Nah, nange-ne 'age rema we-were'a matengo munanga 'ami 'asala ra Abraham ino, 'Iblisi 'i agutu munanga ma di'ara musungu nyagi moi re tu'angere ḏua. 'I rapu 'oru, na'o wa pasala ma bi-biri'u toma Sabata ma wangere!”

Lukas 8:27

'Age rema ngowa'a matengo ga'a roh ma jira 'u dungosama da'a toma limau ino. Ma di'ara ḏua unanga gena-ge kai pakeanga ua re 'o tegoro ua tai wala mada'a unanga pa'i 'o tegoro toma kubu ma aḏu'u. Ma jelele ḏua roh ma jira 'u dungosama. Re kalaha ngowa'a 'aḏi jaga-jaga unanga re 'ai rou re 'ai giama ya rate, nga'unu 'a tola'a sababu roh ma jira 'u ḏegoro kara gasa unanga toma ngi'i ga-garura. Wakutu Yesus waro 'o 'uci toma oti, ngowa'a gena-ge 'o jau i'a Unanga. Wakutu 'o oḏi'i 'a Yesus, unanga 'o poa'a kara 'o mapagara 'ai biono tala ra Unanga. Yesus 'o parenta roh ma jira 'i supu toma ngowa'a gena-ge, kara ngowa'a gena-ge 'o kanau, “Yesus, Ma Jou'ongu Madutu toma Gau'u 'ai Ngowa'a Nau'u! Rini 'a'a 'oru ngoi? Ngoi to maḏigaro'o, awa no sijira ngoi!”

Lukas 8:42

Sababu 'ari ngowa'a were'a pa'i munanga matengo 'ami 'umuru musungu nyagi moi re romoḏiḏi sa'i mo sengene. Wakutu Yesus 'o tagi ra Yairus 'ai wala, ngowa'a repe masala 'u gowolo Unanga toma biono re ḏuḏunu, kuwiḏa re kuḇali singadolo ananga ma'u tu-tuḏu.

Lukas 8:44

We-were'a gena-ge mo masebanga i'a ra Yesus 'ai ḏuḏunu, kara ma cigi 'a Yesus 'ai juba ma dere. Toma 'orasa gena-ge ḏua 'ami ngaunu 'i pa'ala riwara.

Yohanes 9:1

Wakutu Yesus 'o tagi i'a, Unanga 'o oḏi'i ngowa'a hafu matengo masinge-ngeta'a da'u tala.

Yohanes 9:21

Mada'a ma sababu sa'olo nange-ne unanga nyengara 'o oḏi'i, ngomi masiretene ma waro ua. Re 'a guna 'a si-la 'ai la'o, gena-ge ḏi'i mai ngomi ma waro ua. Ni sano ḇato ra unanga, unanga ro tubaie ḏua. Unanga nyengara 'o sangoro di'a unanga masiretene.”

Yesus 'ai so-soma'a 3:2

Toma 'orasa gena-ge, ananga 'aḏi gasa ino ngowa'a matengo 'o ḇolo singe-ngeta'a dau tala moju, 'u sigare ra Ma Jou'ongu Madutu 'ai Wala ma soana ma ngalana lamo'o, ga'a ya si'aro'o ngalana Rousu. Ma wangere ma jelele i'a ananga 'u sigare toma ngi'i gena-ge, la 'u golo'o pipisi toma ngowa-ngowa'a 'aḏi osama ra Ma Jou'ongu Madutu 'ai Wala ma soana.

Yesus 'ai so-soma'a 4:22

Ngowa'a ḇolo ga'a ro la gena-ge, unanga 'ai 'umuru musungu nyagi rata pai'i.