Lukas 8:33 - Jaji ma Su-sungi

³³ Dadi roh-roh ma jira gena-ge 'i supu toma ngowa'a gena-ge, kara 'i mangosama toma soto. Soto mo-moini 'i masija'olo wiḏi toma bawata ma 'uḏu re 'i maḏupaka toma talaga ma dara singadolo ri jala mo-moini.

Lukas 8:33 Iomraidhean Croise

Matias 8:32

Yesus 'o kanau, “Supu!” Dadi roh-roh ma jira gena-ge 'i supu toma ngowa'a nga muḏiḏi, re 'i osama toma soto-soto. Ḏua, ma soto enanga 'i masiwale toma bawata ma 'uḏu singadolo masieta'a toma talaga, ḏua ri jala.

Lukas 5:1

Toma 'orasa rimoi, Yesus 'o te'oso doto'o ngowa-ngowa'a toma talaga Genesaret ma 'uḏu. Ngowa'a repe 'aḏi gowolo Unanga di'a 'aḏi 'isene Habari Roanga ra Ma Jou'ongu Madutu ino.

Lukas 8:32

Co-cori toma ngi'i gena, 'age rema soto duo-duono rimoi 'i disa oromo toma sau ma gagoro. Roh-roh ma jira gena-ge 'i maḏigaro'o ra Yesus nga'unu gari'a Unanga 'o pula'a watasa, la enanga 'i osama toma soto-soto gena-ge. Ḏua Yesus 'o nyengara.

Lukas 8:34

Wakutu sowohi-sowohi soto ya oḏi'i 'oru ri dadi pasala ḏua, ananga 'aḏi lalara sihabari toma limau re toma gamu ma sebanga.

Yohanes 8:44

Ngini ninga ḇaḇa 'Iblisi, re ngini mau ni mete'e 'Iblisi ma mau. Toma ma mulaingi singadolo nange-ne, 'Iblisi 'i mau sisengene ngowa'a. Soi moi nyangu 'Iblisi 'i kanau 'oru ga'a 'i banari. Sababu ba-banari 'i tegoro ua toma 'Iblisi. Wakutu enanga 'i kanau sa-sakala, gena-ge biasa ḏua, sababu enanga sa-sakala re sa-sakala mo-moini ma cimi.

1 Petrus 5:8

Ni ma'istiari re ni ḏu-ḏuanga ḏua tau-taunu di'a ni talaḏi 'oru ḇato ga'a ḏuanga i'a 'i dadi. Sababu 'Iblisi ga'a ninga lawana 'i koloḏi i'a re ino, di'a 'i sijira ninga ngo-ngaku 'i ma tero sa'olo singa 'i maboa-boa'a disa ma ngo-ngoromo.

Tingoýi 9:11

Enanga gena-ge rema 'olana ga'a 'a parenta. 'Olana gena-ge mala'ekata ga'a gu-gu'u kuci di'a ngabanga maut ma da-damunu. Ma lomanga toma demo 'Ibrani Abadon, toma demo Yunani Apolion. (enanga ma ngale: “Ngowa'a ga'a sijira”)